الكاتبه زمرد القيسي
نجماتي ✨
صوتو علقو بين الفقرات احبكم 🤎✨
بنيان بل حائط حتى بل اخر اكتب بنيت بتعب
ورسم احلامي ما منه وطن
واكف مشراك الشمس بعزه دمع
بلكي ضحكه تمر خطار
أتاني واتاني بنهايه القطار
بلكت الله وفكد الحال
تمر غصه لا ولف لا اخو
ودك باب بنهايه مطر
بلكت امر على بال
واكعد فيي الله
من كثر وكعن على رأس
شسولفك واني قصتي
تهضم حتى مصايبه ثكال
انتظرك مثل الشمس
بكت تطيب حال
وعوض الله بعز السواد/ نوره الشمري
نيروز:صرت احجي كلشي بگلبي
انته بعمرك ماحسستني بحنان الأب الحقيقي
بالعكس ماشفت منك بس الضيم عشت وياك برعب
اخذت اعز ناسي خليتني وحيده بهاي الدنيا
اخذت طفولتي ذبيتني يم غرب ماتعرف شنو يكونون ممكن يأذوني مافكرت بيه رجعت. اخذتني زوجتني لأحمد
ومافكرت ممكن يسوي شي بيه انته كل همك روحك وبس
مافكرت يوم تخليني أحسك انته حنين عليه
بس تعرف الغرب صارو احسن منك
صار عندي مرض نفسي صرت اخذ علاجات
نيروز:صرت احجي وابجي هوه مارفع راسه
عذار:كافي نيروز ياله نطلع
نيروز:بس خلي اكلك كلمه اخيرا
المكسوره من الغريب تروح لأبوها بس المكسوره من ابوها وين تروح
نيروز :حجيتها وكفت طلعنا اني وعذار
عذار:هيج وماريدج تجين شوفينه
نيروز:لا ارتاحيت من حجيت الي بگلبي
عذار:تعاي
نيروز:طلعنا بالسياره وصلنا البيت نزلت ودخلت لغرفتي قفلت الباب طفيت الضوه ورحت ع فراشي تمددت ابجي واحجي ويه روحي
ليش اني من البنات هيج حالي لاأب ولاأم ولاأخو تعبانه اريد افضفض لأحد يسمعني صرت ابجي بجنون مرت تقريبا ساعه ونص تعبت حطيت راسي ونمت صحيت ع ضربه بالباب باوعت الباب راح ينكسر
زمن:نيروز بيج شي
نيروز:لالا شجاج كمت فتحت الباب
رحيم:ادري كل عقلج شنو نومه أهل الكهف موحتا الجيران اجو حسبالهم ميته
نيروز:لابس تعبانه ونمت
رحيم:مره ثانيه لاتتعبين مابينه حيل نگوم نلطم
نيروز:هههههههه
عمران:بيج شي حبيبتي
نيروز:لابابا بس تعبانه ونمت
عمران:ديربالج ع روحج
ميساء:بنيتي ارتاحي لاتعبين روحج
نيروز:هزيت راسي راحو كلهم اجت زمن
