الكاتبه زمرد القيسي
نجماتي ✨
صوتو علقو حتا تصعد الروايه
-------
اخذني من تعب الدنيا وضمني بديره عيونك:-
.
...فتحت الهديه جانت علبه صغيره بيها سواره بيها عيون والسلسال ذهب كلش حلوه وراقيه عجبتني اخذتها وابتسمت
نيروز:انته يمتا عيد ميلادك
عذار:مومهم اكره هاذا اليوم
نيروز:ليش اكو واحد مايحب عيد ميلاده
عذار:ااي اني وبعد لاتعيدين الموضوع
نيروز:سكتت وهوه راح لغرفته
.
يعني لوين تروح اله اعرف شنو سالفتك ساعاتك موسوه اخذت الهديه ودخلت ع غرفتي فتحت موبايلي شفته ناشر ستوري ع الوات
.
جان صوره لأيده وهوه لازم الجكاره كاتب عليها
_
عضيتو الأيد الي انمدت الكم بعد هيايات بتابوت ماشيلكم.
خرجت منها سديت مبايلي نمت صحيت الصبح سويت ريوك تريكنا نضفت البيت جان سبت هم ماعندي مدرسه غسلت الحوش خلصت شغلي دخلت سبحت وطلعت مشطت شعري لبست جادر وبديت اقرأ صوره الكهف خلصت سبحت باوعت علي كاعد يصفح مبايله
نيروز:ماتصلي
عذار:لاجنت
نيروز:شون تريد تتوفق بحياتك وانته ماتصلي
عذار:شي موخاص بيج
نيروز:اكلك انته شو رافع خشمك
عذار:ااي احسن حتا ماسمع صوتج
نيروز:انته شنو سالفتك وياي
عذار:بكيفي
نيروز:جان يستفزني بروده صديت عنه بصفحه رحت للمطبخ لكيت ماما مسويه دولمه
نيروز:اولي شون دولمه
ميساء:الف عافيه حبيبتي
نيروز:الله يعافيج
.
رحت ع غرفتي طلعت كتبي حضرتهن طلعت اتغديت وياهم خلصو لميت السفره ورحت اغسل ماعين خلصت مسحت ايدي وأخذت كتبي طلعت اقرأ بالحديقة جانت بدايه بروده بديت أقره ومندمجه خلصت رفعت راسي شفته واكف ومكتف أيده ...
عذار:زعلتي
نيروز:مايهم
عذار:اني شخص عصبي بسرعه اتعصب
نيروز:وهاي موخوش صفه بيك
عذار:الله خلقني هيج
نيروز:يي تكدر تغيرها
عذار:ماتتغير
نيروز:انته ليش تختلف عن رحيم
عذار:رحيم يذب ميانه بسرعه وهاي الطبع ماحبه بي ماحب يثق بالناس لئن محد يتأمن
نيروز:اكو ناس تتأمن أكثر من روحك
عذار:الي أمنت بيهم وانطيتهم نور عيني خانو هههه شكاعد تحجين انتي
