وصلت قوة من المخابرات لمنزل عائلة الصاوي
اللواء : ازاي ده يحصل يا فجر وانتوا كنتوا فين هي دي مراقبتكو ليه انا واضح اني غلط لما حملتكوا المسئولية دي ازاي يخطف البنت ويعمل فيها كده انتي عارفة البنت دي بنت مين الوزارة كلها مقلوبة علينا من ساعه اللي حصل وقبل أن يكمل حديثه جاء أحد الظباط وهو يحمل فلاشة
الظابط: مصطفي بيه في حد بعت الفلاشة دي وسابها علي باب القصر منعرفش مين
اللواء مصطفي : يزيد هات اللاب توب وشغل الفلاشة وكان الجميع ينتظر بفضول ليروا ما بداخل هذه الفلاشة ليظهر لهم فيديو وبداخله فجر وعاصي وهما يبتسمون ويشرحوا كيف يتم تنفيذ هذه الخطة لتقلب العالم عليهم
عز بذهول : ايه ده فجر
فجر بصدمة وتفكير : دي مش انا اكيد دي خطة من خطط عاصي ظلت تتحدث والجميع ينظر لها بصدمة
اللواء مصطفي: للاسف يا فجر احنا بناخد بالأدلة اللي قدامنا
فجر بذهول : انتوا مصدقين أنه دي انا معقول مش واثقين فيا انتوا نسيتوا انا مين وعملت ايه علشان انهي علي حاجة بدمر بلدنا معقول فيديو مزور زي ده يهز ثقتكم فيا
اللواء بأسف : انا اسف يا فجر بس لازم اعتقلك حالا
الجميع بصدمة ورفض : لا لا
عبد الله: يا فندم الموضوع اكيد خطة فجر متعملش كده ارجوك ادينا وقت نفكر ونثبت الدليل علي عاصي
اللواء مصطفي برفض : الامر انتهي يا حضرة الظابط انا للاسف لازم اعمل كده حتي لو واثق أنه فجر متعملش كده عاصي عرف يوقع فجر وهو عارف ومتأكد أنه محدش هيقدر يدينه
فجر بهدوء شديد : طب خمس دقايق يا سيادة اللواء وهاجي مع حضرتك
ليلي بدموع : لا لا عز متخلهوهمش ياخدوها عمي اعمل اي حاجة
فجر بحنان لها : متخافيش يا ماما هابقي كويسة المهم تسمعوا كويس اللي هقوله انا عارفة عاصي عمل كده ليه عاصي عايز يستفرد بالعيلة وهدفه أنه يبعدني ويورطني انا عايز كل حاجة تمشي زي ما هي كاني موجودة واكتر ويزيد وأسر والبنات معاكم كل اللي طالباه انكم تاخدوا حذركم منه انا معرفش هيحاول يعمل ايه تاني لو فعلا عايزين تساعدوني يبقي تسمعوا كلام الشباب والبنات متخرجش لوحدها الا لو معاهم حد من الفريق التفت فجر للجميع لتنظر لهم بحب
فجر : انا مستعدة يا سيادة اللواء
فاتن : لا ارجوك سيبها بنتي معملتش حاجة ارجوكم اتصرفوا
سيف بجمود : خليهم يشوفوا شغلهم لينظر له الجميع بصدمة كيف له أن يكون بكل هذا البرود
ذهبت فجر وودعت الجميع والفتيات تبكي بشدة لما حدث
كريم : جدو لو سمحت طلع فجر انا مقدرش اعيش من غيرها ذهبت شمس له بتردد واحتضتنته بشدة ولا تدري لماذا فعلت ذلك فهو بحاجة لها وبشدة
الجد : سالم اتصل بالمحامي يا ابني
علي الناحية الأخري في منزل عاصي
عاصي بضحكة خبيثة : الله ده احلي خبر اسمعه في حياتي واخيرا هشوف فجر مذلولة قدامي وهاحرق قلبها وهي مش قادرة تساعد أهلها هاستمتع قوي بعذابها علشان تفكر بعد كده تقف قدام عاصي حلو اسمع يا عثمان الليلة هنخلص علي عيلة الصاوي كلها وهنرجع لندن تاني ومش عايز اي دليل ورانا عايز الموضوع يبان طبيعي ويفضل مجهول ويبقوا يدورا بقا علي القاتل
عاصي لعثمان : في اي جديد عندك
عثمان : أيوة يا باشا ظهر عدو جديد لعيلة الصاوي اسمه طلعت كان صديق لفؤاد ولما صاحبه اتحبس حب يكمل انتقامه من عيلة الصاوي وبكرة ناوي يتحرك
عاصي بخبث : لا انهاردة لازم يكون عندي وده معقول تبقي جهتنا واحدة ومنبقاش مع بعض الليلة دي طلعت ده يكون عندي وانا هاتصرف معاه كويس ومش عايز اي غلط يا عثمان فاهم
عثمان بطاعة : امرك يا باشا
علي الناحية الأخري في منزل طلعت
طلعت : انت يا زفت ياللي اسمك عصام
عصام بخوف شديد : تحت امرك يا باشا
طلعت : عملت ايه
عصام ؛: الشرطة قبضت علي فجر بنت عز يا باشا
طلعت بصدمة واستغراب : قبضوا عليها ليه ونظر لعصام بغضب هو انت جاي تقطعلي الكلام متعرفش ليه يا غبي قبضوا عليها انا مشغل معايا بهايم غور من وشي ساعه وتكون المعلومات عندي انت فاهم
علي الناحية الأخري في قصر عائلة الصاوي
معاذ بغضب لسيف : انت ازاي تقول الكلام ده قدام اللواء انت مش همك فجر يعني ايه كمية البرود اللي عندك دي وعلي أساس بتحبها شهقت الفتيات بصدمة من هذا الاعتراف الصريح
سيف ببرود : انا قلت كده لانه كلامنا مكانش هيغير كلام اللواء وكان هياخد فجر برضو وكمان انا اللي فهمته من فجر أنه عاصي ده مش هيسكت واكيد الخطوة الجاية هتكون تمنها عيلة الصاوي علشان كده اسمعوني كويس احنا هنجيب كاميرات ونزرعها في البيت كلها والبنات مش هيفضلوا هنا المكان هنا بقا خطر عليهم هيروحوا بيت ماما وخالتي وحد من الفريق هيبقي معاهم وكريم كمان هيروح معاهم وكارما
ليلي بخوف : ليه ده كله هو عاصي ممكن ياذي البنات طب وفجر هتخرج ازاي كل الأدلة ضددها
يزيد : متخافوش احنا هنعرف نثبت براءة فجر واصلا اللواء معانا في الخطة هو بس كان بينفذ القانون المهم دلوقتي نحافظ علي سلامة الكل ونسبق عاصي بخطوة لانه حتما دلوقتي هيقدر يتحرك بكيفه ولازم نكون مستعدين لاي هجوم منه انتوا فاهمين
جودي وملك بشر : يجي بس واحنا هنقوم معاهم بالواجب
عمر بخوف : هما اتحولوا كده ليه
باسم بهمس : بيشتغلوا مع فجر عايزاهم ازاي واخرس بقا انت شايف الكل عامل ازاي
نكمل البارت الجاي..........
يا تري عاصي هينجح ولا لاء ؟؟؟؟
بقل/ آية المهدي.......
أنت تقرأ
متى ينتهي عذابي
Misteri / Thrillerانا التي خلقت من رحم أمي أنا من أصبحت اما لشقيقتي انا من واجهت صعوباتي انا من عاهدت نفسي الا أحزن واذرف الدموع فحان وقت ظهوري الان لهم
