ازابيلا ...
"وتظن انها النهاية لتكتشف أنها ليست إلا البدايه"
___________
وصلت للبيت اول مافتت طبگت كيه بيها رجالين شباب حجى واحد منهم
الشاب : العفو يابنيه هذا بيت جواد زوج حوريه
ثُريا : هسا جواد اخويا مشيتلك هي بس حوريا شنو
خويا حمديه وبعدين عيب تكول حمديه جواد كلت يكفي
الشاب : هههههه شبيج اكلتيني بكشوري
عمي اسف بس ردت اتاكد سوي مجال افوت الزوالي
ثُريا : نزلو الزوالي وششوفلكم ايبااااااااااااا معرف شون جانو كاعدين عليهم
اكلك خويا شني من المزبله جايبيهن
الشاب : شنسوي مانبدلهن ولا نغسلهن كبل نذبهن
يلا امشينا ثيمالا
ثُريا : سفطتهن بالكراج وحده فوك الخ بصفحه رحت غسلت وبدلت عسريع وسويت غدا ما الحك اتريك لا يجون الويلاد من التقاطع يتغدون ويرجعون كبل طبتك تمن احمر وشفت طماطايا بالثلاجه يا فرحه الله جابها شلفتها ويا التمن
فجيت الغدا وصيحتهم يجون ياكلون وفرغت لابويا هم بالف يا الله يلا ياكل
واخذت صحن يبووو بقى شويا جبت الجدر حكيته خليتلهم من الحكاكه وخليت للياسمين من الصحن مالتنا
رحت دكيت الباب طلعت ياسمين
ياسمين : ولج وين صرتي متت جوع
ثريا : بين ما بدلت ديلا هاج
ياسمين : اوكفي اجيب صحنج
هاي سويته خصوصي وداريته الج
ثريا : ياباا عاشت ايدج
رحت ركض وخليت يم التمن ... الي يمد ايده اكسرها روحو غسلو
كرار: هاي شنو عمة مسويا باجه
لا التمن اني والباجه من بيت ياسمين صديقتي
كرار : شيليها من جدامي وجيبيلي التمن وشلفيلي بصل
علي : ولك نسمطنا بالشمس وتجي تاكل بصل حتى تثول السواق من تكللهم كلينس يدوس عليك بالسياره هههههههه
كرار : نجب
ثُريا : اكل واسكت احمد ربك اكو طماطه وشلفتها
يلا ورايه شغل
كملو وراحو وسبحت البنات هم ونطيت لامي هم علاجها وراحت كعدت يم ابويا
وتشكلت وجبت الراديو مال جواد
والله لو جواد يعرف الا يموتني
المهم علكته على اغنيه سعد الحلي ... عاين يا دكتور
شكد اسمعهااا ... اسمعها واغني وياهاا
وفرشت اول زوليه بحيث ريحتها تكتل
شدعي عليج حمديه ... كمت اغسل واني بمكاني نكسر ضهري
ام جواد : هاي لحد هسا تغسلين
ثُريا : نكسر ظهري يمة كمت ابجي
أنت تقرأ
بَين الفقدان والحِرمان
Romanceوقيل عن الفقدان لا احد يحسه بأحساسه فقط الفاقد ، وهو فقد الذين لا نتصور العيش من دونهم . وقيل عن الحرمان الحرم من كل شيئ حتى الوان الحياة اصبحت بلا لون لأنني لا ارى سو الفقدانِ والحِرمانِ. بقلمي ارويها لكم الكاتبه ازابيلا حقيقيه .
