ازابيلا ...
انا خايف لا تمر نسمات غيري
وتشتهي بروحك مكان وتنسى ودي
انا خايف تزهك بروحك محبتي
وابقى وحدي ....
______
..امي كاعده بالكاع ومتربعه وتدك وتلطم العالم كلها برا عياط وسيارات وصوت القصف على يا ساعه احس راح يقصفونا ... يأبه بس أحد بي خير يفهمني شكو گلبي راح يوكفففف يارببببييييي يا اللللللهي جواد وينه شبي بس كولولي شكو ؟
ام ثُريا: يابويااااا ابو ياسمين الخوش زلمه هيج روح يبووو يا حسرتي شموتك چنت چنك العافيه
_ امي صدك تحجي ... ادري جاي تذم تمدح
تواسي تستهزء ...
واني عبالي جواد صارله شي ... على هاي الدكه لو جواد ميت ولا هو باعي شسوت
حمديه : لج انتي لسانج يرادله كص
_ ثريا : كص لو دجاج .... دروحي هي الدنيا مشتعله
ولكم ياسمين وين ياربي بالي كله يم ياسمين
وينها ياسمين دخلت للبيت جوه ششوف المنظر مخلين ابو ياسمين بالكاع ملفوف ب بطانيه والبطانيه كلها دم وكلهم داير مدايره .....
شعور لا يوصف تخيلت نفسي مكانها !
ياربي الله يشوفني هيج يوم بواحد من اهلي الفراگ صعب صعب كلش هم ...بثگل الجبل عالچتف .. مثل الحجرة المشتعله عالبلعوم
كلش نقهرت على ياسمين ... الفاتحه ٣ ايام .. اني مافاركتها ولا لحظه .. صديقتي واختي اوكفلها
الكوفه والدعم النفسي بهيج ايام ومواقف ماتنسي ابدا ...
ابو ياسمين مات بالقصف الإيراني ... هو وكم واحد من اصدقائه ... كل يوم اروح يم ياسمين
جانت بصدمه وضعها يبجي الحجر بعمر صغير تصير يتيمه ! تفقد الاب ! اصعب فراق والله شكد ما احجي مانطي حقه ... الاب خيمه ... وبيت
هسا ياسمين تكولي بيتنا نهجم وخيمتنا طارت
ثٌريا : ميصير تسوين هيج بنفسج .. اذكري الله صلي عالنبي ... اللهم صلي على محمد وعلى اله وصحبه اجمعين..
لازم كلشي نأخذه سبب .. الله ياخذ شي وينطي شي ..هسا بهاي اللحظه انتي دينتظرج شراح تسوين شراح تكولين ؟ حتى يأجرج على اقوالج وافعالج خوش ؟
ياسمين : شون يعني. ؟
مجاي تفهميني راح اموت من القهر شون مجاي اتقبل فكرة موته ...
هسا انتي لازم تتقبلين غصبا عليج ..
لازم تكولين رضيت بما قسمته لي ياربي ..
اكو دعاء هم هيج يحجي ...
ويكول فإذا رضيت بما قسمته لك ارحت قلبك وبدنك ...
بعدين الله سبحانه وتعالى.. اعلم ... الله اذا احب عبد ابتلاه .. وانتي الله ابتلاج بأعز ناسج ...
وإن شاءالله يارب العالمين تتقبلين هالشي وهالقسمه وتحمدين الله وتشكرينه لأن انتي هيج هيج مع الوضع راح تتناسين ... والافضل هسا حتى الله يأجرج بمبتلاج ..
أنت تقرأ
بَين الفقدان والحِرمان
Romanceوقيل عن الفقدان لا احد يحسه بأحساسه فقط الفاقد ، وهو فقد الذين لا نتصور العيش من دونهم . وقيل عن الحرمان الحرم من كل شيئ حتى الوان الحياة اصبحت بلا لون لأنني لا ارى سو الفقدانِ والحِرمانِ. بقلمي ارويها لكم الكاتبه ازابيلا حقيقيه .
