ازابيلا ....
- عَوَدِتني شلون أَڪاسِر ليلي بيك
عَوَدِتني مِنين ما أَعوفَك أَجيك ...
......
نجمه وتعليق 🤍
______________
ترا مصاير شي شبيج ؟
حمديه : شني مصاير شي وانتي مكضيتها يوميا طلعين ويا بالليل شني عبالج اني غبيه ما افهم ؟
باوعت بصدمه .... صدك تحجين شني تراقبيني
_ اذا انتي بهالصلافه صايره شون ماراقبج ؟
حمديه دنيا ليل مو وكت طلابتج شني تشكين بيا وبأخوج المتزوج ؟
_ بأخويا أنه ماشكن بس،،
بس بيا تشكين ..اي كولي هيج
_ تحجين لو شنو ..
يأبه والله ماكو شي اخوج وتعرفينه ع طول كاعد بالليل رحت اشرب ماي جان كاعد طلع للبستان كال امشي وياي الجو بدأ يبرد طلعنا تمشينا ورجعنا .
_ وانتي ياهو الاجه كلج امشي تطلعين ويا ؟
ترا اخوج وابن عمي مطالعه ويا واحد من الشارع
جيهان : صدك جذب هسا حتى هو سمعكم اقسم بالله متستحون ع نفسكم ...عمي كافي طفوا الضوا اريدن انطمر ..
انطمري ياهو الكاضج ..
_ ثريا انتبهي لروحج وتصرفات ..
خوش
_ اكلج شي ؟
كولي شبقيتي انتي ..
_ اي شي يصير تجين تحجيلي وعوفي الباقي عليا ..
مافهمت ؟
_ فهمج كفايه ...تصبحين على خير
عافتني وراحت ...
كعدت على صوت جيهان ...
جيهان : كومي ولج شني خفاش تكعدين بالليل وتنامين بالنهار ..كبر لفج كون أن شاءالله
بلا لغوة جويجه ..
جيهان : نجبي وگومي عاد عيب نحن مو بيتنا تنامين لهل ساعه ..
كمت على حيلي اتمطى ...ليش ساعه شكد ؟
_ساعه ب 8 ونص
صدك تجين جيهان ؟؟
_ اي
الله لا يربحج ...عبالي ساعه ١٢ لو ١ تالي تطلع ثمانيه ...
_ لو تظلين لهيج ساعه غير امي تركص النعال على روسنا ...
هههههههه اي بالله ..
طلعنا وكعدتا تريگنا ...
إم ثريا : لعد وليدي وينه ؟
صابرين : طلع للسلف .. الليل كله مانام تالي غير ملابسه وراح ..
ام ثُريا: خاف هذا مسحور شجاه ؟
أنت تقرأ
بَين الفقدان والحِرمان
Romanceوقيل عن الفقدان لا احد يحسه بأحساسه فقط الفاقد ، وهو فقد الذين لا نتصور العيش من دونهم . وقيل عن الحرمان الحرم من كل شيئ حتى الوان الحياة اصبحت بلا لون لأنني لا ارى سو الفقدانِ والحِرمانِ. بقلمي ارويها لكم الكاتبه ازابيلا حقيقيه .
