السلام عليكم ورحمة الله وبركاته.
اخباركم حلويني؟
شكرًا لتفاعلكم مرة رُغم اني ماحطيت شرط لكنكُم بردتوا جبدي❤️
أسف للي صار البارت اللي فات واتمنى ماطابت نفسكم منها ههههههه
من اليوم لآخر بارت خليكم على هالمُستوى ومابطالب بشروط
لم يتم التدقيق ، سكب للأخطاء حلويني
استمتعوا🩶
.
.
.
.
11 August
يوم الأحد
بعد ثلاث أيام مِن وفاة نايف.
: بخلي شارلوت تجيب الفطور حبيبي تمام؟
مارد عليه وكان منسدح بينما عيونه على الفراغ ، كان كأنما هو جثة بالحياة.
انقبض قلبه عليه وطلع من الغرفة ، له يومين بنفس الحالة ماكان راضي ياكل ولا يشرب ولا حتى يقابل احد
: شارلوت أجلبي الفطور لغُرفة غابرييل.
وقف قدام الباب ودموعه نزلت ، كل جزء بهالبيت يذكرهم بنايف وهالشي كان له تأثير سيء عليهم الاثنين
قبض يده وقرر وهو يمسح دموعه ، فاروق لازم يطلع من هالمكان ، لازم.
سمع صوت الباب يندق وقرر يترك الامر للحارس ، ان كان مجاهد او فهد فهو بيدخلهم
دخل الغرفة لفاروق وقرب منه ، حط يده تحت ظهره وقال بصوت رقيق : حبيبي اجلس لاتخوفني عليك ، مايصير جذي والله مايهون علي اللي تسويه بنفسك
فاروق تأمله شوي بهدوء ، رفع جسمه وجلس بإستسلام ، ابتسم وهب برفق لأنه لقى انه قادر يأثر عليه فعلًا ، رغم كل شي مر فيه ، كلماته تأثر فيه.
: سيد وهب
وهب سمع صوت الحارس القلق ووقف : أجل فيرو؟
الحارس قال بتردد بينما يطالع بفاروق : أيمكنك ان تأتي قليلًا؟
وهب عقد حواجبه واومئ : بالتأكيد ، فاروق حبيبي الحين شارلوت تجيب الريوق ، حاول تاكل لو لقمة عشاني تمام؟
فاروق مارد عليه ورجع انسدح يطالع بالسقف بهدوء ، تنهد وهب وطلع من الغُرفة وقال : ماذا هُناك؟
فيرو : انها .. انها السيدة روان
وهب انصدم ومشى بخطوات سريعة على الدرج لين وصل للصالة وشافها واقفة ودموعها تنزل
قرب منها بسرعة وهي بدون مقدمات ضمته ونطقت : لي.يش ماعلمتني انه .. انه مات؟
وهب توسعت عيونه ونطق بجمود بينما ماتحرك : شنو؟
روان : انا السبب
أنت تقرأ
ذَنبُ عِشق.
Romanceلازِلتَ بمِثابةِ جُرحٍ هُنا ، تَحذو حَذوَ أكبَر ذنبٍ إقترفتُه ولَن أخوضَك مَرةً أُخرى. - وَهب - عاميّة ، مِثليّة ، ١٨+ Sexual and slewd words | self harm and suicidal thoughts . [ 6 June 2024 ] [ 24 July 2024 ]
