يتبع
صكر: شكو رقيه شبيج اصيحين وهاي شكو هنا شبيج غزل
رقيه: مرتك ادبهة وخليهة تعرف الاصول اجت خنكت غزل تريد تموتهة ولو مااني صعدت جان ماتت بيدهة
غزل: كمت مااتنفس زين من وراهة واني شمسويتلهة
صكر: ليش هيج سويتي بيداء ليش هلحقد هاا
بيداء: لان عقدت عليهة واني احبك
صكر: وهي شعليهة اني الي عقدت عليهة لان مشاكل صارت وعقدت عليهة وحبتج حيه كون ياهو اليحبج انتي
وهذا اسلوبج انتي لوتحبيني ماعفتيني ورحتي وهسه جايه بكل برود تكليلي احبك
ثقي بيداء اذا بعد اتقربتي من غزل اذبحج واوديج وين ماجنتي حرام عليج
صعدت بيداء
غزل: صعدت بيداء وبقينه اني ورقيه وصكر وجه عليه لزم ايدي
صكر: بابا غزوله مابيج شي
غزل: لامابيه شي
رقيه: اححمحمم
صكر: وخرت ايدي وطلعت رقيه اذا تحتاجن شي انتي بس اتصلي واني اجيج
رقيه: تمام
غزل: حضنتها وكمت ابجي
رقيه: حضنتني وكتله يلا لتبجين كافي تروحلج فدوه بيداء ختولي هاي الخايسه
غزل: بس اني من اجيت ماجانت موجوده
رقيه: النهار كله فوك 24ساعه فوك ولج تخيلي اكل متنزل ابدد مرات تنزل واخوي ابد ميحبها بس انجبر ياخذها لان بابا جبره يزوج بنت عمه وهو ماقبل وبابا زعل ومن زعل بابا هو وافق
غزل: ياا شنو هاي اول مره اشوف رجال ينجبر علزواج
رقيه: اي والله كلش انضلم بحياته بس امي تكله يمه روح ازوج لتضل هيج فهو من عقد عليج امي فرحت وهاي كامت تغار
غزل: رقيه تره عقدنه بس بالاسم
رقيه: ههههه صرتي حمره يمعوده
غزل: اكلي تبن هاي سوالفج ماعرفهة
غزل: نمنا واني رحت حضنت رقيه ونمت والله انام وحادث اهلي بعده بعقلي نمت واشوف خضار كبالي وشجره وكاعدين امي وابويه واختي جاي تلعب داير مداير الشجره وابوي يكلي بابا لتخافين تره احنه زينين وهاي امج واختج بس اوعديني متهملين نفسج لضلين تفكرين بينه احنه مرتاحين مو صح حنين
اي صح مرتاحين ماما حبيبتي ولتخافين علينه تره احنه زينين واختج مريم زينه بس انتي ديربالج على روحج وكدامج حياه لتضيعيهة
غزل : ياماما بس احبكم ركضت عليهم وختفوا واني فزيت ماما بابا مريوم
رقيه: فزيت عليهة تكول ماما بابا مريوم يمه سمالله حبيتي شبيج هاج مي هاج
غزل: حلمت بيهم رقيه مجاي يطلعون من بالي يارقيه اخخ شلون بيه
رقيه : كولي يالله واستهدي بالرحمان ونامي نومتهة بحضني وقريت على راسهة المعوذات ونامت واني نمت
غزل: كعدت الصبح مالكيت رقيه وين راحت اجتي دعاء
دعاء: صباح الخير
غزل: صباح النور
دعاء: يلا كومي تريكي ويانه
غزل: لعد رقيه وين
دعاء: راحت للمدرسه
غزل: هاا
دعاء؛ ليش مارحتي وياها
غزل: الله كريم
دعاء: يلا كومي خاله تريدج
غزل: نزلنه اني ودعاء
ام الضابط: يمه هلايمه تعاي ابوسج
غزل: رحت بستهة كلش حنونه وحبابه والكل جان موجود حتى الضابط صكر
سلمت عليهم وكعدت يم دعاء
صكر: اباوع عليهة هيه واحمد اخذ وياها ميانه
دعاء: باوعت الغزل وهمست بصوت ناصي
الحيه صدك خنكتج البارحه
غزل: اي
دعاء: حيه ام سبع روس
غزل : ضحكت بأبتسامه خفيفه
صكر: باوعت عليهة هيه ودعاء يحجن بصوت ناصي وضحكت ضحكه خفيفه حتى غمازاتهة بينن بخدهة هي حلوه
ام الضابط: الله يديم الضحكه بنتي
غزل: فدوه لكلبج يعمري
اندك الباب وطلع صكر اجتي رقيه
رقيه: هلا بغزولتي شلونج السلام عليكم
غزل: اجتي رقيه الضحكه شاكه حلكهة
ام الضابط: هلايمه شكو اجيتي مناك تضحكين
رقيه: غزل اكول
غزل : جمدت بمكاني شدكولين شكو شمسويه اني
رقيه: غزل المدرسات مراح يمتحننج
غزل: ليش
رقيه: يكولن هيه طالعه اعفاء شكو نتمحنهة نحسبلهة الدرجات الشهريه ويه نصف السنه
غزل: والله خوش خبر حلو
ام الضابط: يمه الله يسعدج
غزل: يعني بعد مااداوم
رقيه : اي شكو مداومه خلصتي بعد والنتيجه باجر تجيج
واني هم بعد مااداوم لان طلعت اعفاء
صكر: خوش
رقيه: شنو خوش
صكر: لعد شكول
رقيه: اريدك اطلعنه شنو احنا هنا بس نشتغل
صكر: هههههه موتدللين صدك جذب يابه
رقيه: شوكت
صكر: فد يومين ثلاثه لان هسه ماعندي مجال شغل والله تعذريني
رقيه: معذور خويه بس كون اطلعنه
صكر : من اعيوني اندك الباب وشفت صفوان واكف
صفوان: هلا بالضلع
صكر: هلا شلونك شخبارك شكو ماكو
صفوان: والله ماكو شي زين الحمدالله شلونهة غزل
صكر: تعال شوفهة طبينه وصحت غزل واجتي
صفوان: هلاعمو شلونج شخبارج
غزل : هلو عمو زينه الحمدالله والله عايشه بخير
ام الضابط : هلاابني حجالنه عليك صكر ومبين خوش اوادم
صفوان: هلا يمه هلا شلونج
ام الضابط: الحمدالله
رقيه: نزلت انوب بلا حجاب وشفت واحد غريب
صفوان: نزلت بنيه تقريبا بكد غزل وبدون حجاب بس الله يحفضهة حلوه اني صديت وجهي صكر يلا نروح
صكر: شفت صفوان انحرج لما اشوف رقيه بدون حجاب
وخزرتهة
رقيه: شفت صكر خزرني عرفت لان ملابسه حجاب رحت لبس حجاب ونزلت
صكر: يلا كوم صفوان ورانه شغل
صفوان: شنو من شغل يارب سترك
صكر: دكوم وتعرف
صفوان: يلا اني اترخص
صكر: صعدت بسيارتنه
صفوان : سيدي ضجت مني
صكر: ليش اضوج منك
صفوان: اعتذرلان شفت بنتكم بدون شال اني اعتذر
صكر: لايخوي لتكول هيج الغلط منهة هيه متدري بيك موجود فعادي وبعد لصيحلي سيدي
صفوان : تمام انته والله حسبتك اكثر من اخ اليه
صكر: فدوه الكلبك يروحي ماسألتني وين نروح
يتبع
