يتبع ☺️
الضابط: كعدت الصبح صفوان ماكو طلعت من الديوان سلمت وردت اصعد الغرفتي وصارت بوجهي غزل رحت للجهة الثانيه هي هم راحت للجهة الثانيه
غزل : نزلت وصار بوجهي الضابط رحت للجهة الثانيه هوهم راح للجهة الثانيه يعني صرنه واحد مقابيل الثاني
ضحكت بابتسامه خفيفه
صكر: الصباح الخير
غزل : صباح النور
صكر: ترحين لو اني اروح
غزل: روح عمو
صكر: رحت لغرفتي وافكر حلوه كلمه عمو بحلكهة اهوو دكوم صكر وينك وين هاي السوالف انته بعمرك مافرحت تريد هسه تفرح راح اتصل على صفوان وين راح
اتصلت وجاوب الوو وينك صفوان كلبت البيت عليك
صفوان: هلو لااني بالدوام ماحبيت اكعدك
صكر: خره بيك صفوان هسه شيكول عليه الضابط
صفوان : لا لا ميكول شي كتله سيدي شويه ويجي لان شويه تعبان هو ماحجه
صكر: تمام بس انته شبيك اشو مبين ضايج
صفوان: هااا لامابيه شي
صكر: هسه جاي اني واخليك تكتهن الي
صفوان: سديته منه وكعدت انضف بالمكتب والمركز واحد ماشال عينه مني هيج نضرته مال انتقام وحقد الصبح شفته وكام يحجي وياي بس اني مهتميتله وضربني بوكسي على حلكي ورديتهة اله وضربته على بطنه كتله شمسويلك اني من الصبح ساكتلك وهسه راح اروح للضابط اكله عليك حيوان هذا اليجيكم اول يوم هيج تستقبلوه
صكر: شبيه صفوان اشو موعلى بعضه ومبين ضايج
والله اذا احد حاجي ويا الا ادفنه واسم الله
رحت المهم وصلت
وسلمت عليهم وطبيت للمكتب وشفت صفوان كاعد وحاط ايده على خده ومن شافني كام وكلت السلام عليكم
صفوان: وعليكم السلام داير وجهي علمود ليشوف الدم
صكر: صفوان
صفوان: هاا
صكر: باوع عليه شمسوين بيك رحت تقربت وشفت حلكه كله دم صفوان هاي منو هيج مسوي بيك احجي
صفوان: لسوي مشاكل فدوه اروحلك
صكر: صفوان احجيييي بابا هاااي منو هيج مسوي بيك
صفوان: واحد من الولد من الصبح اجيت هنا وهو اجه ضربني على حلكه وضربته على بطني وهسه هم ضربني على حلكي
صكر: امشي وياي
صفوان: لالا صكر لسوي مشاكل يمعود مابيه شي
صكر: تمشي وغصباً عليك يلا كدامي رحت للضابط الجبير وكلت السلام عليكم سيدي هاذا عود اول يوم هنا وشوف الدم من حلكه هاي اذا يبقه هنا شسوون بي
الضابط: هاي منو مسوي هيج بيك
صكر: سيدي ميعرفه راح اجيبهم كلهم كدامك وخل يشوفه
الضابط: تمام
صفوان: حجيت للضابط كلشي لما اجا صكر ويا مجموعه من الضباط
صكر: سيدي هذوله جبتهم كلهم
الضابط: صفوان حبيبي منو من هاي المجموعه الي سوه هيج بيك كول
صفوان: باوعت عليهم كلهم وجان الكا اخير واحد اشرت عليه
صكر: فراس
الضابط: فراس هاي اكثر من مره تسويهة ويه زملائك واني اسكتلك بس هلمره انته مفصول
صكر: فراس مستحيل يبقى هنا سيدي لان اذه هواي ناس
الضابط: اطلع بره وبعد مااشوف خلقتك كبالي وهاي الورقه مالت الفصل بعد ماألك شغل اهنا
فراس: سيدي بس
الضابط: اطلع بره وكلمن يروح على شغله وانته فراس بعد مااشوفك هنا فاهم
صكر: طلعنه اني وصفوان ورحنه للمكتب مالتنه صكر هاي شطالع عمي البدله فدشي عليك
صفوان: شكرا خويه اسمه فراس ولك من الصبح بس يضرب اليكول تايه عنده واني اجيب واضرب بطنه الادبسز
صكر: والله عمي انته ماينكدرلك كفوو
صفوان: تعلمتهة منك
صكر: حلكك كله دم تعال اعقملك الجرح
عقمتله الجرح وضلينه نشتغل لما دك تليفوني رقيه خابرتني
صفوان: دكت رقيه على صكر وصكر ضل بس يصيح شكو
صكر: يمعوده شكو بس احجي لتبجين شنوو...شنو
يله يله جاي
صفوان: شكو شبيك اكو شي
صكر: غغغغ...غغغزل
صفوان: شبيهة غزل يمعود وكفت كلبي احجي
صكر: كلبي بعد مابيه احجي كوم كوم خلي نروح للمستشفى
صفوان: شبيهة غزوله بس احجي وليش بالمستشفى مايكدر يحجي راح صوته
غزل: جاي اسوي زلاطه واجت بيداء اخذت السجينه مني وحطتهة على ركبتي هاي شجاي اسوين شبيج بيداء تخبلتي
بيداء : اريد اذبحج ليش تتقربين من صكر هال
غزل: مامتقربه هاي شبيج
بيداء: مااريدج تتقربين منه
غزل: تمام تمام بس وخري السجين خنكتيني ويما جاي توخر السجين ضربتني بأيدي بالسجين ويما ضربتني بأيدي بعد ماادري بروحي
رقيه : وين غزل ماما
ام الضابط: يمه ماادري بله شوفيهة بالمطبخ
رقيه : رحت للمطبخ ونصدمت من منضرها بالكاع وايدها كلها دم رحت ركض الها غزوله احجي غزوله حبيبتي كومي ماماااا احمدد عليي ولكم تعالو
كلهم اجو شكو شافوها واحمد شالها ووداها للسياره وكلنه طلعنه وياها للمستشفى وياها ودكيت على صكر توتر وكتله غزوله حبيبي مراح يصيرلج شي اني موجوده يمج
احمد: منو سوه بيهة هيج
رقيه: اكو غير بيداء بس ممتأكده
دعاء: سوده عليه
علي : شكد حقيره بيداء
ام الضابط: والله اذا صار بغزوله شي ماارحم حالي
رقيه: وصلنه للمستشفى
صفوان: شبيك علكيفك يمعود راح نسوي حادث بس علكيفك
صكر: غززززززززززززل مراح يصيرلج شي اخخخخ
صفوان: هذا شبي يمعود استهدي بالرحمان شبيك وصلنه
رقيه: اجوي شفت صكر وصفوان
صكر: رقاوي حبيبتي شبيهة غزل هاا احجي
رقيه: رحت للمطبخ ولكيتهة نايمه بالكاع والدم ينفر من ايدهة
صكر: منو سوه بيهة هيج
رقيه: مدري
صكر: عيطت عليهة وكتله مو كللللللت ديييربالج علللليهة
صفوان: صكر بس علكيفك وياها هيه شمدريهة
صكر: اسف خويه فقدت عقلي
رقيه: لا صحيح اني مالازم اعوفهة وحدهة
احمد: هسه هيه صحتهة تمام
علي: انشاءالله ادكوم بالسلامه
دعاء: انشاءالله مابيهة شي
صفوان: دكول يالله
رقيه: اذا صار عليهة شي مراح اسامح نفسي
صفوان: لاخويه انتي شعليج هذا هذا موبيدج
الدكتور: كعدت اصير اتشوفوهة بس مرافق واحد
صكر: اني اشوفهة
صفوان: شكد يخاف عليهة ياصديقي بنتك لكت اليحبها يارب لتعوفها وحدها
صكر: طبيت عليهة ريت مطاب
غزل : طب عمو صكر ودموعة تجري
صكر: الحمدالله على السلامه
غزل: الله يسلمك عمو
صكر: بابا غزول يوجعج شي
غزل : اي شويه ايدي
صكر: بيه ولابيج
غزل : لاسمالله عليك ليش هلكد خايف مابيه شي
صكر: طلعت وطبت رقيه
غزل: طبت رقيه وضلت تبجي ام دميعه
رقيه: والله ماادري غزول حبيبتي والله ماادري اني اني ملازم اعوفج وحدج اسفه غزول ابجي وشهك
غزل: حبيبتي يكلبي انتي شعليج مويمج اصلا يلا كافي لتبجين تره ازعل من يمج هاا
رقيه: رحت حضنتهة وكتلهة شيوجعج هسه
غزل: ميوجعني شي بس ايدي اشويه
رقيه : يلا اني راح اطلع ارتاحي انتي
صار دنيه الليل
صكر: اني راح ابقه يمها وانتو روحو
رقيه: والله لو اموت ماعرفها واروح
صكر: صايره تعاندين رقيه داكلج يمي انتو روحو
رقيه: بس دير بالك عليهة عليك الله
صكر: تمام
صفوان: ردت ابقه وصكر لزم كلي روح
صفوان: مااكدر اروح وعوف غزل
صكر: روح الخاطري اني ابقه يمها ديربالك على امي ورقيه لان هذوله احمد وعلي يصعدون ينامون واني اخاف عليهن وحدهن
صفوان: صدك جذب لتوصيني هايه امي
صكر: وخاصه رقيه كولش متأثره بصديقتهة ديربالك عليهة فدوه
صفوان: تمام يلا اروح
صكر: الله وياك
صفوان: طلعت بسيارت صكر وصعدو امي واحمد وعلي ورقيه واني اسوق
وصلنه للبيت وكعدت بالديوان واجه علي يمي كعد شويه وصعد هو واحمد صاعد قبلي رحت دكيت الباب لخاله وكالت تفضل
ام الضابط: هلا يمه شلونك
صفوان : زين الحمدالله اجيت اطمن عليج
ام الضابط: الله يرضى عنك وليدي
صفوان: اذا تحتاجين شي اني بالديوان صيحي عليه واني اجيج
ام الضابط: تسلم يمه تسلم
صفوان: يلا اني اترخص
ام الضابط: روح يمه روح ارتاح
صفوان: رحت للديوان ولكيت رقيه جاي تفرشلي هيه مانتبهت عليه اني ماردت اضايقهة اخاف تستحي رحت شويه بالكرج كعدت بالارجوحه شويه وكمت رحت للديوان لكيتهة فارشتلي ومخليه يمي مي وكاسه مال فواكه الله يحفضهة شربت مي وكلت شويه وخابرت صكر الوو هااا شلونهة غزوله
صكر: زينه الحمدالله وانتو شلونكم امي رقيه احمد عليي دعاء
صفوان : كلهم زينين الحمدالله
صكر: يلا هسه اني لازم اسده
صفوان : روح الله وياك سديته وذبيته يمي وغمضت عيوني واسمع وحده تبجي بحركه شويه وكمت رحت للكراج لكيتهة رقيه
صفوان: عادي اكعد يمج
رقيه: اكعد
صفوان: شبيج تبجين
رقيه: مقهوره على غزوله حبيبتي
صفوان: مابيهة شي هي قويه متأكد مراح تعوفنه وهي تعدت مرحله الخطر
رقيه: ماشفتهة من وكعت منضرهة يخوف والدم بأيدهة
تشنجت ماكدرت اساعدهة هاي صديقتي من لحمي ودمي
صفوان: اشوفهة تحجي واني صافن على حركاتهة تبجي وتشهك حيل متأثره بغزل هيه
صفوان: كافي لتبجين مابيهة شي اني هسه خابرت صكر وكال زينه وجاي تاكل
رقيه: صدك والله لو تشاقه
صفوان: والله شبيج
رقيه: حضنته وكلت الحمدالله
صفوان: حصنتني واني حسيت كلبي يدك سريع يريد يطلع من مكانه هاي اول مره هيج ماعرف تشنجت مدري اصار بيه
رقيه: عزززه بعيني واني حضنته عبالي صكر بسرعه وخرت منه اسفه
صفوان: لاعادي
رقيه: حسيتك صكر
صفوان: كل الاخوه مو مثل صكر الله يحفضه
رقيه : اي كلش حباب وحنون
صكر: طبيت على غزل اول مره اخاف عليهة هيج سالمين صكر شبيك لالا عاندي شي وياها بس من حقي اخاف عليهة
غزل: كعدت ولكيت عمو صكر موجود يمي
صكر : هاا غزوله بابا شبيج يوجعج شي
غزل: لالامابيه شي بس اريد مي
صكر: شربتهة مي ونامت وره شويه كامت تحجي هيه ونايمه بصوت ناصي كلت خل اسمعهة
تقربت يمها وتصيح الله ليوفقج بيداء الله ليوفقج بيداء ماسويتلج شي ليش هيج اخخخ ايدي ايدي ايدي
صكر: احس عيوني صارت براسي معقوله بيداء هيج اسوي ايصير خير انشاءالله
صفوان: يلا كومي نامي شعدج لهسه كاعده
رقيه: اي والله نعست راح اكوم انام
صفوان: لتنامين فوك نامي يم خاله ام صكر
رقيه : ليش
صفوان: صكر كال لتنام فوك خلي تنام يم امي
رقيه: صار تمام يلا رايد شي
صفوان: سلامتج
صفوان: رقيه
رقيه: هاا
صفوان: شكرا على الفواكه
رقيه: ابتسمت ابتسامه خفيفه وكتله تدلل
صفوان : ابتسمت حلوه ابتسامتهة
يتبع
