يتبعع🦋
صكر: صفوان خلي يجي السيد خلي يفك العقد
صفوان: بس ليش
صكر: راح تخطب غزل بعد ماازعجهة خلي تعيش حياتهة اني هواي ضلمتهة
صفوان: لايخوي لتحجي هيج انته تحبهة وهي تحبك ليش هيج تسوون من وره بيداء
صكر: اخخ ياخويه لعد شسوي كلشي اسوي لخاطرهة
صفوان: كوم خلي نروح الكربله نروحي للامام الحسين والله ميعوفك هيج والله ينطيك مرادك
صكر: اخخ يامولاي اخخ يلا كوم
صفوان: اني متحضر كوم بدل وغسل ونتوجه للامام الحسين والامام العباس
صكر: ونعم منهم اخخ صعدت ابدل وصارت بوجهي غزل
غزل: اسفه
صكر: براحتج غزل
غزل: نزلت والدمعه بعيني شسوي يارب دليني على الطريق الصح
صكر: اخخ منج غزل رحت بدلت وغسلت ولبست دشداشه لونهة نيلي وصفوان لبس تشيرت وبنطلون ونزلت
ام الضابط: هاا يمه خير وين رايح
صكر: الكربلاء ازور شويه بلكي ارتاح
ام الضابط: يمه الله يهديكم روح يمه يحفضك الحسين ع
رقيه/ والله خطيه يارب اجمعهم بالحلال
صكر: توجهنه لسيدي ابي عبدالله الحسين وابي الفضل العباس
صفوان: يارب اجمعهم بالحلال وصلنه طبينه للضريح وهذا كام يبجي مثل الطفل
صكر: وصلت للامام الحسين دعيت ياحسين اجمعني بغزل لاتخليهة تتزوج والله احبهة امنيتي تصير حلالي ياحسين كملت وشويه عيوني غوشت غمضت شفت واقعة الطف والامام الحسين مضروب بسهم بسرعه فتحت عيني ودخت بعد مادريت بروحي
صفوان: صكر صكر كوم العالم كلهة التمت علينه واني اريده بس يفتح صكر كوم ذبيت عليه مي يله صحى
صكر: وين اني
صفوان: شبيك ياخويه وكعت كلبي شجاك ودخت
صكر: مابيه شي روحوا زوروا رحمه الله والديكم كمت ضليت ابجي
صفوان: شبيك ياخويه
صكر: شفت واقعه الطف اخخخ ياصفوان رقيه تصيح بابا بابا وسكينه تبجي والامام الحسين ع مضروب ب3 سهم اخخ بيه ولابيك مولاي
صفوان: تدري شنو معناها
صكر: شنو معناها
صفوان: يعني لكل شده تضيق وراهة فرج
صكر: الله كريم زرنه وكملنه وطلعنه رحنه للسوك غزل تحب الحلاوه صفوان غزل تحبهة
صفوان: ايي اشتريلها واني راح اشتري لرقيه
صكر: شتشتريلهة
صفوان: كرزات والخاله هم وللكل
صكر: تمام اشترينه وطلعنه للسياره خليت صفوان يسوق
صفوان: رجعنه للبيت ونفس الشي امي بغرفتهة والبنات فوك والولد بالدوام شويه ورحنه الامي
صكر: يمه الله يساعدج
ام الضابط: يمه زياره مقبوله
صكر: زرنا وندعينالج
صفوان: لايمه جذاب مادعالج
صكر: خاب انجب مالي خلك تره
ام الضابط: يمه شبيك مبين تعبان
صفوان: اي يمه احنه بالضريح وداخ وكع والعالم كلهة التمت علينه وذبيت عليه مي يله صحصح
ام الضابط: يمه سوده عليه ليش هيج جاي تسوي بروحك
صفوان: شاف واقعه الطف
صكر: يمه راح انام وهاج جبت الغزل حلاوه لان تحبهة وهاي كرزات الكم
ام الضابط: وديهة الهة
صكر: لايمه انتي انطيهة الحلاوه هسه تطردني
صفوان: لاليش اطردك هاي ترباتي متسوي هيج
صكر: هيج كولتك
صفوان: ايي اكيد جرب
صكر: يله راح اصعد
ام الضابط: الله وياك ابني
صفوان: صعد صكر وكلت الامي يمه هواي متعلق بيهة تره اذا تروح والله يموت
صكر: صعدت دكيت الباب
غزل: تفضل
صكر: دخلت
غزل: زياره مقبوله
صكر: زرنه وندعينالج هاي جبتلج حلاوه
غزل: اخذتهة منه وكتله شكرا
صكر: العفوا عفتهة ونزلت رحت كعدت بالديوان وصفوان كلي
صفوان: تره باجر يجي السيد انته متأكد
صكر: اي متأكد
نمت يم صفوان للصبح وراسلتني كالت باجر يجي السيد
صكر: ايي يلا اني اروح انام
غزل: روح
صكر: غزل
غزل: هاا
صكر: اتمنالج السعاده من كل كلبي
غزل: واني هم اتمنالك السعاده والله يهدي بيداء عليك وتصيرون احلى عائله
صكر: روحي نامي ذبيت التليفون وكمت ابجي
صفوان: كعدت على صوته يبجي يمعود كافي مامليت انته
صكر: راح انام
صفوان: صلوات راح ينام
صكر: صبح الصبح ولكيت صفوان مويمي رحت غسلت وبدلت وطبيت للبيت
ام الضابط: هلايمه صباح الخير
صكر: هلايمه صباح النور
كلهم جاي يتريكون وندك الباب اجه السيد
صفوان: غزل اجه السيد تعالي حتى يفك العقد
دعاء: هيه شني يفك العقد
غزل: رحت يمهم جان كاعد على الكرسي واني رحت كعدت يمه وفكينه العقد
صكر: انفك العقد بعد ميصير اباوع عليهة ولا المسهة
مختصر مفيد اجه يوم الخطبه
رقيه: كومي كومي غزل اليوم خطبتج كومي
غزل: خليني نايمه شويه
رقيه: راح احسب من 1 الى10 اذا مكمتي اكب عليج مي
غزل: كمت بدلت وغسلت ورحنه سوينا ريوك تريكو وغسلنه الماعين ورحنه اني ورقيه وخاله للصالون
صكر: راحت غزل للصالون واني والولد كمنه تحضرنه صفوان اني وياه لبسنه نفس الشي
صفوان: والله طالع انته عريس يشهد الله
صكر: انجب صفوان اختارت سعادتهة احسن شي
صفوان: لتخليني اكوم افسخ العقد بينهم تره هاي موافقتي يعني بس منوراهة وافقت
صكر: كافي يرحم اهلك والله مليت
صفوان: خابرت عليهم الساعه 12 وماكو هاا رقيه وين صرتو
رقيه: هسه جايين عيني شنو طلعت اتخبل غزل
صفوان: هيه من يوم يومهة حلوه جان يصفن عليه صكر من حجيت هيج سديته منهن
صفوان: يكولن طالعه تخبل ولك
صكر: الله يحفضهة
رقيه: هاي شطالعه عيني
غزل: لاتزوديها شويه ردت ابجي لان خايفه اني لان جرحني صكر هيج سويت بس مااريد اتزوج يارب دليني على الطريق الصح
ام الضابط: الله يحفضج بنتي
غزل: فدوه الكلبج يمه طلعنه من الصالون ورحنا للبيت
صكر: جنت فوك واسمع الهلاهل عرفت غزل اجت يارب كلبي يوجعني شلون راح احضر الخطوبه
صفوان: فدوه هاي شطالعه
غزل: شكراً عمو نزل صكر وطاحت عيني بعينه طالع حلو
صكر: نزلت ولكيت غزل كاعده بالصاله طالعه فدشي اختارت نفنوف بسيط وطالعه تخبل شويه واجو اهل الولد وهو راح كعد يمها اني شاطت روحي
غزل: اجه كعد يمي ولزم ايدي واني استحي كلساع اوخر بأيده
صكر: اخخ لوالزمه شوف شلون يلزم ايدهة وهيه تدفع بي
صفوان: شبيك خليك شويه معتدل تدري صرت دم
صكر: راح اطلع منا لان اختنكت
غزل: طلع صكر يركض صحت رقيه واجت همست بأذنهة رقيه صكر وين راح
رقيه: طلع لان ميتحمل يشوفج كاعده يم هذا
غزل: ضليت الوم بروحي اني ليش هيج اسوي لايصير بي شي اني وين اروح وهو اهلي كافي غزل كافي راح تتزوجين
صفوان طلعت ولكيته جاي يدخن وايده كلهة دم اخخ ياصكر ليش هيج تسوي بروحك
صكر: عوفني صفوان طلعت روحي
صفوان: لاماعوفك امشي وياي خلي اضمدلك ايدك
وكوه جريته للغرفه مال امي
اجتي رقيه شافت ايده
رقيه: هاي شبيهة ايدك صكر يروحي
صكر: مابيه شي والله مابيه شي
رقيه: هو شنو لمابيك شي
غزل: كاعده وماكو لارقيه ولاصفوان ولاصكر يارب سترك شويه واجت رقيه كالتلي غزل صكر ايده كلهة دم
غزل: انصدمت ليش شبيهة ايده
رقيه : ماعرف
غزل: تمام روحي واني هسه اجي
رقيه : شلون تعوفين الخطوبه وتجين
غزل: خاب لتخليني اغلط روحي وهسه اني اجي
راحت رقيه واني حجيت مرخصتكم بس اغسل واجي شويه وارجع
هيثم: وين رايحه تعاي اكعدي
غزل: هيثم هسه اجي بس ثواني اغسل واجي
غزل : رحت لكيتهم كاعدين بغرفه خاله صكر
صكر/ انتبهت غزل حاجتني غزل شجابج
غزل: وخرو اني اضمد ايده ليش هيج تسوي بأيدك
صكر: تعورت يعني هلكد خايفه عليه كومي هيثم ينتضرج
غزل: لتخليني اسبه واسب عشيرته
رقيه: اني وصفوان لازمتنه الضحكه انريد بس نضحك على عركهم
غزل: جاي اضمد الايده واجه هيثم اني ماهتميتله
هيثم : غزل شعندج هنا
غزل: اعتقد جاي تشوفني جاي اضمد بأيد صكر
هيثم: عوفي موعنده اخت كوني يله
غزل: بنتره هسسه اجي لضل اصيح روح واني اجي وراك راح
صكر: انقهرت من حجى هيج هذا وخرت ايدي وكتلهة شكرا يله روحي
غزل: رحت كعدت واشوفه يباوع بنتر
هيثم: والله لخليج اتندمين على كل تصرف
يتبع
