المغُوار "أحفاد الدُرباس"

البارت الثامن⁸

بســم اللـــــه الرحمـــٰــن الرحيــم

المغوار "أحفاد الدرباس"

بقلمي انـا : مآريآ

___________________

بدر

_طلعت من البيت اركض ركض واحس روحي راح تطلع ؏ اخوي وروحي ، هذا مو اي شخص عادي هذا الفرزدق هذا مغوار الدرباس وعامود البيت.

وصلت للمستشفى واحس روحي طلعت انطيتهم اسمة ودلوني هو وين وبيا غرفة رحت اركض ركض الى ان وصلت باوعت لگييت سلطان گاعد ؏ الكرسي ومدنگ راسة مخليي بين اديناتة ويهز برجلينة بتوتر

تقريت يمة وهو حس علي باوعلي ونزل عيونة الحزن محتل ملامح ووجهة و واضح هو شگد قلق

بدر : شصار سلطان؟ شلونه فرزدق؟ شلون حالتة هسة؟

سلطان : بعدة بغرفة العمليات

بدر : يا الله يا رب، زيين شلون صار الحادث انتَ مو جنت ويا؟

سلطان : مادري مادري بدر كلا من ورة مناف العار

بدر : مناف شدخلة؟؟

سلطان : هو الدعم فرزدق هوو والله اذا اشوفة اكلة بسنوني

بدر : انت شجاي تحجي زيين شلون بس فهمني؟

سلطان : باوع ، لمن اخذت فرزدق للطبيب  جان كلشي تمام بتمام وحتى الدكتور بشرني وگال حالتة حيل متحسنة وان شاء الله باقرب وقت يرجع مثل قبل واحس بس استمروا ؏ العلاج حتى المخد*ات تروح من جسمة تماما ويتعالج ، وانطاني اسم علاج جديد گلي اخذة من الصديلية

انه حييل فرحت لان گال باقرب وقت يرجع وحالتة كل ما جاي يتحسن واستمروا بالعلاج اخذت فرزدق والوصفة الي انطانيها لان هو كل ما اروح ينطيني علاج  بالتدريج حسب التحسن

وصعدت بسيارتي وفرزدق بالصدر صافن بالطريق واذا اسولف ويا يجاوب واذا اسكت عنة هو هم يسكت.

نزلت ؏ صديلية شفت فرزدق ضايج انه كل مرة انزلة وياي بس هالمرة گتلة تبقى هنا بالسيارة هز راسة موافق ، بقى هو بالسيارة وانه نزلت للصيدلية اشتريت العلاج وطلعت

وانه طالع شفت فرزدق نزل من السيارة ، والسيارة انه جنت صافهة بالشارع ، والصيدلية صايرة مقابيل ؏ جهة ،نزلت فرزدق والسيارت طايرة اشرتلة ابقى بمكانك بس ما سمعني راد يجيلي السيارات لمن شافوا حالة فرزدق من مشيتة خففو السرعة وبيهم وگفو يتانوا وبيهم راحو من غير اتجاه

بسس اخخخخ اهخخ بهذن عيوني شفت سيارة بيهة مناف اليسوق وميثم گاعد يمة دعم فرزدق وراحوا   وانه نقلت فرزدق للمستشفى واتصلت عليك

بهذني عيوني والله شفتة ومتأكد مثل ما شايفك ،بس والله اذا شفتهم اشرب من دمهم لان دگاتهم صارن هوااي...