المغُوار "أحفاد الدُرباس"

البارت الواحد والثلاثون³¹

بســم اللـــــه الرحمـــٰــن الرحيــم

المغوار "أحفاد الدرباس"

بقلمي انـا : ماريا

تفاعلكم يشجعني اكتب أكثر 🔥🧡

ـــــــــــــــــــــــــــــــــــــــــــــــــــــ

حـَريـر

_ حسيت ؏ ماي بوجهي وضوضاء يمي فتحت عيني بثقل لگيت نفسي بحضن الفرزدق  بالجامعة ويمي نور والطلاب كلهم واگفين يتفرجون داير مدايري

نزلوا دموعي وهو مسحهم بسرعة گعدني واني بقيت اباوع حتى استوعب

الفـَرزدق : شبيـج ما تتحمليـن؟.

حرير : بطني تأذيني

الفـَرزدق : نروح للمستشفى؟؟

_ هزيت راسي لا ، گمت بمساعدتة والطلاب تحمدولي بالسلامة وراحوا ، انطاني ماي وگال خل نرجع للبيت نور سألتني اذا محتاجة شي گلتلهة لا وراحت للمحاضرة

لازمني بأيدية ويمشيني بحذر واني حيل تعبانة وثگيلة من الحمل ونفسيتي متغيرة بسبب تصرفات الفرزدق، رحنة للگراجات صعدني بالسيارة ورجعنة للبيت لح علي نروح للمستشفى بس رفضت.

طول الطريق احنة ساكتين بس احس واحد يعاتب الثاني بگلبنة وهو واضح خايف علـي ويريد يحجي بس لازم نفسة واني همين ما فتحت حلگي

وصلنا للبيت وهمين هو ساعدني انزل جان البيت محد.بي كلها بالدوام والدرباس الصبح يطلع لاصدقائة بس ام سلطان وام فرزدق موجودات وافنان عد عيالها..

صعدني لغرفتنة ونزع قميصة وحذائة ودنگ عليَّ نزع الكعب وحجابي مددني ؏ الجرباية

الفَرزدق : كـم مرة منبه لا تلبسين كعب؟؟

حرير : يخرب الاوتفت

الفرزدق : ولدي بالسلامة ولبسي كعب عوود

_ هزيت راسي وبقيت العب بأديني زعلانة بقى يباوعلي ويستغقر ما تحمل گعد يمي وگعدني

الفـَرزدق : آسـف اذا انـه السبب بحالتج هسة ، رغُـم انـه مـا غـلطان والـي سويتة جرة اذن الج حتى تتأدبين اعتذر ع اسلوبي وياج بالفترة الي فاتت بس صدكيني سويتة ع مودج لان اذا نبقى ثنينة عصبيين راح تكبر المشكلة اكثر

حريـر : بس اني ما سويت شي هيَ الي بدت

الفـَرزدق : ونگـدر احنى ننهيها بدون مشاكل، بعدين انت كسرتي حجايتي وما سمعتي كلامي وعاندتي وسويتي الي بـ بالج وكلامي ضربتي بعرض الحايط