المغُوار "أحفاد الدُرباس"

البارت السادس عشر¹⁶

بســم اللـــــه الرحمـــٰــن الرحيــم

المغوار "أحفاد الدرباس"

بقلمي انـا : مآريآ

___________________

روز

_ فتحت عيني  بثقل انييت بوجع لزمت مكان زندي صاير اخضر ؏ ازرگ من الضرب حاولت اسند نفسي وگمت رحت للحمام اسحل بروحي سحل

دخلت وبقيت اشمر ماي ؏ جسمي بس ايدي ما تعيني تأذيني حيل بالگوة ارفعها وانزلها وگعت الطاسة مني ايدي وطلع صوت مزعج تطشر الماي بالارض تمددت بالحمام ونزلوا دموعي..

اخوي رسول الله لينطني لمن شافني واگفة يم بدر تخبل انگلب شيطان مسوي نفسة شريف وهو اقذر ما خلق الله

رجعني سحل للبيت وشبعني ضرب واهانة موتني تموت وحبسني بالغرفة ثاني يوم اجة هوَ واخوي عادل هذا اتعس واقذر منة

بس دخلوا للغرفة صاروا يضربون بية ثنينهم.بدون رحمة ويفشرون ويغلطون علي كلام يقشعر البدن
ما خلوني اداوم بالجامعة حرومني منهة

وهم قبلها بالگوة مخليني  بشرط اكو وقت محدد ارجع بي للبيت اذا تأخرت دقيقة الله يرحمني بوقتهة.

گالوا راح نعقد ؏ ابن عمي بكر وهذا ماكو مكسورة ما مسويها يشرب ويزني وملاهي وبنات وجكاير وريحتة تخنگ الناس گلعا تگرها رجل شهواني حيوان ..

سكتت وما گلتلهم شي بالنهاية غصب عني يعقدولي علي بس لو اعرف اموت وما ازوجة ازوج جلب بالشارع ولا ازوج بكر.

امي... هه امي بس بلاسم امي بالبداية جانت تدفعلي وتگلهم لا تضربوها بس ببرود ولا گاني بتهة وجاي اتعذب

هسة اذا شافتهم يذبحوني تگلي خل يربوج هم اخوتج ادرى بمصلحتج!؟

كرهت امي كرهت اهلي كرهت حياتي كرهت كلشي بهاي الدنيا

لكن رجع املي بالحياة امي صاحتلي گالت صديقتج تتصل عليج ، استغربت شوي معقولة فتون بس فتون صار الها مدة ماكو!

ردييت واجاني صوت بنية گال اسمهة حرير بدر فرقد فرحت ؏ سوالف بدر وعرفت معزتي شگدها بگلببة حاولت المح للبنية لان ما اگدر احجي الحقيقية امي واگفة يمي..

بعد مرور ايام اجوي نسوان يخطبوني وللاسف وحدة.من النسوان مسمومة حجت كلام حول اخوتي شياطين لان جانو يسمعونهن سحلوني سحل وصاروا يضربون بية..

رسول : لج.......اني اعلمج موديج للجامعة تصاحبيين لو تدرسيين بت....... انعل..... هذا بدر الـ...... اليوم اذا ما......