لَيت الخَلايِق تِنقلب كِلها أنت وأصير أشوفك كِل مَا شِفت مخلوق

٣

نزل لـ تميم وهو مستعجل وشاف أهله قاعدين يتقهوون ووقف عند الباب وشاف عزام : تخاوي؟
هز رأسـه بـ نفي: لا والله،، طلع بدون ردة وشاف سيارة تميم ومعه سامي رفيق الدوام
::::::::::::::::::::::::::::::::::
وقـف يشوف السيـاره الي مع تميم وعرف إنها سيارة أخوه خالد أبتسم بخِفه بعد ما عيُونه جات لـ سامي وهو جالس المقعـد الي عند مقعد السائق , فتح الباب الخـلفي : السلام عليكم
ردو السـلام عليه ونطق لـ تميم : وين سيارتك؟
ضحك بهدوء : ناسي أنت ولا شسالفه
مِطلق بـ إستغراب : ناسي وشو لا تقعد تلعب بـ أعصاب مطلق !
تميم وهو يلـف له : صدمة أمس من الشقره!
ضحك بصـوت عالي : أكيد إنها بـ الصناعيه؟
هز رأسه بـ معنى أي : أكييييد
سامي الي كان مستغرب من الإسم : شقره؟
تميم : سالفه طويله يا رجال ما عليك
سامي أبتسم : ما علينا من سوالفك أنت وهو امي خطبت لي
ضحك تميم بـ فرحه : سألتك بالله !
هز رأسه بـ معنى أي ونطق بـ فرحه : والله العظيم
تميم : ألف مبروووك
ضرب كتـفه مِطلق : أنا و تميم من أول الحاضرين
سامي : أبددددد حياكم ,, ضحك مِطلق ونطق بـ فرحه لـ سامي : الف مبروك والله
سامي : الله يبارك فيك أنت وهو
حـرك تميم لـ البـر ناظر سامي لـ جواله وكانت مكالمـه من أعز أخوياء مطلق و تميم وأيضًا سامي بـ الدوام رد بهدوء : الو؟
راكان : سامي العيال عندك؟
سامي بـ توتر : أي عسى ما شر
راكان : أعذرني وقول لهم ما اقدر اجي والله صار لي ظرف مهم
سامي : أبد راحتك , قفل جواله ونطق : راكان ما بيجي يا رجَال
تميم بـ صدمه : عسى ما شر !
سامي : يقول صار له ظرف و ما قدر
زفـر دخانه مِطلق : على راحته
تميم : يلا الله يوفقه المراتٍ الجايه ، كمل يقول مِطلق : تميم!
ناظره تميم بـ المرايه وهو مبتسم : لبيه
مِطلق : أسوق بدالك؟
تميم بـ فرحه : قددددااااام
أبتسم مِطلق الي طفش وهو قاعد ورا , وقف تميم على الجنب ونزل مِطلق وبـدت الشمس تغـرب ,, ركض تميم و فتح الباب الخـلفي و ركب ، أما عند مِطلق بـ المثل ركب مكان السائق يسوق السيارة
طـار مِطلق بـ السياره وناظر فيه سامي وهو مبتسم : جوووووي يا شيخ مب مثل الي ركب ورا
مِطلق بـ أبتسامه و مزح : بطيء لعنبو أبليسه علشان كذا طلبت أسوق بداله
تميم بحِده : أقول سد حلقك انت وهو لا فتحت باب السياره ورميتكم هنا !
أشر مِطلق لـ أخر محطه على طريقهم و يدخلون بـ طريق صحـراء و ما فيه أحد : أحد يبي البقاله؟
سامي : أي وقف
مِطلق بـ ضحكه : أكيد بوقف بعبي بنزين
تميم بـ مزح : مدامك توقف وليه تسأل؟
مِطلق اللي لـف عليه : مب شغلك
سامي : اح اح احح!
أنـلجم سامي بـ كف من تميم على رقـبة سامي وفزّ من مكانه نطـق مِطلق بـ عصبيه : بس أنت وياه!
توجـه مِطلق يوقف يعبي بنزين ونزل سامي لـ السوبر ماركت ,, نط تميم قدام مكان سامي جنب مِطلق و كان مِطلق يحاسب سحب يـده لأجل ما يحاسب ويدفع عنه تميم طـلع برا الدريشه يدفع ودفه مِطلق وهو يضحك لـ تميم وإنصقع جسمه العريض لـ الباب بقوه دفع مِطلق الحساب ولـف ينطق لـ تميم : ألقم !!
تميم بـ قهر و عصبيه واضحه : ورا ما تسد حلقك لا ألجمك بـ كف يصن جبهتك يالسربوت!
مِطلق : اح اح كل ذا عشان حساب أقول أركد بس!
نزل تميم عقـاله و إنلجم مِطلق من عقال تميم على كـتفه ،، غمض عيُـونه بـ آلم : أعقل!
تميم بـحِده : أمش وقف قدام البقاله بنزل أجيب كراتين المويه ومنها سامي يحط الأغراض ورا !
توجـه مِطلق لـ باب السوبر ماركت وفعلًا وقف قدام الباب نـزل تميم وشاف سامي جاي جهة السياره و بيدينه أكياس نطّق سامي : أزهل أغراض الكِشنه جبتها كلها
تميم بـ إبتسامه : كفو بس في أغراض بجيبها أنا
هز رأسه بـ طيب سامي : كفوك الطيب
توجـه سامي لـ السياره و تميم لـ السوبر ماركت نطق سامي بـ أعلى صوته : يااا مطلق أفتح الشنطه!
كان مشغُـول بـ الراديو ولف لـ سامي وفتح له الشنطه و يحمل الأغراض , نـزل شماغه وعقاله ورماهم ورا المقعد وناظر فـ سامي و أبتسم
أشتغلت الشيله ونطق مِطلق بـ حماس : يا سلااام
ضحك سامي وتقـدم يركب السياره قفل الباب وبدأ ينطرب مع مِطلق ويغنون ويستهبلون ..
طلع تميم بعد فتره وجـات عيونهم على مِطلق و سامي توجـه لـ السياره و فتح الباب رفع ثوبه وعضّ على طرف ثوبه ونزل نظارته وهو ماسك الكراتين يحملهم ورا تقدم يفتح باب السياره و ركب تميم معهم ..
وصلو العيال بعد فتره بـ البر وكان مِطلق يبي يدخل داخل أكثر و أكثر وقفت السياره عليهم ونزل سامي يشوف ونطق بـ صوت عالي : غرزنا يا رجااال!
ضرب الدركسون بـ عصبيه و لـف لـ تميم : عاجبك الحين يوم إنك ما نسمت الكفرات ولا شيكككت عليهااا!
تميم بحِده : عض على شحمه مشيك على السياره ومنسم الكفرات بدون ما تقول لي حتى !!
نزل من السياره وقـفل باب السياره بـ أقوى ما عِنده رفع إكمام ثوبه وقعـد على رُكبه يوخر الرمل على السياره : أجل تعال حفر ؟
نزل تميم ورفـع ثوبه وسامي بـ المثل وبدأو يوخرون الرمل على الكفرات ومِطلق الي كان أكثر واحد معصب بينهم
..
فـ الديره تحديدًا ~ فـ بيت أبـو ضـيـدّان ~
دخلت أم ضيدان بـ الملحق بـ عصبيه وسحبت لحاف حاتم عِند الباب نطّقت بـ عصبيه : قممم لا بارك الله فيك قممممم قااامت قياااامتك!!
فز من نومه بعد صراخهـا وعصبيتها : يا يمه الله يهداس خليني أنام داااايخ!
أم ضيدان : ربع ساعه و يأذن المغرب والله ثم والله لو ما قمت لا جاك أبوك سلخ جلدك بـ عقاله الحين!
قام ورمى مخدتـه بـ عصبيه دخل الحمام يتوضئ لـ صلاة العصر الي فاتته ..
دخلت بيـتها وجات عيُونها على عيال موضي وهم يلعبون الكوره بـ الصاله نطقت بـ عصبيه : ورا ما تلعبووون برا بيتييي!!
وقـف سند وشال الكوره قاطعهم دخول ضيدان وهو يقول : شصااااير!
أم ضيدان : هذولي يلعبون ويكسرون بـ الأغراض والزفت الثاني توني قومته غصب برا
سند بـ هدوء : طيب يا جده عمي حاتم طاردني ما العب برا بالحوش!
أم ضيدان : رح العب مع اخوك واذا طردك تعال عندي اعرف شلون اتصرف معه!
طلع سند و فهد معه ونطق ضيدان بعد ما شاف لينا نازله : نزلت المراهقه
لينا : الله يهداك يا عمي جايه اعبي بطني وبطلع
تخصرت أم ضيدان بعصبيه : وهذا الي انتي فالحه فيه حابسه نفسس بـ الغرفه اربعه وعشرين ساعه ما تنزلين الا وقت الاكل !
لينا : أوف مين مزعلس يا جده!!
توجهت أم ضيدان لـ المطبخ بدون ما تقول لها شيء وتعالت أصوات ضحكة ضيدان لأجل ينرفز لينا : ااااف يالسحبه!!
لينا الي تخـصرت : سد حلقك بس
توسعّت عيون ضيدان : موضيييي تعالييي شوفي بنتسس لا افجررر فيها الحين!!
طلعت موضي من المطبخ وهي تنشف يدينها : شصاير بعد!
ضيدان وهو يناظر فـ لينا : بنتس ما تحترم عمها!
موضي الي ضربت ذراع لينا بخِفه : وبعدين معاس!
لينا الي ضحكت وتوجهـت لـ المطبخ ...
موضي : وأنت ليه مب رايح مع أبوي!
ضيدان بـ إستغراب : وووين؟
موضي : أبوي انعزم عند ابو صيته غريبه ما قال لك!
دخل أبو ضيدان وهو ينادي ولده حاتم ، كمل ضيدان يقول : أجل تقولين انعزم عند ابو صيته!
موضي بـ ضحكه : مدري والله يمكن باقي ما راح!
أبو ضيدان لـ موضي : وين حاتم؟
رفعت كتُوفها بـ معنى ما ادري : مدري يبه
ضيدان : بـ الملحق يا يبه!
توجه أبو ضيدان لـ الملحق وشاف حاتم يرتب فراشه نطّق : قم طس لـ الدكان من امس مقفل!
حاتم : أبشر يبه
أبو ضيدان : وانت رايح جيب معك قشطه
هز رأسه بـ معنى طيب وطلع من الملحق يلبس نعاله ويطلع لـ البقاله محل أبوه ..
دخل أبو ضيدان لـ البيت وشاف أم ضيدان و بـ يدينها القهوه و الشاي ..
أذن المغـرب بـ الديره وناظر أبو ضيدّان لـ ولده كان يصب القهوه من الدلـه : خلها بعد الصلاه
هز رأسه بـ معنى طيب ونزل الـدله على الطاوله طلع أبو ضيدان و ضيدان وراه لـ صلاة المغرب صارخ ضيدان لـ عيال موضي : يا ورع انت وياه صلاه!
ركضو له ومسك فهد من إذنه : متوضي ؟
هز رأسه بـ معنى لا : ترا مسجد مب شاليه رح توضى!
فهد بـ ضحكه : يا عم بتوضى بـ المسجد!
طلع ضيدان مع أبوه و عيال أخته لـ مسجد الديره ..
مـر من عند بيت أبو مِطلق وكان بيته مقفل بـ القفل ناظره بـ أبوه : يبه عمي أبو مطلق وباقي عمامي متى نازلين ؟
أبو ضيدان وهو يسحب فهد من يده : بكره
دخل المسجد وشاف حاتـم أخوه : سديق متى يفتح بقاله
ناظره وهو شاد على أسنانه ونطق : وقسم بالله يا ضيدان لو ما هجدت إني لعنت فيك!
ضيدان وهو يناظر بـ الرجال داخلين وطالعين : تلعن وأنت بـ المسجد !
أستغفر حاتم وضرب صدره بخِفه بعد ما أقامو الصلاه
وقف وسـط أخوه و أبوه ويسار حاتم فهد و جنبه سند
خلصو الصلاة بعد فتره ونطق ضيدان لـ سند : اذلف مع ابوي يوديك!
سند : وأنت وين بتروح؟
ضيدان : لندن
سند الي أخذ الموضوع بـ جِديه : يااا جددددد***
مسك فـمه و ظغط عليه وصار يكح ناظره حاتم بعد ما سلم وركض لـ ضيدان يسحب يده من فم سند : صاحي أنتتت!!!
ضحك بخِفه : أمرضني !
..
~ فـ سيـارة أبـو صَدف ~
وقـف لـ محطه مهجُـوره لأجل يصلي فيها صلاة المغرب و العصـر وقـف سيارته ونطقت أم صَدف لـ صَدف الي كَانت نايمه بـ هدوء : صَدف قومي صلاه!
فتحت عُيونها بـ تعب وتنهدت بـ ضيق بعد ما شافت المكان مُظلم فيها أنوار نادرًا .. نزلت نـرجس بعد ما نزل أبو صَدف تمّسـكت بـ ذراع أبوها وقف أبو صَدف ينتظر أم صَدف و بنتها : يلا يا أم صَدف يلا يا صَدف!
توجـه لـ المحطه يتوضى و يصلي مع زوجتـه و بناته الصلوات الي فـاتته دخـلت الحمام وتنهدت بـ راحه بعد ما شافت المكان فيه أنوار فسخـت عبايتها وعلقتها بـ الباب وبدت تتوضى جنب أختها نـرجس خلصت صَدف ولبست عبايتها وتحجبت ودخـلت المصلى تصلي .. لحقوها أمها و أختها يصلون معها و أبو صَدف بـ المثل يصلي
خلص صلاته بعد فتره وجاته إتصال من أبو طلال رد على أخوه بـ هدوء : سمّ يا نادر ؟
أبو طلال : هلا أبو صَدف نازل الديره مع أخواني وعيالي
نطق بـ فرحه : أبد حياكم الله
قفل الخط وقام شاف إنهم قاعدين ونطق : يلا ورانا خط ساعه ونص!
زفرت صَدف بـ ملل و قامت طلعت برا أول وحده وقفت عند السياره وتجاهلت الأصوات المُرعبه وصل أبوها وركبو السياره يحركون لـ الديره وراهم خط نص ساعه باقي .. مر أبو صَدف من عند البقاله ونطّقت نرجس : بابا وقف نبغا السوبر ماركت!
وقف أبو صَدف عند البقاله و نزلت صَدف و نرجس وراها لـ البقاله دخلت وأخذت سلة بهدوء وأخذت قسم المشروبات و بعدها المفرحات ..
وقفت عِند المحاسب تحاسب وكان يناظرها بـ نظرات مُقرفه نطّقت بـ عصبيه : لو سمحت حاسب عشان ما اعطيك كف على وجهك الحين ؟
شال عيونه المحاسب ودخل أبو صَدف يحاسب عن بِنته أخذت أغراضها بـ عصبيه وركبت السياره , أما عند نرجس كانت محتاره بين مشروبين أي واحد أحلى راحت ركض لـ أبوها الي كان ينتظرها عِند الكاشير حطت أغراضها على الطاوله وحاسب أبو صَدف نطقت : الله يخليك ليا
أبتسم بـ حُب لـ بنته : وياك
أخذت أغراضها وركبت السياره ..
وقـف أبو صدف بـ خط مُظلم ولكن فيه أنوار شوي شاف عيال مجتمعين على سيارتهم وقـف على جنب ونطق بحِزن : لا اله الا الله
نزل من السياره ونطق أبو صَدف : محتاجين مساعده يا عيالي؟
تميم بـ تعب : أي والله يا عم الله يسعدك !
فتح شنطة السياره يطلع الحبل لأجل يسحب سيارة تميم ,, أما عند نرجس الي ما شالت عيُونها من مِطلق خقت على شكله الفوضوي و وجهه المعصب وهو يشوف السياره ورافع ثوبه وإكمامه وملامحه الحاده و غمازاته أبتسمت بـ حُب قاطعتها صَدف وهي تدور سماعاتها : نرجس فين سماعاتي وشنطتي!
نرجس : خليكِ من السماعات تعالي شوفي هذا !
صَدف الي جات عيُونها فـ مِطلق وناظر مِطلق بـ صَدف صُدفه جات عيُونهم بـ عيُون بعض بلعـت ريقها بـ خوف من نظراته ونطقت لـ نرجس : أيوه إيش فيه؟
نرجس بـ حُب : جمييييييل!
تنرفزت من كلامها ونزلت من السياره بـ عصبيه وهي تقول الله يقرفكِ ناظر تميم فـ صَدف بعد كِلمتها وصدّ عنها فتحت الشنطه وكانت تدور و تحُوس على شنطّتها ورا أخذت شنطتها ومـرت جنب مِطلق : لو سمحت وخر شويه
صدّ وهو ما شَال عيُونه ما حبها ولا دخلت قلبه بس لهجتها دخلت بـ قلب مِطلق غمّض عيُونه ، ضحك بخِفه ونسى كل عصبيته وراح يساعد أبو صَدف والعيال ..
شبك أبو صَدف الحبل بـ سيارة تميم ونطق : أركبو يا عيال ,, ركب مِطلق وسامي و تميم وراه ,, ركب أبو صَدف سيارته وسحـب سيارة تميم صارخو العيال بـ حماس وتعزيزات بـ جميع أنواعها لـ أبو صَدف نزل من سيارته وهو مِبتسم وناظر بـ مِطلق بـ تعجُب ,, باسو رأسه من باب الإحترام ومساعدته لهم ناظر أبو صَدف لـ مِطلق الي كان ينزل إكمام ثوبه : شسمك يا ولدي؟
مِطلق بـ إستغراب : أنا؟
هز رأسه أبو صَدف وأبتسم بخِفه : أي انت
مِطلق : العقيد مطلق بن مصعب ال فهيد
أبتسم بـ تعجُب من هيبته و هيبة أسمه ولف لـ تميم : وأنت؟
تميم بـ إبتسامه : العريف تميم بن سطام ال فهيد
أبتسم لـ تميم ودخلت أساميهم بـ قلب أبو صَدف الي ما أنرزق بـ عيال فقط بنات وكانو أهل الديره ينادونه أبو البنات .. لف لـ سامي : وأنت؟
سامي : العريف سامي بن منصور القحطاني
أبتسم أبو صَدف لهم ومن هيبتهم وهيبة أساميهم : والنعم فيكم يا عيالي
العيال : ما عليك زود ، والنعم فيك
مِطلق : اقلط يا عم تعشا معنا؟
هز رأسه بـ نفي : ودي والله بس أهلي معي ونازل الديره لـف لـ مِطلق : عطني رقمك و رقمك أبوك
مِطلق : سجل عندك يا عم
تميم : الا يا عم شسمك أنت ؟
أبو صَدف : بدر هزاع التميمي
مِطلق : والنعممم
سامي و تميم : والنعمممم
أبو صَدف : ما عليكم زود , انا بمشي وانتبهو الخط هذا بـ الليل خطير والمكان خطير
أشر تميم على عيُونه : من عيوني يا عم
أبتسم أبو صَدف وشكروه العيال وركب أبو صَدف سيارته ..
نزلو الأغراض من السياره و فرشو الفرشات وعلق تميم اللمبات وشب النار مِطلق ..
زفـر سامي بـ قرف من حر و قيض الرياض : نرجع يا عيال؟
ناظره مِطلق بـحِده وكان يحب هالسوالف و هالجو: لا يا شيخ توك تنطق!
قعد سامي بـ تعب وشاف تميم ثوبه قلب لـ اللون الاصفر من الرمل : هذا سامي ولا تطلي قاعد
ضحك مِطلق بصوت عالي من سخافته : والله حلوه هالمره
سامي بـ عصبيه رمى عليه علبة اللبتون : حسبي الله عليك
ضحك تميم بخِفه : نمزح يبو منصور!
شغـل تميم سامري وصارخ بـ حماس لـ السامري و كانو بـ وسط البر وفوقهم لمبات بيضاء وفارشين لهم فرشات ومِطلق يسوي شاي و قهوه و سامي ينزل الأغراض من السياره أشتغلت السامري وصفّر سامي بـ حماس
و بدأ مِطلق يغني بـ صوته :
يا ناس راعي المحبه لا تعذلونه
تميم وهو يطبّل بـالصينيه :
ماهوب عن صاحبه داله ولا سالي
صفق سامي بـ حماس وكمل معهم :
لو يسهر الليل كله لا تلومونه
كمل مِطلق باقي الكلمات :
الحب بلوى ماني بأول ولا تالي
لي صاحبن ما قطعت الياس من دونه
خلـص مِطلق من الشاي وبدأ يصب له ويصب لـ العيال وهو مِبتسم ويناظر تميم وهو يسوي لهم الكبسه
سامي وهو يتلذذ بـ شاهي مِطلق : الله يسعده العم بدر ما قصر !
مِطلق : أي والله ما قصر الله يوفقه
تميم وهو يحرك البـصل : سامي ولعناه جيب القوطه ( الطماطم )
ضحك سامي وقام يعطيه الطماطم يحركها مع البصل حرك من كبسته وقفل عليها بـ القدر تستوي
وقـف وهو يتمغط بـ تعب وراح يقعد وسط مِطلق و سامي لف لـ مِطلق : عمي مصعب بيطلع الديره بكره؟
هزّ رأسه بـ معنى أي : وبعدها بـ يوم العيد
تميم بـ حماس : يا أني متحمس لـ العيييد!
ضحك مِطلق بـ خِفه و ناظر لـ سامي الي كان سرحان : شفيه الحلو زعلان؟
سامي بـ ضحكه : مب زعلان يناظر بـ الحِلوه الي بـ القدر
تميم وهو يقوم لـ سيارته ياخذ الجح ( البطيخ ) وينزل صينيه و سكين من السياره و يقعد جنب مِطلق يقطعها : الواضح انك جوعان يا سامي
هز رأسه بـ معنى اي : ما اقدر اقول لا
تميم بـ ضحكه ونطق : يا عيال تتوقعون إنها لذيذه؟
مِطلق : مدامها من تميم اكيد حلوه
ضحك تميم : والله إني حفرت أبو البسطه وأخذتها
سامي : لو حطيت يدي وقطعتها أكيد تكون حلوه
تميم وهو يناظر بـ مِطلق : خليه يسد حلقه
مِطلق : سمعت ؟ سد حلقك يلا
سامي نطق بـ مزح وصوت أنثوي : طرف ثالث
رفع السكين تميم ع صدر سامي بـ مزح : الله يرجك
مِطلق : عيدها مره ثانيه وتشوف شيصير لك
ضحك سامي : على شحمه أنت وياه استهبل
مِطلق بـ مزح : الظاهر لعبت فيك
سامي بـ إستغراب : من؟
مِطلق وهو يغمز ورمى سامي على مِطلق قاروره المويه : يا وصخ!
تميم الي ذاق البطيخ : يا سلاااااااام!
مِطلق : ها كيف ؟
تميم : والله لذيذه
سامي : اقول خلك بس قم شف القدر اشم ريحة حرق
..
~ فـ بيت أبـو مِطـلق ~
دخـل عزام البيت وناظر لـ هيام الي كانت تطبخ بـ كل حُب أبتسم ونطق : السلام عليكم
ردو عليه السلام
قعد جنب أمه الي كانت تقطع الفواكه بـ الصاله : يمه سيارة مطلق برا هو وينه؟
ناظرت فيه بحِده : ناسي أنت؟
عزام بـ إستغراب : ناسي وشو ؟
هيام الي رفعت الملعقه ونطقت : يا غبي مِطلق مع اخوياه
عزام الي أبتسم : يوه نسيت والله
أم مِطلق : مب منك من الاختبار الي اختبرته
ضحك عزام وهو يحط لابتوبه وأغراضه بـ جنبه : والله أنتس صادقه
أبو مِطلق : خلصت ؟
هزّ رأسه بـ معنى أي
أبو مِطلق : ما بغينا و أخيرًا
ضحك عزام : تقدر تقول تنزل الديره فـ أي وقت
أبو عزام : بكره المغرب او بعد العشاء
قعدت هيام جنب عزام وهي رابطه شعرها و بـ يدها صحن مكسرات : الحين ورا ما تبدل ريحتك ريحة صيدليه
عزام : الريحه ذي تجيب راسي
هيام بـ قرف : شجوك!؟
عزام : مب شغلس وفحطي بـ صحن المكسرات ابرك
كشّت هيام عليه وتوسعت عيُون عزام : أقول اعقبي بس لا توطيت بـ بطنس الحين !
هيام لـ امها : يمه متى يتزوج البريعصي ذا و أخوه الساطي أمرضوني!
ضحك أبو مِطلق ونطقت أم مِطلق : البريعصي ما غير ينشغل بـ الكتب و الساطي حالف ما يتزوج
رفعت يدينها تدعي: يارب اخواني يتزوجون وافتك
عزام الي سحب إذن هيام : اعقلي لا ازوجتس راعي البقاله خويي
أنلجم عزام كف من هيام على ظهره وتآلم : يدس يد خباز مب يد أعوذ بالله!
ضحكت هيام ونطقت : اي ازين اعقل افضل لك
قام عزام : بروح ابدل واذا جهزتي العشا ناديني
هيام بـ مزح : والله ما اناديك
عزام : اوريس
هيام : امزح امزح لا تصيح
عزام : خوفي انتي الي تصيحين لا مردغتس
قامت لـ المطبخ تشوف العشاء شصار عليه ..
..
فـ ديرة التميمي تحديدًا ~ عِند أبو صَـدف ~
وصل أبو صَدف لـ الفلل الي كَانت جنب بعض ڤيلا أبو صَدف و أخوانه كانت نرجس سرحانه فيـه و فـ ضحكته ما أنتبهت الا لـ صَدف وهي تصارخ : نرررررججججس!
فزت بـ خوف : خير؟
صَدف : قومي وصلنا
فتحت باب السياره ونزلت الأغراض مع أختها وقفت ورا أبوها الي كان يدور بين المفاتيح مفتاح باب الڤيلا و فعلًا لقى المفتاح و فتح الباب دخلت البيـت وكان مُظلم فتح أبو صَدف الأنوار وفتح الباب الداخلي وفتح الأنوار ,, دخل يقعد على الكـنبه وشاف الغبار بـ كل مكان : الڤيلا يبي لها تنظيف
أم صَدف بـ تعب : بكره ان شاء الله
أخذت شنطها و أغراضها و دخلت غُرفتها رمت نفسها بـ تعب ع السرير و سمعت أصوات ضحك و سيارات تحت بـ الشارع فتحت الشباك وشَافت قوس و أختها اميره مع أمهم و أخوهم الي يفتح باب الڤيلا صفقت بـ حماس وأخذت جوالها دقت على قوس وهي كانت فوق تشوف قوس ردت عليها ونطّقت : قوووس
أبتسمت قوس : هلا صَدف
صَدف : شوفيني انا عندكِ فوق
رفعت عيُونها لـ صَدف وأبتسمت لها إبتسامه وسيعه : تجهزي بعد شوي يجون باقي البنات ونطلع
صَدف : حقول لـ نرجس ولا لا ؟
قوس : اي قولي لها
صَدف الي وخرت عن الشُباك بعد ما شافت قوس دخلت : يلا اوكي باي
قفلت قوس جوالها ونزلت لـ نرجس الي كانت تجهز العشاء : قوس تقول حاخذكم معايا بس ما اعرف فين تجهزي انتي
نرجس بـ حماس : اوكي
طلعت من المطبخ و راحت لـ أمها : ماما عادي حطلع معَ قوس ؟
هزّت راسها بمعنى طيب : بدون تأخير!
أبتسمت صَدف : الله يخليكِ ليا
ركضت لـ غرفتها وطلعت لها توب و بنطلون و عباية جديده قعـدت تطلع مكياجها من الشنطه جلـست على كرسي التسريحه تتمكيج و تسوي شعرها ..
خلصت من المكياج وكانت حاطه شيء بسيط و بدت بـ شعرها البني الطويل ..
وفعلًا خلصت وجا وقت تلبس ملابسها وتنتظر قوس
و باقي البنات عشان يسهرون ويطلعون مع بعض لبست إكسسوارات ذهبيه ..
عند نرجـس بـ الطابق السُـفلي ..
حطت العشاء لـ أمها و أبوها وجات بـ تطلع قاطعها صوت أبوها : على وين؟
نرجس : حطلع مو مشتهيه بالعافية
طلعت نرجس و لبست جمبـسوت خفيف يهـف جسمها و أخذت مكياج خفيف و سوت شعرها ستريت و إكسسوارات فضيه ..
بعد فتره قصيره أتصلت قوس لـ صَدف الي كَانت بـ سيارتها ردت صَدف الي كانت تنتظر مكالمتها : الو؟
قوس : انزلي انا تحت
صَدف : حلبس عبايتي وحنزل لكِ
لبـست عبايتها وتوجهـت غرفة نرجس تقول لها ، دخلت عليها وشافتها لابسه عبايتها : قوس تحت
طلعت نرجس من الغرفه ونزلو بنات بدر لـ قوس الي كانت واقفه قدام ڤيلا بدر , طلعت من باب الڤيلا وشَافت قوس وجنبها أميره فتحت باب السياره وركبت ونرجس بـ المثل ..
أميره بجِديه : خفو علينا تراكم حلوات تبارك الله!
ضحكت صَدف بـ خجل ونطّقت نرجس : أنتي الحلوه
قوس : وين تبون نروح الديره ما فيها شيء!
لفت لها أميره : في سينما جديده فتحوها عندنا
أنبهرت قوس : قولي والله !
ضحكت أميره : والله العظيم توني شفت في قوقل ماب
قوس : افتحي اللوكيشن ( الموقع )
فتحت أميره الموقع و مدت الجوال لـ قوس و بدت تمشي شوي شوي لـ موقع السينما..
صَدف : لحظه لحظه والتذاكر مين حجزها؟
أميره : ازهلللي جهزت كل شيء بس نروح ونتفرج
ضربتها قوس بخِفه : كفو ي الذيبه
أميره بـ ضحكه : كفوك
كملت قوس وهي تمشي بـ مسافة السينما وكانت الديره أماكن فيها أنوار و أماكن ما فيها ولا نور وكانت كلها عقـبات وطلعات مُرعبه و تخوف بـ النسبه لـ قوس .. جتها عقبه طويله و مرتفعه بلعـت ريقها وبدت تسوق سيارتها شوي شوي : بنات تشهدو
أميره بـ خوف : وجع لا تخوفيني !
نرجس الي كانت خايفه أكثر وحده بينهم : يا ماما قوس شرايكِ ترجعين !
قوس : خلاص اسكتو لا توتروني!