لَيت الخَلايِق تِنقلب كِلها أنت وأصير أشوفك كِل مَا شِفت مخلوق

٢

ناظر تميم لـ القماش نطّق : شيعي أنا البس اسود أول يوم عيد ؟
مِطلق الي ضحك من سخافته...
::::::::::::::::::::::::::::::::::::::::
أخذ مِطلق قماش ثوبه وتميم بـ المثل ..
طـلع برا المحل ونطق تميم : باخذ للوالده بخور
مِطلق : رجلي بـ رجلك وأنا باخذ لي شماغ
هزّ رأسه بمعنى طيب وتوجه تميم لـ محلات العود والعطور ناظر بـ مِطلق الي كان واقف يشـوف العطـور : يا ولد أمش !
طـلع مِطلق وتميم وراه بعـد ما دفـع ,, دخل مِطلق محلات الأشـمغه والعُقـل والمستزلمات الرجاليـه
أخذ شمـاغ ووقف قـدام المرايه وكـانت المرايه أقصر من مِطلق ضحك بخِفه وتفشـل : حتى المرايه قصيره
تميم : ما ألومها طولك برج خليفة ماشاءالله!
ناظره مِطلق بحِده : شايف طولك؟
تميم الي حـك رأسه بـ فشله , ظبط مِطلق ترسيمته ونطق لـ تميم وهو يشوف أشمغة الأطفال : بزر أنت؟
ضحك تميم : باخذ لـ تركي حبيب عمه
مِطلق : أخذها ولا ؟
تميم : حرررررريقه يبو مصعب
أبتسم مِطلق وأخذ الشماغ نطّق تميم بمِزح وهو يشوف أشمغـة الأطفال وأخذ خاتم وسبحه وطاقيه وعقال لـ ولد أخوه تركي : مطلق زوجني أبي بزران
ناظره مِطلق بـ قرف ضرب كتـفه وكمل يقول تميم : استهبل يا رجال
أبتسم مِطلق وناظر لـ تميم وهو ماسك أغراضه وأغراض تركي أنصدم تميم بعد ما نطق صاحـب المحل : حسابك مدفوع يا أخوي
تميم : مين الي دفع؟
مِطلق الي سوّا نفسه إنشغل بـ أغراضه وطلع برا المحل بعد ما حاسـب له ولـ تميم ,, تميم : يعطيك العافيه ، طلع برا وشافه يبتسم بخِفه : أنت الي دفعت؟
هز رأسه بـ نفي مِطلق : لا
تميم وهو مقهـور : الله يغثك!
سحَب يـده : أقول أمشششش
تميم بعصبيه : لو أشوف أحد ثاني مره قال الحساب مدفوع دفنتك وأنت حي !
مِطلق بـ ضحكه : خلاص أبشر بس أمش
تميم : باخذ لـ تركي ثوب
مِطلق : أجل وش تنتظر هذا هو المحل
دخل تميم ومِطلق وراه تميم وهو يشوف القماش : دور معي بس لو جبت ثوب شيعي مردغتك
ضحك بخِفه وجاب مطلق ثوب عيال صغار : حلوه هذي
تميم بتعجُب : يا سلام عليك يا مطلق
أبتسم مطلق وناظره : بالله كيف الذوق
تميم : زي وجهك الحلو
مِطلق : لا يكون سبه؟
تميم هز رأسه بـ نفس وناظره بـ إبتسامه , أخذ الثوب ودفع وطلع من المحل
تميم وهو يمشـي ونطق : ناسي شيء؟
هز رأسه بنفـي وهو يدخن : بس استلم الثوب من الخياط وأموري بخير
تميم بـ إبتسامه : أقصد طلعة البر لـ بكره!
زفـر دخانه ولف بـ أبتسامه : أنسى روحي ولا نسيتها
تميم : من الحين أقولك كل شيء معي ومع العيال لا تجيب شيء
مِطلق بمِزح : أنا المعزوم يحق لي ما أجيب
تميم بحِده : طلعة بر وفلة تخليها عزيمه ليه؟
مِطلق وهو يناظره : سوالف بكره تصير بكره عشاك علي
تميم الي فـز : والله ثم والله علي أنا
مِطلق : مين جاب طاري العشا أول بزر أنت أهجد أنا خلاص!
تميم : حلفت بالله يا مطلق!!
أبتسم بسخَريه : تم أجل !!
تميم بـ إبتسامه لعُـوبه : أي أدب
..
~ فـ عـزيـمـة الـتـمـيـمـي ~
نزلت قـوس من سيارتها بعد ما شافت حـوش الـڤيلا والشـارع زحمة سيارات و معازيم أهل التميمي
وقفت تشوف سيارتها وبيدينها أكياس الحلا شافت آسر جاي جهتها ونطق بعصبيه : أدخلي داخل!
حط عيـونه لـ سيارتها : شصار لها وكيف دعمتي؟
عـضت شفايفها السُفليه : واحد غبي ما يشوف
آسر بحِده : ما دقيتي على نجم؟
هزت رأسـها بـ نفي : أنا الي خليته ما يدق بسيطه
آسر : أدخلي داخل ومعوضه خير
قوس الي ركـضت لـ داخل وصدمت بـ موج الي قعدت على ركـبها و ميـلت رأسها تظبط كـعبها ,, دعست على إصبع موج وصارخت بـ آلم : اصبعيييي!!!
قوس بـ ضحكه : غبيه أنتي أحد يقعد هنا؟
موج بـ آلم وعصبيه : كنت أظبط كعبي أنتي الي فتحي عيونك أول ما تدخلين داخل!
قوس : أسفه حقك علي
مشت لـ المطبخ و مـدت الأكياس لـ أمها : يمه متى وصلو المعازيم؟
أم آسر : قبل شوي وباقي في ناس ما وصلو
قوس : عمي أبو صَدف ما جا ؟
هزّت رأسها بـ نفي وهي تساعد العامـلات بـ ضيافتها : لا باقي
قوس : زين انا بطلع أبدل وأنزل لك
وصل أبو صَدف وفـزو له التميمي ..
نطـق آسر وبيديـنه دلـة القهوه : أرحبب يا عم
أبو صَدف الي نـزل الدريشه : البقى
آسر : الله يبقيك نزل الحريم وأقلط
تـقدم أبو صَدف لـ باب الحريـم ونزلـت صَدف جات عينها على سيـارة هذام و بلعـت ريقها بـ خوف , قاطعها أبو صَدف الي نطـق بعصبيه : يلا يا صدف!
وقفت صَدف تنتظر أمها ونـرجس الي كانت تشيل الأكياس : صَدف ساعديني على الأقل!
تقدمت صَدف وأخذت منها كيسين لـفت لـ أم صَدف وهي تقول : شفيكِ ؟
هـزت رأسها بـ نـفي : ما فيني حاجه
أم صَدف : أمشو ندخل
دخلو و كانت قـوس نازله نطقت بـ حُب وصراخ بعد ما شافت صَدف وأمها لـ أجل يسمعون صوتها العالـي وأولهم مـوج و أمها : يا هلا بـ زوجة عمتي وبناتها يا هلا بـ أم صَدف نورتي دار رهف
أبتسمت أم صَدف وردت : يا هلا فيكِ يا عيون أم صَدف وبناتها ..
قعدت أم صَدف فـ صالة الحريم و فـ يمينها نرجس ويسارها صَدف ,, مدت أميره القهوه لـ أم صَدف الي كانت تسولف مع أم آسر : سمي يا عمه
أم صَدف الي تقدمت تاخذ الفِنجال : تسلمين
تقدمت أميره لـ صَدف الي كَانت على جوالها غمزت صَدف لـ أميره : يا حظ الوردي
أميره الي ردت لها الغـمزه : جعلني تايقر يا المدلله
أبتسمت بحُب وأخذت فنجال القهوه وتجاهلت نـظرات موج الي كَانت تكره بنات بـدر و هـاجر وتغار منهم وأمها بـ المثل و أقوى ..
أشتغلت السماعه ومسكت رأسها الجده عُتيقه بـ إنزعاج وضحكت قوس بخِفه ,, لفت تنطق لـ أمها الي كانت مع أم صَدف : جدتي زعلت شرايك تطلعون من هنا وتروحون الصاله الخارجيه وهذي تكون لنا ؟
هزّت رأسها بمعنى طيب : قولي لها
توجـهت قوس لـ الجده أم نادر : جده أمشي نروح الصاله الخارجيه
أم نادر وهي ما تسمعها : هاااا؟؟؟ قوس بصراخ : أمشي الصالهههه الخااارجييييه
أم نادر وقفـت ومسكت يدها قـوس والأمهات خرجو من الصاله ..
صفو البنات وحفيدات هـزاع التميمي ,, وبدت أميره تتمايل بـ الوسط وترقـص جات قوس سحبت صَدف الي كانت تصفـق بحماس وصـراخ : لا لا ما أحب!
قوس وهي تسحبها وتضحك : يلا بسسس
صَدف اللي شاركت أميره وبدت تتمايل والبنات يصايحون وتهـز ع الخفيف شاركتـها أختها نرجس وبـدت الأصوات تُعلـى والأصوات تزيد سحبت نفسها أميره وصفت مع البنات الواقـفات ,, أبتسمت نـرجس وأخذت خُصله من خُصل شعرها وحطـتها على وجهها وبدت تتمايـل بـ أنوثه مِثل أختها ..
طـلعت صَدف من الوسط وقعدت بـ تعب وشَافت جوالها يِرن أتصالات أستغربت شافت الأسم وكان هذام أبتسمت بحُب بعد ما شافت إسمه خرجت بـ تطلع نطّقت أم آسر خرجت عشان تجيب القهوه : على وين يا صَدف؟ نطّقت بـ توتر : عندي إتصال مهم حروح الملحق ,, هزت رأسها أم آسر بـ معنى طيب ،
طلعت برا وكان في جدار بين الرجال و الحريم و الملحـق , دخلت الملحق وقفلت الباب أتصلت على هذام من جديد الي كان بين الرجال رد عليها : لبيه
أبتسمت صَدف : تعال الملحق أبغا أشوفك
هذام بـ حماس : الأن!!!
قفل الخط وقام بين الرجال يطلع وقف يشوف محد موجود حط يده على رأسه بحكم ما يطيح شماغه وعض طرف ثوبه يركض لها بـ الملحق فتح الباب وكانت معطيه ظهرها لـ هذام وبيدها جوالها لـفت تبي تشوف مين دخل ,, أنصقع هذام من جمالها وجمال شعرها وفستانها وخصرها وعُنقها بلعـت ريقها بخوف من نظراتها ونطّقت بتوتر : هذام إيش فيك؟
تقدم ومسـك يدها بـ حُب : فيني أنتي يا صدف
يا حظ قلبي دام حُبك سكن فيه !!
أبتسمت صَدف بـ خجل : خلاص شفتني؟ يلا حطلع أنا
توجهت تفتح الباب بس سحبها من يدها : والله ما تطلعين حلفت
صَدف : خلاص هذام شفتني وحطلع الحين
عِند الحريم بعد ما حطو العشاء العاملات والكل دخل يتعشا نطّقت أم آسر لـ نرجس : صَدف برا روحي ناديها , أستغربت وقفت بدون أي ردة فعل قامت طلعت برا وشـافت العيال ينزلون العشاء ويتهاوشون بمِزح طنشت الموضوع وأستغربت صَدف مب موجوده راحت لـ الملحق وشَافت الباب مقفل بس مب بـ المفتاح فتحت الباب وتجـمدت بـ مكانها بعد ما شافت صَدف مع واحد أطول منها وأعرض منها نطقة بـ قرف وخوف : صَدفففف؟
طلع هذام ركض بدون ما يناظر أحد لـ الرجال ونطّقت نرجس بعصبيه : أيش حتسوييين مع هذا !!
صَدف بتوتر : تكفين لا تقولين لـ ماما الله يسعدكِ
نرجس الي مسكت رأسها : هذا آسر؟
هزّت رأسها بـ نفي : لا
نرجس الي سحبتها , صَدف : ماما وبابا لا يوصل لهم الخبر حيموتوني تكفين نرجس!
نرجس : ما حقوللللل خلاص بس امشي نتعشا
..
~ فـ سيارة تميم و مِطلق ~
مد يـده مِطلق يشغل الراديو وناظر بـ تميم وهو سَرحان و عيُونه ع الطريق أشتغلت الأغنيه ورفع الصوت
ناظره تميم بعد ما نطق مِطلق مع الشـيله:
مِطلق: لا صرت واثق في حبيبٍ توده
كمل تميم وهو يقول: ما همك اللي ينقل الِعلم منه
مسك ذراع تميم وشد عليه مِطلق: هو يدري أنه غايتي والمرادي
نطقو ثنتينهم مع بعض وكلمات الشيله تحمس أكثر وأكثر: هو أدري اني في هواه أتعنى
وكانو مِطلق و تميم عاشو طفولتهم مع بعض ودرسو مع بعض وكانت علاقتهم أحلى علاقـة صداقه بين أحفـاد حـمدان الفهـيد،، بعد فترة نزل تميم ومِطلق معه لـ للمطعم يتعشـون، طلب تميم العشاء وقعد يسار مِطلق ينتظر العشاء وكان يطقطق بـ جواله نطق تميم وهو يناظر فـ عيُونه: متى نازلين الديره يبو مصعب؟
تنهد بتعـب ومسح لحـيته مِطلق: بكره وشو؟
تميم: الجمعه؟!
مِطلق: حلووو والعيد متى بعد يومين صح؟
هز رأسـه بـ معنى أي،، كمل مِطلق يقول: علمي علمك يا ولد العم ما ادري عن الوالد و قراراته الظاهر بينزل بكره ولا بعده
تميم: الوالد مستعجل و يبي ينزل الأن اذا وده
مِطلق: ما ألومه أخر مره نزلنا كلنا أيام عيد الفطر
وصـل العشـاء بدون أحداث مهـمه نطق تميم: تفضل يبو مصعب
« من باب الإحـترام عِند تميم و مِطلق »
مِطلق : زاد فضلك
قـلط مِطلق و سـم بالله و بدأ يأكل وتميم بـ المَثل ..
خلصو بعد فتره نطق مِـطلق:  كثر الله خيرك يا تميم
تميم پـ إبتسامه:  الخير خيرك يا ابو مصعب
أبتسم مِطلق و طلع يغسل يدينـه،، وتميم وراه
دخل تميم ورا مطلق « الحمامات» فـتح مِطـلق صـنبور المـاء وميـّّل رأسه، ما انتبه لـ جواله الي طاح بـ المويه ونـطق تميم: أسلللللللم أخذ جوال مِطلق يمسحه بـ منديل
ضحك مِطلق: لبى كبدك و باسو خشوم بعض
« سلام رجال »
طلـع تميم ومِطلق وهو ماشي جاته إتصال من أخته أستغرب وشاف الأسم- نغم- رد بهوء وهو متجـه لـ سيارته: سمي؟
نغم:  تميم؟  وينك الله يهداك أمي أقلقت عليك!
أبتسم تميم وركب سيارته وشغلها:  أبد قولي لها مع مِطلق بوصله لـ بيته وجايكم
نغم: زين الله معك،،  قفلت الخط لَفت لـ أمها: يقول انه مع مطلق ولد عمي لا تحاتين
هزت رأسـها بـ معنى طيب وأبتسمت بحُب من علاقة مطلق و تميم:  االله يحفظهم
نغم وهي تلعب بـ شعر تركي وكان حاط رأسه على فخذها: يا يمه الشوق فاضح للديره!
ضحكت أم نـاصر:  باخذ العلوم من أبوتس وأعلمتس كل شيء
نغـم : كفو عليتس , كملت تقول لـ تركي : الوقت تأخر وين أمك عنك يا ولد !
تركي : بطلع انا عند امي
طـلع تركي وقعدت أم ناصر مع نغم يسولفون وبعد فتره قاطعهم دخـول تميم وبيدينه أكياس : سلام عليكم
رد عليه السلام و نطقت أم ناصر : قضيت للعيد؟
هز رأسه بـ معنى أي توجـه يقعد وتنهد بـ تعب : اليوم وحده صدمتني يا يمه
أم ناصر : يمه ولدي بسم الله عليك صار لك شي؟
هز رأسه بـ نفس وأبتسم : ما في الا كل خير
نغم بحِده : كان جيت ومردغتها وأعلمها شلون
تميم وهـو يناظر فيهـا وكـانت رابطـه شعـرها ولابـسه تيشـيرت أصفـر وطقـم غـبي : اقول روحي روحي فسخي التيشيرت اللي لابسته كركم يتقهوى
ناظرت فيه بعصبيـه : مب شغلك ومحد طلب رأيك لا أهفك بـ الفنجال الحين!
أم ناصر : يا سخفك يا تميم وتستغرب لا انجلدت
أشر على أخته : ذي الصرصور تجلدني؟
قامت ورمت الوساده على الأرض بعصبيـه واضحه ونطقـت : الشرهه الي قاعده معك يا المنحوس
أم ناصر الي ضربت كتـف تميم : زعلتها!
تميم بـ سخـريه : خليها تزعل أعرف أراضيها
أم ناصر الي حطـت الكوب على الطاوله : الى متى الله يهداك أختك الوحيده وكذا تعاملها؟
تميم وهو يتـمغط : يا يمه بنتس ما تتحمل المزح
كـمل يـقول : يمه بدخل أرقد الله يسعدس لحد يقومني
أم ناصر : أبوك يقومك غصبًا عنك تروح معه صلاة الجمعه
تميم الي حـك رأسـه : يصير خير
..
~ فـ عـزيـمة التـمـيـمي أحـداث سابـقه ~
مشـت نـرجس و صـدف وراها والتـوتر و الخـوف واضح على مـلامحها لاحـظت أم صَدف بدون ما تقـول شيء ,, بعد فتـره جاها إتصال من أبو صَدف و عـرفت أن خلصت العزيـمه : هلا؟
أبو صَدف : تجهزي بطلع لـ بيتي
أم صَدف : أبشر , قـفلت المـكالمه ونـاظرت لـ صَدف و نـرجس : يلا حنطلع!!
صَدف قـامت بـ حماس: أخيرًا!!
لبـسو العبايات ونـطقت أم آسر : أسمرو معنا الله يهداكم
هزّت رأسها بـ نفي: المره الجايه
أم آسر : الله معكم
طـلعت مع بنـاتها وفعلً شافت أبو صَدف بـ سيارته وقف عند مدخل الحريم ركبت أم صَدف السياره وبناتها وراها و متجهيـن لـ البيت
::::::::::::::::::::::::::::::::::::::
صـبـاح يـوم الـجـمـعـه الـديـره
تـحـديـدًا ~ فـ بيت أبو ضيدان ~
طـلعت موضي من المطبخ وبـ يدينها تِرمس القهوه و الشاي : يا يمه ولدس أمرضني عيّا يقوم!
أم ضيدان بـ عصبيه : الولد هذا اوريه الحين عند ابوه يمردغه
موضي وهي داخـله المطـبخ من جديد : كأنه ولدي توني طالعة له ما قام !
نـزل أبو ضيدان وهو ينطق بـ عصبيه : يا فهده !
فـزت من من مكانها : سم يا مشعل؟
أبو ضيدان : وين ما جهزتي لي الجمره بأبخر شماغي
أم ضيدان : يا موضي جيبي ولعي جمره لـ أبوتس
موضي وهي بـ المطبخ : ابشري يمه
أم ضيدان : ولدك نايم من أمس!
أبو ضيدان : حاتم؟
أم ضيدان : ما غيره
طـلع أبو ضيدان لـ حاتم فـتح الباب بـ أقوى ما عِنده وأنصقع بـ الجدار توجه يسحب لحافه : قمم لا بارك الله فيك صلاة الجمعه عيوني ما شافتك ما يحصل لك خير المحل من امسسسس مقفل وش يقولون اهل الديره!
فـز حاتم ونطق بـ تعب : يبه الله يعافيك برقد شوي
لـف أبو ضيدان لـ دخـول موضي وبيدينها المبخرة : يبه أعلمك وش مسوي ؟
حاتم بـ صدمه على طاري الدخان وفـز يركض لـ الحمام يتوضى ,, ضحكت موضي ونطق أبو ضيدان : هاتي المبخره مـدت موضي المبخره لـ أبو ضيدان ونطق وهو يبخر شماغه وثـوبه : شمسوي قولي
موضي بـ تردد : مب مسوي شيء بس أخوفه يقوم من نومته
أبو ضيدان : قومي أخوس ضيدان أنا بطلع للمسجد قولي له يجيب حاتم
أشرت على عيُـونها : من عيوني
أبتسم أبو ضيدان وطـلعت لـ غرفة ضيدان و أبو ضيدان وراها متجه لـ المسجد ..
دخـلت غرفة ضيدان وشـافته يظبط ترسيمـة شماغه قدام المرايه أبتسمت موضي : خذ فهد وسند وحاتم معك
ضيدان وهـو يتعطر : سند وفهد بس حاتم قاط مع عيالس؟
ضحكت بخِفه : أبوي موصيني عليه
ضيدان : و عيالس وينهم؟
موضي : تحت عند أمي
ضيدان : خلاص أبشري ثواني وانا نازل
موضي : لا تنسى حاتم
ضيدان بـ ضحكه : بزر هو بينزل بنفسه
نـزلت موضي بدون أي ردة فعل : يا فهدددد يا عياللل
قـعدت على الكـنبه وركض سند وفهد وراه لـ أمهم : هلا يمه
موضي بحِده : من اليوم انادي وينكم سحبت فهد تظبط شماغه ، نزل حاتم وقعد جنب موضي : صاحيه أنتي بغيتي تنكبيني قدام أبوي!
موضي وهي تظبط شماغ سند بعد ما خلصت من فهد : تستاهل ريقي نشف من الصبح أناديك!
حاتم الي سحب سند لـ حضنه وعـض خده : يا تبارك الرحمن
أبتسمت موضي وقامت وقفت عند الدرج : يلا يا ضيدان صلاه!
نـزل ضيدان وبيدينه مفتاح سيارته و سجادته : تونا بـ الخطبه
حاتم بسخَريه : تونا ؟ شيخ مسجد الديره يدحدر بـ الصلاه
موضي : شلون؟
حاتم : اللي أقصده أنه يسرع بـ الصلاه
ضيدان بـ ضحكه : ألحقوني سيارتي
طلع حاتم وهو ماسك يد سند و فهد يطلعون لـ المسجد..
نطقت أم ضيدان: وينها بنتس؟
موضي وهي تبخـر الصاله: نايمه
أم ضيدان: هذا وقت نوم الحين ابك قوميها تاكل لها لقمه من امس راقده!
موضي بـ ضحكه: خليها واللي يعافيس يا يمه
أم ضيدان وقفت: بسوي الغداء
موضي: لا والله ما تسوين علي الغداء اليوم
..
~ فـ بيت أبو مِِطلق بـ الرياض ~
دخل أبو مطِلق البيت وعياله وراه جـلس مِطلق: يبه اليوم بطلع البر مع تميم و العيال
أبو مِطلق: من العيال؟
مِطلق: معي بـ الدوام
هز رأسه بـ معنى طيب ونطق: الله معكم الله بنزل الديره قبل العيد بـ يوم
فـرشت هيام السـفره و حـطت الأكل: الغداء جاهز
قعد أبو مِِطلق حول السفره وقعد عزام يـمين أبوه و مِطلق يساره وأم مِطلق قدامهم يمينها هيام
أم مِطلق: مطلق ولدي؟
رفع رأسه لـ أمه : سمي
أم مِطلق: ما ودك تعرس الوظيفه و معك الى متى تقعد بدون زواج و عيال؟
تنهـد مِطلق : ززواج مب متزوج الأن ولا فكرت
ناظرت أم مِطلق لـ أبو مِطلق ونطقت بـ عصبيه : طاري الزواج و جبته لـ ولدك وهذا رده!
نـفض يده مِطلق و قام وقف : زواج مب متزوج ، طلع لـ غرفته وحمامه يغسل يدينه
هيام : الله يهداس يا يمه مو وقت هالطاري كان قلتي له بعد الغداء مطلق وتعرفينه ما يحب هالسوالف ولا يطيقها
نطقت أم مطلق : اسكتي انتي الله اكبر وش الطاري الشين الي فتحته له زواج ومضيع عمره بدون زواج و عيال
أبو مِطلق: ولدس عنيد وانا اعرف شلون اتصرف معه
دخل غرفته ولا فـكر لـ طاري أمه وكان أكبر همه طلعاته و وناسته نـزع ثوبه وعلقها بـ دولاب الملابس ، و توجـه لـ الأنوار يطفيها و شغل التكييف ينسدح ...

مكان أخر ~ فـ ڤيلا أبو صََدف ~
بعد الغداء كـانت جالـسه مع أهلها فـ الصاله السُفليه و جواله بـ يدينها لفت لـ أبوها وهو يقول: جهزو الشنط العصر ننزل الديره
تأفأفت بـ قرف: بابا الله يخليك خليها ليلة العيد!
ناظرها بحِده: كلامي سمعتيه اذا ماجهزتي بركب سيارتي و أحرك
أم صَدف الي كـانت تكره الديره أكثر من بـناتها: قومي يا صدف جهزي شنطكِ!
وقفت تـاخذ جوالها وطلـت غرفتها،،  نطق أبو صدف لـ نرجس: وانتي وراك ما تطلعين؟
زفـرت بـ عصبيه:  أبشر حطلع الأن
رمـت شنطها على السرير بـ عصبيه و بدت ترمي الملابس على الشنطه و الاغراض الي تحتاجهم وتاخذهم معها
أخذت شنطه ثانيه و حطـت أغراض العيد وأشيائها الجديده بـ حكم العيد بـ الديره أخذت مكياجها
قفلت شِنطها وأخذت لها لبس مريح تلبسهم بـحكم أن الخط فوق الـ أربع ساعات
وقفت عند الـمرايه و رفعت شعـرها ربطت من الوسط و الباقي على راحـته لـبست إكسسوارات فضيه وقفت تشوف نفسها بـ المرايه و أخذت لبسها و توجهـت لـ غرفة الملابس تلبس،،  طلعت بعد فتره وأخذت شنطتها الثانيه وحطت أغراضها المهمه زي الشواحن و السماعات و الكريمات والاشياء الاحتياطية الباقيه وقفت تشوف أغراضها وعضت شِفتها بـ تردد وش أخذت و وش ما أخذت زفرت بـ تعب و توجـهت تاخذ لها عبايات و وش العباية الي تلبسها و كانت عبايتها ملونه ولا تغطي وجهها كاشفه طلعت لها عبايه عنابيـه وتعُُجبت من اللون رمتها على السرير وأخذت عبايه ثانيه سوادء صيفيه وكانت عليها أصداف وخـرز على الإكمام ناظرتها بـ إنبهار و تعجُب قاطعها مكالمه من هذام توجهت لـ تسريحتها وكانت حاطه جوالها فوق التسريحه شافت الإسم وأبتسمت بهدوء ردت عليه:  هلا هذام  ،، نطق هذام بـ أبتسامه وهو واقف بين الخيول فـ الإسطبلات: اتطمن عليك كيفك؟ زفرت صَدف بهدوء: بخير وأنت
هذام: الحمدلله بخير دامك بخير،، سمعت صوت صهيّل الخيل وأبتسمت إبتسامه وسيعه: في الاسطبلات؟
هذام وهز يلعب بـ شعر خيله وهز رأسه بـ معنى أي: اي ليه؟ صَدف: حنزل الديره مع بابا أتمنى تنتبه على المهره
هذام بـ ضحكه: عيوني لك أبشري
كانت جايه جهة غرفتها وسمعت ضحكات صَدف و سوالفها وقفت ورا الجدار تسمع كل شيء و مصدومه كيف تكلم ولد،،  توسعت عُيونها بعد نطق صَدف لـ هذام وهي تقول:  أحبك هذام،،  عرفت نرجس كل شيء بينها و بين هذام وعرفت أنه الشخص الي كان معها بـ ملحق المرحوم أبو آسر توجهت لـ غرفتها وهي بداخل نيران و قهر من صدف أختها..
«مـرت ساعتين بدون أحداث مهمه»
كان واقف فـ الصاله السفليه مع حرمته و بناته نازلين لـ الديره طلع أبو صدف يحط الشناط فـ سيارته و طلعو أهله وقف يبي يقفل الأبواب بـ المفتاح، ركبت صَدف السياره بهدوء و ناظرت لـ نرجس الي كانت تناظرها بـ نظرات كُره وحِقد نطقت صَدف: إيش فيكِ؟ هزت رأسها بـ نفي ولفت تشوف ابوها الي ركب السياره و نازل لـ الديره..

نزل لـ تميم وهو مستعجل وشاف أهله قاعدين يتقهوون ووقف عند الباب وشاف عزام : تخاوي؟
هز رأسـه بـ نفي: لا والله،، طلع بدون ردة وشاف سيارة تميم ومعه سامي رفيق الدوام

:::::::::::::::::::::::::::::::::::::
نرجس وراها بلا يا جماعة 👏🏻🤣
البارت قصير وفي بارتات جايه على الطريق 🌟!