عذابي الأزلي

البارت السادس عشر

البارت السادس عشر

بقلم الكاتبة الزهيرية الزهيرية

يخطئون ثم يقولون الدنيا تغيرت
الدنيا لم تتغير القلوب والأخلاق
والنفوس والمبادئ هي التي تغيرت

مينا / اكبر كارثه على البنيه من تكون حبها من طرف واحد وخصوصاً إذا چان من طرفها وهذا چان حال جوانا وانقهرت عليها انه يكون حبها من طرفها فقط وبعدين سآلتها/ وشنو آخرة هذا الحب جوانا

جوانا / ما آعرف مينا والله مو بكيفي الحب مو آنتي تختارين الشخص هو رب العالمين يخلي هذا الشخص بگلبچ اني من درسني ما آنكر فرحتي لأن حبه بگلبي لا يوصف ومن خلصت امتحانات دراستي كلها چانت على مود كمال حتى اصير بمستوى وحتى من عرفت النتيجة مالتي ودرجاتي عاليه أتقصدت أروح على نور بوجود كمال حتى هو هم يعرف درجاتي ويعرف بنفس الوقت انه بإمكاني ادرس واصير بمستوى

مينا/ حبيبتي جوانا زين وشنو الحل انتي مزوجه وهو يدري بيچ مزوجه يعني اي مشروع زواج بينكم مستحيل جوانا انتي دى تعذبين نفسچ لا اكثر

جوانا/ انتي تدرين مينا ما اعرف ليش دائماً احس كمال راح يصير من نصيبي وعندي آمل برب العالمين انه يهديني كمال ويعوضني خير عن هذا زواجي مثل ما عوضني باهل ميمو

مينا / حبيبتي انتبهي لنفسچ وحاولي كل جهدچ تبعدين كمال عن تفكيرچ احسن الچ والله وحتى لا تتعذبين اكثر من هيچ

وبوقتها دخلت آم ميمو وگالت / يله جوانا مينا تعالوا العشا جاهز وأعذريني مينا والله ما أدري راح تجون وتشرفونه بزيارتكم والله هاي زيارتكم حقها ذبح طلي

ورحنه لصالة ومخليه سفرة بيها اشكال والوان والحجية هم گاعده سلمت عليها وتعجبت مصطفى ابد ما صاح عليه وانتبهت عينه كله بالموبايل ومن گعدت يمه حول الموبايل على الجهة الثانيه بحيث كل شي ما اشوف ونفس الوضع يباوع على الموبايل ومرات ما اعرف شنو يكتب ويرجع ياكل وبعد العشا اخذت رقم موبايل ام ميمو واخذت صورة جماعية للكل وصور الي ولجوانا واعتذرنه منهم وطلعنه من بيتهم وسلمنه عليهم

وصلنه لبيتنه طبعاً لازم اكو شي ينغص عليه دخلت لصالة لگيت يقين وامها گاعدات وعمتي من شافتنه گالت / وين رحتوا بس لا للدكتوره لان احنه حمدلله مصطفى ذاب حاله وماله على الدكتورات ولا ابو علي ولا مسحاته

مينا / صرت اغلي من كلامها بس سكتت ومصطفى راح گعد يم يقين وامها ودگ سوالف ولا كأنه الحچي عليه گدامه اني خليت وصعدت لغرفتي وبس بدلت اتصلت على فرح وحچيت كل كلام جوانا الها ومن هم خطيه فرحت انه جوانا عايشه براحه

فرح / اگلچ مينا ما اعرف صدگ او يتخايلي انه انتي ودى تحچين تبچين صح لو اني عقلي ضرب

مينا/ صح فرح والله بعد ما عندي قابلية اتحمل ورجعت حچيت كل شي يخص شكوكي من ناحية مصطفى ويقين