عشك الشيخ وعذاب انهار

بارت ١٠ و١١

#عشك_الشيخ
بارت ١٠ _١١
انهار
ضل يسولفلي وانة بصدمة مو كادرة احرك نفسي عنو كل فرح بكلبي راح ونحط مكانو قهر وحزن والم ونكسار
چنت طايرة من الفرح بس وكعت من سابع سمة

صرت افكر معكول هذة عقاب رب العالمين علة قبولي برجال متزوج

معكولة بسببي اخلاص حست مثل ما حسيت هسة
كما تدين تدان
بس انة مو مثل اخلاص
انة ما اكدر اتحمل هلشي
قاطع تفكيري وهوة يدحك بوجهي ويحچي بتوسل
يا عمري لا تضلين ساكتة حاچيني

انهار
كمت دون كلام اهجس لساني ثكل ولكلام طار من راسي مو عارفة انطق ولا حرف
كمت وانة لافة نفسي بلغطة وتوجهت للحمام
صكر
لحكتهة وكضبتهة من ايدهة وكلت

وين تردين حاچيني ليش ساكتة

انهار
عيوني ادحكلو بقهر ونطكت وكلت

هاذ عقابي لاني رضيت ازوجك وانت مزوج

صكر
كورت وجناتهة بديني وكلت
يا عمري انتي عمرچ لا تندمين علة زواجچ مني
ول يابة لا تقارنين نفسچ بيهن
اخلاص عمرهة ما حبتني ولا انة حبيتهة زواجنة چان واجب وتنفيذ وعد لابوي ولعمي وهذي هم زواجي منهة جبر لجل هلرجال المسكين الي تئمل بية خير وئمني علة بنتو وهو علة فراش الموت
انتي الوحيدة الي ختارهة كلبي وعشكچ وطلبتچ وانة داري بعمچ مو راضي بس رضة جبر
كل هاذ عملتو لجل حبچ لاني اعشكچ الچ
انتي متربعة هين
وهوة يئشر علة كلبة
وماكو غيرچ
انهار
كل كلامة وانة بس ادحكلو من خلص كلت

خلني ادخل اسبح
عفتو يدحكلي بحيرة ودخلت الحمام وقفلت الباب وكعدت علارض وكمت ابچي بكل قهر
ابچي بحركة كلب وانة الطم علة راسي وكول
ليش ليش ليش
كل هذة يصير من بلشت افرح ليش ليش
سمعت الباب تندك وصكر يكول

صكر
اسمع بچيهة وانة كلبي نشلع
دكيت الباب وانة اكول
بوية  افتحيلي الباب يا كليبي افتحي الباب لا تبچين افتحيلي
تستمر القصة أدناه

ادك ومتفتح تخبلت وصبر ما ضل بية كمت اصرخ بقهر

وانة ادفر الباب وكول

اففتتحححييييييلللييييي

شوي وفتحت الباب ادحكلهة سابحة ولافة جسمهة بلمنشفة وعيونهة وارمة من البچي
تعدت مني بتعب وراحت للكنتور طلعت دشداشة ورجعت للحمام شوي وطلعت لابسة انة علة وكفتي انتضر شراح تكول بس ما حچت شي سوت شي خلاني اتخبل توجهت للجنط واخذت جنطة وبلشت تحط ملابسهة من الكنتور

انتي شسوين

انهار
دحكتلة وحچيت بهدوء عكس النار الي بضلوعي

الم غراضي

صكر
احچي وانة خايف من الي تريدو
مو رايد تبعد عني
هية ولنفس واحد مو كادر اتركهة لو علة موتي كلت