#عشك_الشيخ
بارت ٥_٦
كلب بلجهاز وجفلت من دك الجهاز
📳صكر ...يتصل بك
ضليت ما رديت واني صافنة علجهاز مو كره او رفض لا بس خوف وخجل مو متعودة احچي معو
خلصت الدكة وما اتصل بعد بس شوي واجة اشعار واتساب شفتو مكتوب
💬ليش متردين
ضليت اقرة وكلبي يدك سريع رد دز
💬بوية لا تردين بس راسليني هم صعبة
ما اعرف شسوي ضليت اقرة شوي وتشجعت وكتبت
💬شكراً علتلفون
💬العفو چنت حابب اسمع صوتچ بس ما رديتي
💬اسفة مو متعودة
💬عادي يرويحتي انتي .
شخلاني اعشكچ انة غير خجلچ و وجهچ الي انكلب احمر
كضبت وجهي وكمت دحكت المراية صدك وجهي مكلوب احمر ايتسمت
وصلت رسالة منو كاتب
💬 ها شفتي وجهچ مو صح كلامي
انهار
دكات كلبي مسموعة اذكرت امل من كالت من اشوف همام كلبهة يدك بسرعة وكلت النفسي معقولة حبيتو وانة مو حاسة
دز رسالة وكاتب
💬 ول يابة سالفتچ چايدة مو مال اضل كاضب جهازي وكتب عيب من الوادم ومرت الخ ادك عليچ ردي اليوم سماح
انة عندي شغل اخذي راحتچ
في امان الله
💬 بحفض الله
راح وانة احس بفرح مو طبيعي نمت علچرباية وانة افكر وتذكر كل كلامو وطريقتو بلتعبير عن مشاعرو الي صرت افكر وكول حقي افكر بو شناقصو
شكل هيبة وشيخ وطولو يجنن ولحيتو الخفيفة وشواربو الي زايدتو رجولة وجمال نضرات عيونو تموت ولة ضحكتو كل شي بو حلو
حبيتك يا شيخ
بس من اذكر مرتو يسكن الخوف بكلبي خوف من الي ناطرني
خوف من الجاي.........
مرت يومين ودك تلفوني تشجعت ورديت بس ما حچيت سمعت صوتو يكول
الو
...
بوية ردي مو علعلتيني
الو
يا هلة بهلصوت
شلونچ يلنفس
انهار
متت من الخجل وانة اسمع كلامو رديت وانة صوتي يرعش وي دكات كلبي وكلت
الحمد لله بخير انت شلونك
انة ابخير دامني سمعت صوتچ شلون التحضيرات
تمام الكل يشتغل بلا تعب
وانتي محتاجة شي ادزو الچ بيد البنات
لا سلامتك ما تقصر
صكر
ما ضل شي وشوفچ كبالي وشبع عيوني بشوفت وجهچ
انهار
لا رد
صكر
ههههههه راح اسكت بوية بس لا تسكتين ما صدكت رديتي
تستمر القصة أدناه
انهار
تخجلني محچيك وما اعرف ارد
صكر
اروح فدوة لليخجل هانت بعد چم يوم العرس ما وصيچ اريدچ مسترة العرس راح تنجمع بي امة لا اله الا الله ما ريد احد يلمح ضفر منچ تم بوية
أنت تقرأ
عشك الشيخ وعذاب انهار
Storie d'amoreقصه شيخ مزوج بنت عمه الاكبر فيعشق بنت يتيمه ويتزوجها فكيفه ستكون حياتهم
