إنشطار برزخي

الإنشطـاࢪ الأول

﷽

روايتي: إنشطار برزخيّ
بقلميّ أنا: غــَسق سـعد

بـغداد 2020

_ ساعهَ 4 ونص العَصࢪ والجو بارد گاعده يم الشباك ولامه رجليه لصدࢪي وصافنه ؏ قطرات المطر هيَ ودتنزل ؏ شباك گعدت من صفنتي ؏ صوت أميّ

_ أم نارين: نارينهَ گومي حضريّ نفسچ بيت أم حارث جايين بليل

_ نارين: أويلي ؏ سالفه المتخلص لييشش جايين شكوو وشگتيلهُم؟

_ أم نارين: گتلهُم هلا بيڪُم شگللهُم مثلاً؟

_ نارين: أستغفر الله يايمه أستغفر الله ليش هيچ سويتي؟

_ أم نارين: ديلا بس بس أدري بيچ مخبلهَ وگتلهُم أخذوا رأي أبوها الحل والربط بأيده

_ نارين: ألف الحمدلله لعد ليش هيچ ترفعين السڪُر والضغط؟ من البدايه وگولي ميجون

_ أم نارين: أريد أشوف رده فعلچ!

_ نارين: زين هُمه ليش هيچ لزگه؟ أڪثر من مره رفضناهم، شنو ماعدهم أحساس؟

_ أم نارين: رفضتيهُم " مو رفضناهم أكو فرق بين الكلمتين من السماا للگاع.

_ نارين: شدعوه تحاسبيني ؏ كلمه

_ أم نارين: أموت واعرف الولد شبيّ وليش متريديّ؟

_ نارين: أعوذ بالله شنو الزواج كوه؟ ماعدڪم خبز؟

_ أم نارين: يابنتي اريدچ تشوفين حياتچ ولچ

_ نارين: بس بعدنيّ صغيره وماازوج يعني ماازوج وخلص واذا فتحتوا هذا الموضوع مره ثانيه أموت نفسي خووشش؟

: ـ گمزت من مڪاني وڪلش ضجت وصعدت لغرفتي وصوت أمي ورايه

_ أم نارين: يي يي إنتحري من فوك التخم طاحضج يي والله ؏ هالسوالف

: ـ صعدت لغرفتي قفلت الباب وبقيت متمدده صافنه بالسگف ونعست گمت طفيت الضوه ونمت.

...: حَسيت ؏ دگه الباب گوا فتحت عيني باوعت فتحت الجهاز باوعت للساعه 8 ونص مطيت نفسي وسحبت شعري وره أذاني وكمت أفتح الباب وعيوني شبه مفتحهَ

_ ابو نارين: شنيّ بنتي بعدچ نايمه؟

_ نارين: لابابا كاعده تعال ادخل

: ـ لزم أيدي وگعدنيّ ؏ جربايه سحب ڪرسي الميز وگعد مقابيلي ومبحلق عيونه عليهَ