﷽
_ روايتي: إنشطار برزخيّ
_ بقلميّ أنا: غــَسق سـعد
**
_ بقيت شُبه مغشي عليهَ كاعده بزاويه المخزن وگوا مفتحه عينيّ إنفتح الباب ودخلوا زلم ثنين لابسين أبيض رڪزت زين ذوله مو ابويه وزيد منو لعدد وشلون دخلوا البيت؟ عطت بصوت مبحوح
: منوو أنتوا وشرايديينن منووو؟؟
تقرب الرجال الاول وچتف أديه ويشكگ بملابسي وأنا أرافس مثل المخبله والثانيّ مگدرت أشوفه شديسوي بقيت اعيط واعيط ودموعي نارر ؏ خدي أريد احد يساعدني بسس منوو؟ وينك يابه ويينك يالظالم ليش شمرتني هنااا ماحسيت غير ؏ نغزه الأبره بچتفيّ ووگعت مغشي عليهَ
________________
_ أم دِنان: شني السالفه امان؟ كلش تاخروا صارت بـ 1 وربع خابرهم خاف طلعتلهم شغله
_ ابو دِنان: اكثر من مره اتصل محد يرد لا هوَ ولا مرته!
_ أم دِنان: زين خابر ؏ نارين گللها وين صرتوا؟
_ أبو دِنان: ثوانيّ، هاا هايَ
__________
_ بعد مانضفت البيت وقفلت البييان گعدت أگلب بالجهاز وفجأه أتصل عميّ عليهَ جاوبته..
ـ هلا بيك عمو
ـ لا عمو أنا ماأجيت وصلوا هُمه مو؟
ـ شلون؟؟ لازم يكونون واصلين قبل هيج!
ـ مـَ ماشي اتصل عليهم واردلك خبر تمام تمام.
_ سديت الخط وحسيت بنغزه بگلبي أبداً مو طبيعيه تعوذت من الشيطان وبين دگات گلبي ورجفات أديه أتصلت ؏ أمي مره مرتين 3 ماڪو متجاوب رديت أتصلت ؏ ابويه رَن مره والمره الثانيه ردليّ صوت خشن مو صوت ابويه
: ءءالسلام عـ عليكم
ـ هذا مو رقم زين عبدالله؟
ـ يي يي أنا بنته! ليش؟
ـ شنووووو؟ حادثثثثث؟
: وگع الجهاز من ايدي وڪل حيلي وگع وياه خليت عبايه ؏ راسي وطلعت اركض حافيه مثل المخبله ادك بالجام مال سيارات اريد احد يوصلني ؏ طريق السريع صعدت ويهَ واحد ودموعي تتسابق ؏ گاع
ـ أخويه بلا زحمه عليك استعجل الله يخليك
ـ خيتي ماتشوفين الازدحامات؟
ـ نزلييي هناا ييي يي
نزلت اركض وأتعثر حتى فلوس منطيته اركض بين السيارات واليدگلي هورن واليرزل وأنا فاقده الف وگعه وگعت يلا وصلت لمڪان بيّ تجمع هواي ناس ومطوق بشريط اصفر طبيت اركض وادفع بيهم وصلت لحد ثگلن رجليه واعصابي ماتت فتحت عيوني ؏ كبرهم شفت سياره أبويه مگلوبه وأمي وابويه مغطيهُم الدم وعمي گاعد يم ابويه يبچي صرخت صرخهَ شگت صدري شگ
_ فيّ لحظه أنطفأ نورها وأخذت الصدف مجراها
لِتُجاري ماتبقىٰ من قمت روحهاا
نزلت واگعه عليهم وأشاهك بچي بـ بـابااااا يُوممم گعدوااا الله عليكم لتتشاقون هيچ شقه يابه دگوم الله يخليك يابةةةة اتصلوا ؏ اسعاف ليش واكفين اتصلوااا
أنت تقرأ
إنشطار برزخي
Romance_ بَس أنا مريضهَ! _ عاديّ أنا دڪتورچ _ مُمڪن أتعبڪ. _ تعبچ راحتيّ _ أحتمال ماصير أم _ مانريد أطفال أنا وياچ أحلىٰ أثنين _ تتحمل ساعات صُداعي؟ _ المُر أجرعهَ لخاطرچ.
