إنشطار برزخي

الإنشـطار الثالث

روايتيّ: إنشطار برزخيّ
_ بقلميّ أنا: غــَسق سـعد

﷽

_ الدڪتور: الحمدلله مابيها شيّ مُجرد مضاعفات من قله الاڪل إنتبهوا عليها زين ولازم تاڪُل سجلتلك ؏ ڤيتامينات تگدر تجيبهم من الصيدليه البره ومن تخلص المغذي تگدر تطلعها

_ ابو دِنان: شڪرًا دڪتور
: راح الدڪتور وگعدت يمها بلغرفه أتأملها وهيَ نايمه نزلت راسي وگوا لزمت دموعيّ طلعت جهازي ودزيت رساله لأم دِنان " نارين يمي وحضري أغراضها " وسديته، سالفه تجيبني سالفه توديني ماحس ونمت ؏ ڪرسي فزيت ؏ صوت صريخ گمزت لگيت نارين واگعه من السرير ولازمه راسها وتعيط حضنتها ڪل قوتيّ وأحاول أهدي بيها
: بس باباتيّ ڪافي اش اش شويه وقت وترجعين اقوىٰ ڪافي دموعچ غاليهَ

_ نارين: عمو أنااا منو إلليي؟ ڪسروني يعمو ڪسروني

_ ابو دِنان: اش اش أنا يمج دائماً ماأعوفچ صدگيني دگومي يابنتي نطلع للبيت بلڪي ترتاحين
: ساندتها تگوم ڪملت أوراق الخروج وطلعنا لبيتهُم طبينا جوا ورڪضت خالتها عليها

_ أم ميثم: يمه مو موتيني عليج وين چنتي؟

_ ابو دِنان: بالمستشفىٰ

_ أم ميثم: مستشفىٰ؟؟ ليش شبيهاا؟

_ ابو دِنان: لگيتها بالمقبره وتعبت وأخذتها للمستشفىٰ
: ڪملت ڪلامي ونزلت أم دِنان شايله الأغراض بأيدها

_ أم ميثم: هايَ شنو؟

_ ابو دِنان: أغراض نارين اريد اخذها لبيتي

_ أم ميثم: لاا لاا مانطيها

_ ابو دِنان: أنا فقط گتلچ ماريد أخذ رأيج!

_ أم ميثم: شلون اعوفها؟

_ ابو دِنان: معايفتها شوڪت ميعجبچ تندلين الطريق

_ أم ميثم: بسـ...

_ ابو دِنان: لا بس ولا أبد نارين يمي يعني يمي وخلص
وين الولد؟ وزينه؟

_ إم دِنان: بلغرفه گاعدين

_ ابو دِنان: صيحيهُم إمشي اليوم الثالث من الفاتحه تجي العالم بـبيتي.

_ أم دِنان: حاضر

_ أم ميثم: دير بالك عليها أمان

_ ابو دِنان: لاتوصيني ؏ بنتي

_ أم ميثم: دنيا الظهر هسه خليها هنا وبعدين إمشوا