بـيــشــو2010 ✨
صفاء:- اهلاً صباح الخير
نور+ليبيا+جواد+فرج:-صباح الخير
نور وهي اتصب ف الشاهي :-اليوم نبو نمشوا لي بنغازي لعيت جدكم بيش انتن البنات اتلمن دبشكن بيش انباتوا
على خشت إسلام
إسلام:- نبي نمشي امعاكم
صفاء:- لم دبشك ابروحك منش دايرتلك شي 😒
إسلام:-لولي خيتي الغالية🤍
ليبيا:-درق وجك
فرج:-أنا طالع وانتي ماتبيش تمشي للمدرسة
ليبيا:-نرجا حميد وصالح
___________________________
نعرفكم على عمام صفاء
عمها صلاح ومراته غاليه عيالهم عصام ،معاذ،عبدالحميد،يزن،معتصم
عمها ابراهيم ومراته جميلة عيالهم
محمد متزوج ،موسى،اسيل متزوجة،عايشة متزوجة،روعة
عمها خالد مراته متوفيه وعنده بنت وحده اسمها هيا
عمها سالم مراته نجوى عيالهم
رغد،خالد،صالح
___________________________
(طبعاً حميد و صالح همم اصدقاء ليبيا ويقروا معاها ف نفس الصف)
___________________________
بـيــشــو2010 ✨
نردوا لي قصتناشويا ورن تلفون ليبيا بحتت في تلفونها بنص عين لقاته صالح ردت عليه
ليبيا:-صباح الخير
صالح:-هيا يا قصيره نرجوا فيك برا
ليبيا:-هيا جايه وسكرت بحتت في هلي وقلتلهم
ليبيا:-باي انا ماشيه
مسكت تلفونها وحت تبي تطلع
نور:-ليبيا حطي الخارب في مكانه ممنوع اتشيليه معاكي للمدرسة
ليبيا تنهدت:-اوكي
حطاته في الشحن وطلعت
صفاء:-ماما من في عند عيت جدي
نور:-خالاتك كلهن غادي
جواد:-كم يوم بايتين غادي
نور:-ثلاث ايام
صفاء رقيتلها (لانها متحبش البيات برا الحوش واجد):-ماما نبي انبات ليله وانروح باهي
نور:-شوفي باتك كان قالك باهي روحي
جواد:-انا طالع تبو حاجة
نور+صفاء:-لا سلامتك
اسلام:-حتى نا طالع تبو حاجك
نور+صفاء:-لاسلامتك
نور:-هيا صبي واعي اختك خلينا نبرموا على الحوش
صفاء :-هي
___________________________
فالمدرسة
رؤية(صحبت ليبيا):-انتي يا بت
ليبيا:-ها
رؤية:-جبتي تلفونك
ليبيا:-لا واللهي ماما قالتلي خليه وانتي
رؤية:-حتى نا مجبتش
رؤية:-حميد ولد عمك بلكي جايبه
ليبيا:-تو انشوفه بس شن تبي فيه
رؤية:-.................
ليبيا:-لنقنها الا فكرة فوضا
رؤية:-هي انديروها
ليبيا:-هي
مشت ليبيا لي حميد
ليبيا:-ميدو شجو
حميد:-جيتك مش من فضا احكي شن تبي
ليبيا:-جبت معاك تلفونك
حميد:-اها شن تبي فيه
ليبيا:-نبي انرن علي ماما نبي انقوللها حاجة
حميد:-اوكي خوذيه
ليبيا باساته علي خده:-انت اخسن ولد عم ف الدنيا عارفها ومشت
حميد :-مهبوله
وراته لي رؤية ومشن هنن الاثنين لي دار الاذاعه وحطن علي اغنية جوكم جايبين اسياقه وعلن الصوت على الاخير والمدرسة كلها تسمع وسكرن باب الدار بالمفتاح
حميد اول ماسمع صوت طول عرفه من ليبيا وخاف انها اتحطه في مشكلة بسبب تلفونه
حميد تنهد وقلب عيونه:-يارب انشاء الله ما تحطني في مشك
ابله ريم(هيا اللي مسؤلة على الاذاعه وكانت مروحة بدري لان عندها ظروف
ابله ناجية (المديره) :- من اللي مولع الاذاعه ومشت شور دار الاذاعه جت تبي تفتح الباب مقدرتش خبطت وقالت بصوت عالي:-من في جوا
ليبيا+ورؤية طفن الاذاعه وقالن:-هي يا ابله تو نفتحوا
طفن وفتحن الباب
ابله ناجيه:-شن قاعد يصير هنا
ليبيا:-ابله ريم دزتنا قالتلنا طفن الاذاعه لانها كانت طالعه ونست اطفيها و بالغلط حطينا على الاغنية هذ
ابله ناجية صدقت طبعاً لانها درويشه
ابله ناجيه:-اممم باهي طفنها واطلعن قدامي هي
رؤية فكت التلفون من الخيط ودساته في كمها:-هيا هي يا ابله طلعنا وطلعن
ليبيا خذت التلفون من رؤية وعطاته لي حميد
ليبيا:-شكراً😊
حميد:-انتي اللي ولعتي الاغنيه صح
ليبيا:-تقعد اصلي كان مقلتهاش لي ماما وخوتي
حميد:-مش حنقولها لاكن بشرط
ليبيا:-طبعاً انت مديرش شي بلا مقابل
حميد:-من عطاكي التلفون بدون مقابل يا كذابه
ليبيا:-شنو هوا شرطك😒
حميد:-امتى ما نطلب منك حاجة اديريها
ليبيا:-به
___________________________
بـيــشــو2010 ✨
في حوش فرج
صفاء واعت الاء ولمن الحوش كله وبرمن على الاستراحه (تو نوصفلكم حوش فرج طبعاً همم افلوس حوش فيلا كبير مشاءالله) الحوش نظامه في تركينه كيف الاستراحة فيها جلسة النجع وفيه جنينه كبيره فيها شجر وزرع ونجيله و مقاعد امتاعات الجنينه وفي جزء فيه حوض سباحة و عند حوض السباحة في جلسة والحوش كبير على دورين
انردوا لي قصتنا
برمن على الاستراحة وطيبن قهوة وطلن عند حوض السباحة وقعدن يهدرزن
اما عند الشباب
جواد محامي يشتغل في مكتب محامه
واسلام يشتغل في شيل
زياد راقد ميبيش يشتغل متخرج من كلية الاقتصاد
فرج عنده شركات واجد بس اكثر شركة يشتغل فيها هي شركة لي استيراد وبيع المنتجات الزراعية
صفاء متخرجة من قسم اللغات قاريه لغه انجليزيه وتركية بحكم ان نص عمرها كانت في تركيا حالياً ادور في شغل
والاء متخرجة من قسم ادارة اعمال
عند ليبيا
كمل الدوام وروحت هيا وحميد وصالح وكل حد مشى لي حوشه
خشت ليبيا للحوش علي خشت باتها وخوتها
جواد+اسلام+فرج+ليبيا:-السلام عليكم
الاء+صفاء+نور:-وعليكم السلام
فرج:-الغدا واتي
نور:-اها هي خشو بدلوا دبشكم بيش انحطوا الغدا
اسلام:-هي
عدو بدلوا وتغدوا والبنات لمن حوست الغداء وخشن رقدن
مع قيس4:00
وعت صفاء وواعت امها وخواتها عشان ماشيين بايتين عند عيت جدهم
ملاحظة:همم يسكنوا في منطقه بعيد عن عيت جدهم اللي يسكنوا في بنغازي
نور:-صفاء
صفاء:-نعم ماما
نور:-عدي ديري كوكيز عيب نمشو ويدينا فاضيه
صفاء:-حاضر ماما
نور:-بس ديري كمية واجده لانهن واجدين
صفاء:-اوكي
الاء:-الله بعدك كوكيز ويفي يهبللل
ليبيا:-اها واللهي لذيذ
صفاء:-باهي نا نمشي اندير الكوكيز
نور:-بنات زياد وعى
الاء:-لا ياماما راقد ما وعش بكل
نور:-عدي يا ليبيا واعيه
ليبيا عيونها اقلوب اقلوب تبي اتنابشه وهي غالي عليها المنابشة:-حاضر ماما
مشت لي دار زياد اعتلت الباب وخشت
ليبيا:-زياااااااااااااااد نوووووووووووض
زياد برم وجه للجيهة الاخره
ليبيا:-زيودي قعدت ادغدغ فيه من عند كرعيه وهو زارته الضحكة
ليبيا:-نجكليا هلي يضحك نوض امك تبيك
زياد رد رقد داير روحه مايسمعش
ليبيا فطنتله انه يسمع وميبيش ايرد
ليبيا :-ماشيين لي بنغازي
زياد نط نطه من ع السرير:-واللهي ماشين لي بنغازي اكيده بايتين صح
ليبيا:-اها بايتين نوض وتي شنطتك
زياد نط من على السرير واظبط ليبيا :-انتي احسن اخت في العالم كله عارفتيه
ليبيا بقرف:-باهي بعد بنتك نوم هي وتي روحك
زياد:-انغدي انصبح على الغاليه
ليبيا:-اين اتصبح توا قريب4:30
وطلعت وطلع معاها زياد خطمت الاء من حذا زياد
جاء زياد اضبطها:- انحبك يا اختي الغاليه
الاء:-تي باهي حول بنتك نوم
زياد دفها:-انشي يا الدبه
ومشى زياد شور امه
زياد:-اهلين يا احلى نور ف الدنيا
نور:-اهلين عذا كله نوم
زياد جا اضبطها:-انحبك والله صرا تبي تمشي لي بنغازي
نور:- تي بعد بنتك نوم
زياد شم روحه:-سمحه بنت النوم
نور:-لا واللهي امعفنه صبي اسبح وكان تبي تمشي لي بنغازي وتي روحك
زياد:-بايتين؟
نور:-اها
زياد:-كم يوم
نور:-3ايام
زياد:-احسن ام والله
نور:-صبي اسبح يا معفن
زياد :-باهي
نور:-الاء يا الاء
الاء:-نعم ماما
نور:-واعي اسلام بيش ايشيلنا
الاء:-حاضر
وعتهم و وبعدها ناض فرج وتوا ارواحهم اللي يبو يمشو وقمعزوا في الصاله يشربوا في القهوة
كلهم ماشيين لي بنغازي الا جواد وفرج
صفاء:-بابا
فرج:-نعم
صفاء:-بابا عادي انبات ليله وانروح
فرج:-عليش تبي اتروحي
صفاء:-بابا انت عارفني منحبش انبات بره
فرج:-انا زارد مع جماعتي شوفي جواد كان قاعد روحي عادي وكان مش قاعد خليكي غادي متقعديش في الحوش بروحك ولا قولي لي اسلام يروح بيك ويقعد معاك
اسلام:-نا منزرع غادي لين ما اتروح ماما محد يقولي روح
صفاء قلبت عيونها وبحتت في جواد:-وانت يا جواد قاعد
جواد:-اها قاعد
فرج:-خلاص روحي بكره كان تبي تروحي
صفاء:-تمام
نور:-هيا وقت خلينا نطلعوا
اسلام:-هي
طلعوا وركبوا في السياره وحده اسلام ونور من قدام وصفاء والاء وزياد من لاورا (طبعاً السياره فيها ثلاث صفات تقريبا عرفتوها صح) و ليبيا من لاورا بكل وانطلقوا
لبست صفاء لبست سروال امريكي في فتحه من لوطه من قدام و بلوزه بيضة وايشرب احمر وشوز وشنطه حمر وركبتت كڤر احمر للتلفون امتاعها
لبست الاء لبست قفطان لاصق تحت الركبه لونه برتقالى ومنيكير بيج وسباط بيج وشنطة بيج
نور لبست قفطان اصفر في ورود بيض
ليبيا لبست قفطان اخضر كت ظهرعريان ولبست عليها بلوزه بيضة صغيره وشوز ابيض في الاسود
___________________________
بـيــشــو2010 ✨
نعرفكم على خوال صفاء
طبعاً جد صفاء متجوز اثنين الاوله فوزيه و الثانيه ميت بس عنده5عيال و6بنات بس مش مهمين في الروايه
الجدة اسمها فوزيه والجد ميت
خالها محمد مراته دارين عندهم بنت وحده اسمها رغد
خالها علي مش متزوج
خالتها نوال عيالها
احمد(ملاحظة:صفاء تحب احمد لاكن مشعارفه احمد يحبها اولا حتى هوا ايحبها بس مش معترفلها وهي مشعارفه انه يحبها) ريماس ونور وحسام وخالد وعلي
خالتها رفيده ارمله عندها بنت وحده اسمها ملاك
خالتها فريدة عندها ابتسام وفدوة سوسن وخالد و هبه وعبدالرحمان
خالتها ورده عندها محمد اسيل فارس غسق
___________________________
الساعه5:55في حوش الجدة وصلوا عيت نور
خشوا وسلموا لقولهم مقمعزين في الجنان وكلهم قاعدين الاعيت نوال لانهم يسكنو في البيضاء مسافة الطريق طويله
فوزيه:-كيف حال فرج وجواد
نور:-كويسين حال الشغل
رفيده:-ليبيا شن دايره في القرايه
ليبيا:-اهو ماشيه تمام لعند توا
ملاك:-كان ماشيه تمام نرجوا الدور الثاني
ليبيا:-شفتي يا خالتي بنتك التفاول عليا بدل ما اتقولي انشاء الله بالنجاح قالت نرجوا الدور الثاني
ملاك:-من اللي جاب في السنه اللي فاتت ماده
ليبيا:-كان عندي ظروف😑
ملاك:-هه صدقت
رفيده:-ملاك ليبيا خلاص انتي وياه
ليبيا+ملاك:-سكتنا
فريده:-الاء وابتسام صبن طيبن قهوة
ورده:-ارجي نوال
فوزيه:-كان علي نوال تلقيها مزالت طريق طويله
نور:-صفاء كذا رني علي ريماس ولا نوال شوفيهن كان اقريب نرجوهن وكان مزالوا انشربوا القهوه
صفاء:-حاضر هي
ورنت على ريماس
ريماس:-هلا يا القصيره
صفاء:-اهلين شنجوم
ريماس:-تمام واللهي انتي شن جوك
صفاء:-ميه ميه قريب ولا بعيد
ريماس تسأل في احمد:-قريب ولا بعيد
احمد:-بعيد
ريماس:-بعيد واللهي
صفاء:-باهي توصلوا طيبين قتلك
ريماس:-نعم
صفاء بصوت واطي:-احمد جاي امعاكم
ريماس:-اها جاي
صفاء:-نايس سكري وسكرت
ريماس:-هبله البنت هذ
نوال:-من
ريماس:-صفاء تسال وين قاعدين
نوال:-امممم
في حوش الجد
صفاء قالتلهم انهم مطولين البنات طيبن قهوة وجن يبن يحطن الكوكيز اللي دراته صفاء
صفاء:-هي انتي وياها سيبن
الاء وابتسام انفجعن:-كنك بسم الله
صفاء:-اصبرن
صفاء خذت تبسي من الدولاب خطت فيه 8 اطروف وغلقاته ودساته
سومه(هي ابتسام) :-لمن هذا
الاء اذكرت احمد:-لي حبيب القلب من مثلاً
سومه:-احميده جاي
صفاء:-معش اتقولي احميده
الاء:-تغاري هه😉
صفاء طنشت وطلعت😒
سومه والاء:-😂😂
حطن القهوة والكوكيز وشربوا القهوة
مع قيس ال6:55 الباب يدق
فوزية:-كذا وحده منكن تصبي تفتح الباب
صفاء:-انا تو انصبي
صبت فتحت الباب
بـيــشــو2010 ✨يتبع....
شنرايكم في part1
مزلت جديده وهذي اول قصه ليا نبي دعم تمام
بـيــشــو2010 ✨
