بـيــشــو2010 ✨
الاء:-صفاء من يبي يروح بيك
صفاء:-احمد
هبه اتوشوش لي ريماس وغسق:-زعما اللي امس يصير منه
ريماس:-انشاءالله يصير
سوسن:-باهي صبي احكي لي امك
صفاء:-هيا تو انصبي
صبت صفاء ومشت للمطبخ وين مافي حنها وامها وخالاتها
صفاء:-ماما
ماما:-نعم
صفاء:-حصلت شغل
ماما:-واللهي
صفاء:-والله
ماما:-وين باهي ومكان اكويس ولالا
صفاء:-احمد قالي يبو قسم ترجمة في مستشفى امتاع عمو مراد (راجل نوال)
ماما اضبطت صفاء:-طيب فيك يابنتي حصلتي شغل اكويس
نوال(طبيبة نساء):-نورتينا في المستشفى
صفاء:-ابنورك اخويله
باركنلها خالاتها بعدها حطوا الغدا اللي هوا رز بالخلطة وعصبان وسلاطة ومسير وبعد غداء حطو فواكه وشاي والبنات لمن مواعين الغداء وخشن رقدن في العشيه وعت صفاء وصلت العصر خذت كتابها وطلعت للجنان لقت في الجنان احمد
احمد:-اهلين
صفاء مع ابتسامة:-اهلين
احمدفي سره (نعلي عليك بسمه)
صفاء:-احمد حكتلك خالتي
احمد:-على المرواحه؟
صفاء:-اها
احمد:-اها حكتلي نشربوا قهوة ونطلعوا
خش عليهم اسلام
اسلام:-خير يا حلوين
صفاء+احمد:-اهلين
اسلام:-صفاء من يبي يروح بيك
صفاء:-احمد
اسلام:-امنور واللهي فكيتني من مشوار طويل
صفاء:-تشربوا قهوة
اسلام :-ياريت والله
احمد:-عندي مشوار تو انجي
صفاء:-به
بـيــشــو2010 ✨
___________________________
في حوش فرج
فرج طلع مع اصحابه زرده وجواد قاعد في الحوش خش ادوش وطلع لبس شرت فوق الركبه ومدد روحه السرير شوي ورن تلفونه لقاها اينور(حبيبته) رد عليها
جواد:-اهلين روحي كيف حالك
اينور:-اهلين حبيبي الحمدالله كيف حالك انت
جواد:-الحمدالله وين قاعده حذاك هرجة
اينور:-عيت جدي عندنا
جواد:-باهي معناتها تو انرد عليك بعدين
اينور:-اوكي بيبي
جواد:-تبي حاجة
اينور بصو بيبي:-سلامتك يا روحي
جواد:-سلام
اينور:-سلام
بـيــشــو2010 ✨
___________________________
في حوش الجد
صفاء طيبت قهوة لي اسلام شويا ووعن البنات وباقي الشباب وخالاتي وحني شويا وجى احمد
احمد:-السلام عليكم
كلهم بي اصوات متقاطعه:-وعليكم السلام
احمد:-صفاء هي
صفاء:-اها هيا نمشي نلبس
مشت لحقتها فدوة
فدوة:-هذي فرصتك اعترفيله باهي
صفاء:-به
فدوة:-مش تقعدي فاتحه فمك فهمتي
صفاء:-خلاص فهمت
صفاء لبست وطلعت
فوزية:-مزال بدري عليش مستعجل
احمد:-لا هذك هو تو اتضلم علي
صفاء:-هيا
وطلعو ركبوا في السياره همم الاثنين ساكتين يبو يعترفوا لي بعض لاكن مش عارف شويا واحمد مسك فرينو بالقوة وطفا السياره في نص الطريق
صفاء:-هيييييييي احمد كنك
احمد:-صفاء نبي انقولك حاجة لاكن مشعارف كيف انقولها
صفاء:-احمد قول
احمد:-صفاء اناءءءءء (وغمض عيونه) انحبك
صفاء عيطت:-اييييي (وضبطت احمد وهيا مش فاطنه)واخيراً قلتها واخيراً حتى نا انحبك
احمد مستغرب من صفاء رفع يديه بشويش وحطهن علي ظهر صفاء:-حتى انتي اتحبيني
صفاء فطنت لي روحها طبست راسها:-اها انحبك من زمان
احمد مسك يدها:-حتى ما انحبك
صفاء:-اييي قولي من امتى وانت اتحبني
احمد:-من يوم ماشفتك وباس يدها
احمد درس على كافي:-تو انجي
صفاء:-باهي
شويا وجاء احمد جاب معاه قهوة وشكارة شكاليط عطاها لي صفاء
احمد:-امسكي
صفاء:-شكراً حبيبي
احمد:-مش هكي تشكريني
صفاء:-كيف نشكرك؟
احمد شير على خده
صفاء:-احمد تحشم
احمد:-على اساس انتي اللي تحشمتي امبدري
صفاء:-😒
احمد:-يلا
صفاء:-به وباساته على خده بوسه طويله
صفاء:-هكي باهي
احمد:-هكي تمام
مر الوقت شوي وصولوا لي حوش فرج
صفاء باست احمد على خده:-لما توصل كلمني
احمد:-معنديش رقمك
صفاء:-هات نعطيه رقمي
احمد:-صفاء ارجي
صفاء:-نعم
احمد:-طلع من جيبه خاتم ذهب هاكي حطيه في ايدك متسلحش لين نخطبك فاهمه
صفاء:-احمد هذا غالي منقدرش ناخذه
احمد:-ما يغلا عليك شي حبيبتي
صفاء باساته على خده:-شكراً بيبي
احمد:-العفو
صفاء:-راك تنسى اتكلمني باهي
احمد باس يدها:-به
خشت صفاء للحوش سلمت على جواد بدلت دبشها ودارت حمله على الحوش اللي فوق رن عليها احمد قاللها ان وصل ودارت العشاء لي جواد
جواد:-من في عند عيت جدي
صفاء:-خالاتك وخوال كلهم
جواد:-اممم
صفاء:-بابا امتى امروح
جواد:-كلمته امبدري قالي امروح بكره
صفاء نفخت:-اووووف
جواد:-كنك
صفاء:-انفكر شن اندير الغداء بكره
جواد:-ديري لازانيا بابا يحبها
صفاء:-صح بس معندناش المقادير
جواد:-في صبح نطلع نا وياك نشروا اللي ناقص
صفاء:-باهي خطرها مقتلكش
جواد:-شنو
صفاء:-حصلت شغل
جواد:-واللهي وين حصلتي
صفاء:-في مستشفى امتاع عمو مراد يبو قسم ترجمه
جواد:-اها نفس المستشفى اللي تشتغل فيها خالتي نوال
صفاء:-اها نفسها
جواد:-امتى تبي تبدي
صفاء:-قلت نسال ماما قبل
جواد:- اها باهي تصبحي على خير
صفاء:-وانت بخير
لميت المطبخ ورقيت لي داري دوشت ولبست شرت فوق الركب وكت وقمعزت على سريري جيت نبي نقرا الكتاب اذكرت اللي صار امبدري جاني صوت اشعار من تلفوني لقيته من احمد
في المسج
احمد:-مساء الخير
صفاء:-مساء النور
احمد:-كنتي اتفكري فيا
صفاء:-لا
احمد:-تكذبي اخرى
صفاء:-كيف عرفتني
احمد:-رني تو انقولك
صفاء:-به ورنت وقعدوا ايهدرزوا لعند الساعه3:30
صفاء تثاوب:-حبيبي نبي نرقد تصبح على خير
احمد:-وانتي بخير سلام
ورقدوا
بـيــشــو2010 ✨
___________________________
ثاني يوم في حوش فرج
الساعه11:30
جواد يواعي في صفاء عشان يمشوا للسوق
جواد:-ويفي
صفاء بصوت ناعس:-كنك جواد شن تبي
جواد:-مش تبي تمشي للسوق
صفاء:-اها هي تو انوض
جواد:-نرجا فيك لوطا اوكي
صفاء:-اوكي
نضت خشيت للحمام توضيت وصليت وادوشت ولميت داري ورنيت على احمد مردش قلت اكيده راقد لان امس رقدنا متاخر دزيتله مسج (صباح الخير حبيبي) وسكرت التلفون حطاته في الشنطة ونزلت لقت جواد لوطا
صفاء:-صباح الخير
جواد:-صباح النور هيا
صفاء:-ناخذ قهوة وانجيك
جواد:-نرجا فيك فالسيارة
صفاء:-به
خذيت قهوتي وطلعت مع جواد مشينا للسوق جبت نواقص الحوش كله
بـيــشــو2010 ✨
___________________________
في حوش مراد
وعى احمد ادوش توضى وصلى لبس تيشرت اخضر وسروال جينز اسود وكويش اسود في الابيض خذى تلفونه شاف رساله صفاء رن عليها عطاته مشغول
جاته رساله من صفاء(انا مع جواد في السياره اول ما انروح تو انرن عليك)
خذى مفاتيح السيارة ونزل لقى باته في الصاله
احمد:-صباح الخير
مراد:-صباح النور
احمد:-باتي
مراد:نعم
احمد:-حصلت قسم ترجمة في المستشفى
مراد:-لا مزال عليش تسال
احمد:-حصلتلك
مراد:-من؟
احمد:-صفاء بنت خالتي نور ادور على شغل قسم ترجمة هيا
مراد:-وهيا عندها العلم
احمد:-لما كنت عند عيت جدي كنا نحكو على شغل وعرفت ان صفاء ادور على شغل خطرت عليا المستشفى واقترحت عليها قالتلي تسال باتها قبل
مراد:-خلاص لما اتكلم باتها قوللها اتجيب ملفها للمستشفى
احمد:-يعني انت موافق
مراد:-اها موافق
احمد باس راس باته:-نا طالع اوكي
مراد:-اوكي
احمد طلع مشى للكافي طلب قهوة ورن على مؤمن وحكاله انه اعترفله
مؤمن:-وريم شن يصير فيها
احمد:-ريم تو ننهيها اليوم
مؤمن:-تبي تمشيلها
احمد:-اها تو انشوفها فيس تو فيس
مؤمن:- ادويلها توا
احمد:-باهي سكر باش نمشيلها وسكر وطلع شور عمه ايمن (بات ريم) دق الباب فتحتله ريم
ريم:-حبيبي واظبطاته شنو المفاجاة هذي
احمد حول يدين :-ريم نبي انقولك حاجة بدون لف ودوران
ريم:-بيبي شن فيه
احمد:-نحنا لازم انسيبوا
ريم:-كيف كيف يعني انسيبوا
احمد:-يعني انسيبوا انا معش نبيك
ريم:-احمد نسالك سوال جاوبني بكل صراحة
احمد:-اسالي
ريم:-في وحده في حياتك غيري
احمد:-انتي ما خشيتش حياتي اصلاً في بنت وحده بس في حياتي
ريم كسرت الطاسه اللي قدامها وقالت بعياط:-انت منافق
احمد:-به انا طالع وطلع وسيب ريم والعه فيها نار
ريم:-واللهي انوريك الله كان ما خليتك اتهنى في حياتك انت والعقرب امتاعك باهي
بـيــشــو2010 ✨
___________________________
في حوش فرج
روحوا صفاء وجواد للحوش جواد مشا لي داره يكلم في اينور وصفاء دارت حمله على الحوش اللي لوطا كله والمطبخ مع الساعه3:30 كملت حوستها ورنت على باتها قاللها نص ساعه ويوصل بدت في الغداء دارت لازانيا حطتها في الكوشة دق الباب طلع جواد يفتح في الباب لقاه باته سلم عليه وخشوا صفاء حقت باتها اضبطاته وهدرزت معاه
فرج:-شنو الغدا؟
صفاء:-لازانيا
فرج:-اوووو احسن اكله
صفاء:-تو انحطها في الكوشه وانت امشي ادوش
فرج:-هي
عدا فرج ادوش وصفاء حطت لازانيا في الكوشه ولمت حوستها ووت السفره وكلمت باتها وجواد وقمعزوا على طاولة الغداء
صفاء:-بابا
فرج:-نعم
صفاء:-حصلت شغل
فرج:-تحكي جد
صفاء:-والله
فرج:-وين؟
صفاء:-عارف مستشفى امتاع عمو مراد يبو قسم ترجمة قالي عليها احمد قتله نسال بابا ونرد عليك
فرج:-باهي مكان كويس حتى خالتك معاك اتوانسك
صفاء:-يعني وافقت
فرج:-اها وافقت
رن تلفون جواد بحت فيه بنص عين لقاها اينور صبى
جواد:-صحه
صفاء:-قمعز كول
جواد:-لا معنديش نيه عقبيلي تو ناكله بعدين
صفاء فهمت:-باهي
تغديت نا وبابا ولميت الحوسة الغداء وركبت فوق رنيت على ماما
ماما:-اهلين بنتي كيف حالك انتي وجواد
صفاء:-كويسين الحمدالله كيف حالكم انتي والبنات و خالاتي وحني
ماما:-كلنا كويسين باتك روح
صفاء:-اها روح امبدري
ماما:-كيف حاله
صفاء:-كويس قتلك
ماما:-نعم
صفاء:-حكيت لي بابا على الشغل ووافق
ماما:-باهي طيب فيك موفقه انشالله
صفاء:-انشاء الله
ليبيا خشت للصاله لقت ماما اترن على صفاء
ليبيا:-هذي صفاء
ماما:-اها
ليبيا:-ياصفاء بيش اتصوري كراسة الجغرافيا ودزيها ليا
صفاء:-باهي
ماما:-خلاص توا نبي انسكر سلميلي على باتك وجواد
صفاء:-يوصل سلميلي على الكل
ماما:-يوصل سلام
صفاء:-سلام وسكرت
بـيــشــو2010 ✨
___________________________
في حوش الجد
ماما طلعت للجنان لقت خالاتي و حني
ماما:-اتسلم عليكن صفاء
ردو عليها بي اصوات متقاطعه (سلمك وسلمها)
نوال:-شنصار حكت لي فرج
ماما:-اها قالت قالي باهي
ورده+فريده:-باهي طيب فيها
بـيــشــو2010 ✨
___________________________
في حوشنا
سكرت من ماما رنيت على احمد شوي ورد عليا
صفاء:-الو
احمد:-اهلين كيف حالك
صفاء:-بسمعت صوتك اكويسه كيف حالك انت
احمد:-بخير الحمدالله
صفاء:-وين مختفي ولا في وحده اخر تكلم فيها
احمد:-اوووو بدينا في النكد
صفاء ضحكت:-قولي وينك مختفي
احمد:-في الشغل تعرفي زوزك المستقبلي مهندس كبير
صفاء:-باهي ربي يعطيك الصحه يا زوزي المستقبل
احمد:-سلمك قتلك
صفاء:-نعم
احمد:-انا عندي شغل توا انكمل انرن عليك تمام
صفاء:-تمام سلام
احمد:-سلام وسكر
بـيــشــو2010 ✨
___________________________
