بـيــشــو2010✨
صفاء سكرت من احمد وصورت كراسة ليبيا ودزتها لها
مشيت شور بابا شربت انا وياها قهوة وهدرزنا شويا بعدها طلع بابا رنيت على فدوه وحكتلها اللي صار
فدوة:-واللهي فرحتلك
صفاء:-حتى انا فرحانه حق مقتلكش شن صار اول ما وصلنا
فدوة:-شنصار
صفاء:-طلع خاتم ذهب من جيبه وقالي متسلحش لين انجي نخطبك
فدوة:-واللي باين انه حبك من وسط قلبه
صفاء:-حتى انا حبيته من وسط قلبي
وكملت هدرزه مع فدوة وسكرت منها معا الساعه7:40 طلعت من داري لقيت جواد قاعده في المطبخ
صفاء:-جيعان
جواد:-بكللل
صفاء:-نحطلك غداك
جواد:-ياريت والله
صفاء:-هي خطرها اتسلم عليك ماما
جواد:-كلماتك شنجوهم
صفاء:-اها كلمتني كويسين
جواد:-امروحه بكره هيا
صفاء:-واللهي ما قالتلي ونا مسالتهاش
جواد:-وامتى تبي تبدي شغل
صفاء:-ييييي ذكرتني نبي انرن علي احمد انقوله انا بابا وافق
جواد:-رني باهي
صفاء:-وقت متاخر امسك كول
على خشت فرج
فرج:-السلام عليك
صفاء+جواد:- وعليكم السلام
صفاء:-بابا انحطلك تاكل
فرج كر الكرسي:-اها حطيلي
صفاء:-حاضر هي
علي رنت تلفون فرج بحت لقاه مراد رد عليها
فرج:-اوي يا شايب
مراد:-خير ياطير شحالك
فرج:-سلمحالك شحالك انت
مراد:-سلمحالك شنصار في صفاء تبي تشتغل ولالا
فرج:-تبي تشتغل اها
مراد:-خلاص بكره اتجيبلي ملفها في المستشفى
فرج:-تم تو انقولها لها اي خدمة
مراد:-سلامتك وسكر
فرج:-هذا مراد قالك بكره جيبي ملفك للمستشفى
جواد:-تو انشيلك نا
صفاء:-تمام
فرج:-ما كلمتكش امك
صفاء:-اها كلمتني امبدري اتسلم عليك
فرج:-عليك وعليها السلام امتى امروحه
صفاء:-لا مسالتهاش
رن تلفون صفاء بحتر فيه لقاتها هيا ردت عليها
صفاء:-اهلين هيوشه شجوك
هيا:-تمام واللهي شحالك انت وعمو فرح وهلك
صفاء:-كويسين الحمدالله شحال عمو خالد
هيا:-كويس بكره طيارته
صفاء:-وين مسافر
هيا:-روسيا وانا بنجي نقعد عندكم عادي
صفاء:- عادي تعالي الحوش حوشك
هيا:-عارفته حوشي
صفاء:-امتى جايه
هيا:-بعد بكره في صبح باي نعدي نوتي شنطتي
صفاء:-باي
جواد:-هذي هيا؟
صفاء:-اها
فرج:-كنها
صفاء:-قالت ان عمو خالد امسافر لي روسيا وهيا تبي اتجي تقعد عندنا
فرج:-صح صح قالها ليا خالد امبدري غير نسيت
كملو عشاهم وصفاء لمت المطبخ وسيقت الصاله وكنستها ورقت فوق مع الساعه9:00 رن عليها احمد
احمد:-خير يا دبه
صفاء:-اهلين يا الطويل
احمد:-مش نا الطويل انتي اللي قصيره😑
صفاء:-احمد
احمد:-نعم
صفاء:-بكره نبي نمشي نقدم ملفي للمستشفى
احمد:-موفقه حبيبتي
صفاء:-حبيبي نطلب منك طلب
احمد:-ادللي
صفاء:-ممكن اتقول لي باتك ياجل الشغل لي بعد بكره
احمد:-كنك ولا متنبله
صفاء:-مش قصة متنبله بس بكره مرات اتروح ماما نبي انلم الحوش
احمد:-اها باهي تو انقولها له
صفاء:-حبيبي نبي نسالم
احمد:-اسالي
صفاء:-كان عندك حبيبه من قبل
احمد ساكت
صفاء عرفت سكوته هذا انا فيه بنت من قبل جتها غصه:-ليش سكتت كان في قولي
احمد بغصه:-شن خطر عليك السوال هذا توا
صفاء:-كان فيه قولي انت اول ما اعترفتلي انا بدون تفكير اعترفتلك ووافقت اني انخش معاك في علاقه لاكن توا خطر عليا الموضوع وقلت نساله بلكي في وحده وانا جيت خربت بيناتكم
احمد:-كان فيه
صفاء خنقتها العبره تحكي بصوت واضح انها تبكي:-ليش ما قتلي وليش انا مكنتش نعرف وليش قلت للدنيا كلها اني انحبك انا ممكن اندير ايا حاجة الا ان انا انخش بين اثنين انخرب حياتهم
احمد:-انا كان فيه يعني من قبل ومش توا وانا سيبتها صدقيني انا انحبك والله كان نحسابك تو تبكي راني مدويتش بكل باهي اسمعي سكري توا وسكر فيها التلفون
عند صفاء تبكي:-انا اللي غبيه استعجلت ووافقت انا اللي غبية حكيت للدنيا كلها بدون تفكير له درجة انا رخيصه عنده سكر في وجي بدون ما يقول اي كلمة مفروض فكرت مليون مره قبل ما انوافق ليش ياربي خليتني انحبه مش انا اللي نفرق بين اثنين اكيده تدعي عليا توا
وخذت الليل كله بكاء ومرقدتش لين اذان الفجر تعوذت من الشيطان وخشت توضت وصلت قمعزت على الكنبه حنب الروشن في دارها حطت اتكت على الكنبه شافت تلفونها ولا رساله ولا رنه من احمد سكراته وقعدت اتفكر
(بـيــشــو2010✨:-تبو اتقولولي هذا كله حب صفاء تحبه حب اعمى من ايام الجامعه وهيا داسه حبها لي احمد) مع الساعه7:00
عند جواد وعى ادوش توضى وصلى طيب قهوة وعدى يشوف في صفاء دق الباب وخش
جواد:-واعيه؟
صفاء:-اها واعيه خش صباح الخير
جواد:-صباح النور
صفاء:-اليوم مش ماشيه للمستشفى
جواد:-ليش
صفاء:-مرات ماما اتروح قلت نقعد انلملها الحوش واندير الغداء
جواد:-باهي انا طالع تبي حاجة
صفاء:-سلامتك فطرت؟
جواد:-اها خذيت قهوة
صفاء:-باهي
بـيــشــو2010✨
___________________________
في حوش مراد
وعى احمد توضى وصلى وادوش لبس سروال بيج وسوريه زرقه ونزل صبح على باته
احمد:-باتي مصارش منها جيت صفاء اليوم
مراد:-كنها
احمد:-قالت مش فاضيه تو اتجي بكره
مراد:-باهي براحتها
احمد:-انا طالع تبي حاجة
مراد:-سلامتك
بـيــشــو2010✨
___________________________
حوش فرج
وعى فرج ونزل فطر وطلع للشغل اما صفاء برمت على الحوش اللي فوق وحطت الغداء على النار وبرمت على الحوش اللي لوطا مع الساعه11:00كملت حوستها وطفت على غداها ومستغربه في احمد اللي مزال مارنش عليها ولا دورها طيبت فنجان القهوة ورقت لي دارها مسكت تلفونها شويا ينفتح عليها بابا دار بالقوه
صفاء:-هييييي😱وتشوف احمد
احمد مسكها من يدها:-تعالى شويا
صفاء:-اطلق يدي وانا منش جايه معاك بكل خطاني
احمد:-باهي متجش امعايا انا اللي قاعد معاك،مشى سكر باب الدار بالمفتاح وقمعز جنب صفاء
صفاء:-شن تبي
احمد:-نبيك انتي صفاء اسمعي يشهد عليا الله اني حبيتك من وسط قلبي انا كان نحسابك تبي تزعلي راني مدويتلكش انا قلتها لكي عشان نقعد معاك صريح بعدين انا ما قلتش في وحده في قلبي غيرك قلت كان في يعني من قبل واللي فات مات
صفاء نزلن دموعها:-ليش سكرت في وجي امس ومن هيا وين تعرفت عليها وكم قعدت معاها
احمد شاف دموع صفاء قرب منها اكثر حط يده وراء ظهرها واليد الاخر على خدها ومسح دمعتها وحط راسها على صدره
احمد:-اششششش منبكش تبكي وحاضر تو انجاوبك على كل اسئلتك ريم بنت عمي ايمن قعدت معاها 3شهرر بس وسيبتها واني توا انا معاك
احمد:-هكي تصالحنا
صفاء:-لا واطلع برا وخطاني
احمد:-ليش تحاسبي فيا على حاجة صارت من قبل بعدين انا مخنتكش لنا يومين بس مع بعضنا
صفاء:-احمد خلاص اطلع
احمد:-باهي عطيني ملفك بيش نسجلك في المستشفى
صفاء:-تو نمشي بروحي شكراً
احمد:-به براحتك انا طالع
صفاء بعد ما طلع احمد فكرت في الموضوع حست روحها كبرت الموضوع واجد فقالت لما يجي مره اخرى ولا يرن تو نسامحه رنت على امها سالتها امتى جايه وقالتلها انهم جايين اليوم مع الساعه1:00 روح جواد خش لي داره يهدرز مع اينور
اينور بصوت بيبي:-حبيبي امتى اتجي تخطبني
جواد:-امي اليوم امروحه من عيت جدي لما اتروح تو ندويلها
اينور:-تمام بيبي
وكملو هدريزهم طلع جواد هدرز مع صفاء مع الساعه2:00روح فرج وحطت صفاء الغداء وتغدوا بعدها لمت حوست الغداء وركبت قيلت
عند صفاء الساعه 4:30 وعيت توضيت وصليت بحتت لي تلفوني ولا رساله من احمد او رنه تنهدت من وسط قلبي وخذيت كتابي ونزلت طيبت قهوتي وطلعت للاستراحه وقعدت نقرا في الكتاب
مع الساعه6:30 روحت ماما خشت هيا وخواتي
الاء اول ما خشت:-لوللللللللللللللللللللي
صفاء:-هذي كنه بسم الله
ماما اضبطتني:-الف مبروك يا بنتي
صفاء:-ماما شن فيه
ليبيا:-قمعزي تو نحكولك
صفاء:-هي احكوا
بـيــشــو2010✨
___________________________
انردو بزمن شويه
لما طلع احمد من حوش فرج مشى لعيت جده وكلم امه
نوال:-اهلين وليدي كيف حالك
احمد:-حمدلله يا امي كيف حالك انتي وخالاتي وحني
نوال:-كويسين في نعمه
احمد:-قتلك انا قاعد في بنغازي توا ونبي انشوفك بروحنا اول ما نوصل تطلعيلي
نوال:-باهي انشاء الله خير
احمد:-خلاص ربع ساعه وتي روحك
نوال:-حاضر هي
وسكرت بعد ربع ساعه وصل احمد خذا امه ومشى بيها للبحر
احمد:-امي نبي انقولك حاجة
نوال:-قول شن فيه
احمد مسك يدين نوال وباسهن:-انا نبي نخطب
نوال:-انا قلتها من قبل وحنقولها توا اتقولي ريم انتبرى منك
احمد:-مش ريم بعدين ريم سيبتها
نوال:-من باهي
احمد:-صفاء بنت خالتي نور
نوال حضناته:-الف مبروك يا وليدي زين ماخذيت واللهي فرحتني الحمدالله جا اليوم هذا قبل ما انموت
احمد:-بعيد السو عليك انشاءالله تحضري افراح ضناي نا
نوال:-انشاء الله
احمد:-نبي منك اتقوليها لي خالتي نبي الخطبه في اقرب وقت
نوال:-باهي هي شيلني لي حوش جدك بيش انقولها لهم
احمد:-هو هو شنو اتقوليها لهم قوليها اي خالتي بس لما تبو اديروا حاجة رسمية قولوها لهم
نوال:-احمد باهي براحتك هي شيلني
احمد:-هي
وصلها لي حوش جده نزلت نوال كلمت ماما ابروحه
ماما:-نعم
نوال:-شوفي انا نبي نطلب صفاء لي احمد
ماما استكت
نوال:-شنو شن فيه
ماما:-تبيها تعالي اطلبيها من حوش بوها مش من حوش جدها ونحنا لنا الشرف نعطوا بنتنا لي ولدكم
نوال:-يعني موافقه
ماما:-اها موافقه بس نسال بوها
نوال اضبطت ماما :-مبروك علينا
بـيــشــو2010✨
___________________________
في حوش فرج
الاء:-هضا كل اللي صار
الاء دزت رساله اي احمد(حكيتلها كل شي)
ماما:-شنو يابنتي موافقه
صفاء:-انفكر
ماما:-خوذي راحتك في التفكير ونا تو نكلم باتك بعد يروح
صفاء:-تمام وركبت لي دارها رن عليها احمد شويا وردت عليها
صفاء:-الو
احمد:-شنو موافقه يا الحلوه
صفاء:-احمد
احمد:-بيش تعرفي ان قلبي محد خشله غيرك حتى كان درت علاقه قبلك لاكن مفش وحده حبيته زيك وتجرأت وجكيت لي امي عليها صفاء صدقيني انا حبيتك ومن وسط قلبي
صفاء:-احمد نحبك والله خلاص بنقوللهم موافقه
احمد:-معناتها بكره نبدا في الحوش
صفاء:-مش مزال بدري
احمد:-لا خلاص هذك هو
وكملو هدريزهم مع بعض
بـيــشــو2010✨
___________________________
يتبع.....
