بسم الله نبدا :::
مدينة الرياض صباح يوم جديد ومشرق على بيت الجد ماجد
وعائلته
الساعه تشير إلى 5 فجرا استيقظ من نومه على صوت اذان الفجر
اتجه لدورة المياه وتوضى واتجه خارج من غرفته
صادف في طريقه عياله وأحفاده صاحين ::
الجد : صباح الخير يله على المسجد ::
الكل : صباح النور
وأثناء نزولهم من الدرج شافو امهم وجدتهم اللي
لابسه جلال الصلاة وجالسه في سجادتها تدعي ابتسمت لهم
كلهم ابتسموا له : صباح النور
الجده : هلا صباح الخير يالغالين يله رحوا لتتاخرون على المسجد
وطلعوا من عندها
بعد ماخلصت الجده من الصلاه
دخلت المطبخ وحصلت البنات وأمهاتهم في المطبخ
يجهزون الفطور
الجده : الله يعطيكم العافيه ويسعدكم
ديما : هلا يمه ليوم هيفاء اختي جايه هيه وعياله
الجده : ان شاءالله بعد العشاء جايين
يله قالوا لخادمات يجهزون الطاولات ويحطون الفطور
لحين يجون يبغون يفطرون
شهد: جهزنا كل شي صار الفطور على طاوله
عند الرجال
هم على الفطور
الجد : ماشاءالله تسلم الأيادي على الفطور مره حلو
الجده : ليوم الفطور غير من يد البنات صاحين من بدري وعندهم يوم دلع
أبو مشعل: الله يعطيهم العافيه
صالح : ليوم كلمت فيصل ومشعل جاين في نهاية الاسبوع عندهم اجازه
عبدالعزيز: مره حلو عشان نجتمع وكمان عمتي هيفاء جايه ليوم
ابوعبدالعزيز : ايوه بنستقبلها في المطار بعد العشاء
قاموا من على الفطور
وافترقوا راحوا يرتاحون
عند البنات
شهد : كانت جالسه على جوال بطفش ماتدري وش تسوي
دخلوا عليها روان وليان معاهم قهوه
ليان : عند لك مسلسل حلو اسمه حب بلاحدود
روان : وانا جابت القهوه معي
شهد : كويس جيتوا على بالي إنكم نايمين حتى كان طفشانه
ليان: حطيت لك لحين مسلسل ماراح تطفشين حنا معاك
شهد: يخليكم لي
وهم يتابعون دق الباب
شهد: تفضلوا دخلوا بيان وترف
بيان : وش تسون
ليان: نتابع مسلسل جديد اسمه حب بلا حدود
ترف : ايوه مره حلو سمعت فيه
بيان : بنتابع معاكم عاد أنا اعشق المسلسلات تركيه جوي
شهد: حياكم بس بدون صوت وجالسوا يتابعون
عند الشباب
كان صالح وعبد العزيز وسالم
جالسين على جوال
يكلمون عمهم سلمان
صالح : انتم متى جاين اشتقنا لكم
سلمان: امكن بعد اسبوعين مادري تدرون اكون مشغول في شركه في تصميم مع عمر
عبد العزيز : تصدق. ودي اتعرف على عمر هذا من كثر
ماتكلمو عنه
صالح : ليش مايجي معاكم زياره منه نتعرف عليه
سلمان: مدري اساله وارد لكم خبر امكن مايوافق
سالم : بحاول فيه وان شاءالله يوافق
نيمار: حتى فيصل ومشعل ماعاد نشوفهم
سلمان : ايوه لان عندنا شغل كثير في شركه عشان
التصميم
بس ان شاءالله اسبوعين ونكون عندكم
عبدالعزيز: ان شاءالله يجي معاكم عمر حماس
سلمان: متحمسين يشوفون عمر اكثر من عمهم
نيمار: لا حنا نحبك بس حابين نتعرف عليه
صالح : صح بعدين انت غير عندنا ماتدري شكثر حنا نحبك
سلمان: تسلمون وانا احبكم يله انا بقفل اشوفكم على خير
سالم: سلم لنا على العيال وخاصه عمر
صالح : كلنا ههههههههههههه
سلمان: أنا جاي ان شاءالله بعد اسبوعين وتفهم معاكم
يله مع سلامه
الكل :مع سلامه هههههه
في دبي عند عمر
كان جالس في الغرفه الخاصه فيه يرسم على تصميم
ويجهزه قبل العرض شوي كذا سمع صوت الباب
يدق فتح الباب
كان سلمان مشعل وفيصل
عمر : حياكم ادخلو تفضلوا
سلمان: جاين عشان نساعدك
فيصل: انا بطلب لنا الاكل
مشعل: لازم نكون هنا عشان نساعدك لان العرض التصميم باقي عليه يومين راح نجهز كل شي مع بعض
عمر : تمام خذو راحتكم انا بروح الغرفه شوي كذا جاي
مشعل: ماشاءالله بيته حلو وكبير
سلمان: ايوه اهله ماتوا تركوا له هذا البيت وشركه
مشعل: مسكين الله يعينه شوي كذا جاء عمر هم على طول سكتوا
عمر : يله تعالوا نبدا نشتغل فيه كان عمر يرسم
مشعل: ماشاءالله عليك طلعت مره حلوه رسمات راح نكسر الدنيا
فيصل : اكيد لانه رسم عمر اكيد راح ينجح في التصميم الاحذيه
سلمان : اكيد راح تفوز الشركه حقنا
الكل : ان شاءالله يارب
شوي كذا وصل طلب حقهم وجلسوا يأكلون
سلمان : اقول عمر اشرايك بعد العرض تروح
الرياض وتعرف على عائلتي ماتجلس هنا لوحدك
عمر : لا وين ما راح اجي معاكم لان عندي شغل مسافر
لندن
لكن اوعدكم قريب اجي عندكم واسوي زيارة لكم
سلمان: تمام يعني ماتقدر مره تأجل شغل حقك
فيصل: تكفي تعال معانا حتى عائلتي من زمان ودهم يتعرفون عليك
عمر: خلاص انا موافق اجي معاكم وشغل يتأجل حتى ارجع
سلمان كان فرحان وأرسال في القروب
ي عيال ترا وافق عمر جاي معانا الرياض بعد اسبوعين
في الرياض الكل كان مجتمع في المجلس
صالح : جدي لحين ارسل عمي سلمان جاين بعد اسبوعين
ومعاهم هذي المره ضيف
الجد : مين هو
عبدالعزيز: صديق عمي سلمان وصاحب الشركه اللي يشتغلون فيه
أبوصالح: ماشاءالله بينور عندنا
الجد : لازم تجهزون كل شي واكيد راح نسوي عزيمه كبيره
ابومشعل: انا عندي بجهز كل شي بحجز لنا شاليه كبير
ابو عبدالعزيز:نتساعد كل مجموعه تجهز حاجه
عشان نختصر الوقت
الكل : تمام
نيمار جالس على الجوال
جاء عنده سالم وش تسوي في الجوال
نيمار: ولاشي من اطفش اتابع في تيك توك
سالم: اشرايك نطلع انا وانت صالح وعبد العزيز
نيمار: بس وين.
سالم : نروح نتابع الفلم في فوكس سينما
نيمار:فكره حلوه
صالح : وش عندكم
نيمار:بنروح نتابع
الفلم تعالو معانا انت وعبد العزيز
عبدالعزيز: اوك تمام نروح معاكم
وطلعوا يحضرون الفلم ويسهرون برا
عند عمر طلب من الشباب ينامون عنده في صباح
يطلعون مع بعض على الشركه
——————————————
عند ديما كان في انستقرام تابع فيه بعدين شافت حساب شركة التصميم الاحذيه
شوي كذا دخلوا عليه البنات
نوف : وش تسوين ي عمتي الحلوه
ديما : جالسه على جوال تعالوا شوفو وش حصلت
شركه تصميم أحذيه مشهوره
شهد : عرفت هذي شركه يلي يشتغلون فيه عمي سلمان والباقي
رزان : صح وحتى كمان الاحذيه حقتهم مره مشهوره
ليان: اقول اشرايكم بنات نختار من هذي صور ونرسلها حق عمي سلمان يسون لنا طلب خاص
مرام: فكره حلوه بكره ارسلها في القروب
ديما: اوك تمام
روان : حماس انا اهم شي عندي الاحذيه المرتفعة
دخلت عليهم ترف
ترف : عندي لكم خبر حصري
ديما: وش هو
بيان: صاحب عمي ومشعل وفيصل جاي معاهن من دبي
بعد اسبوعين
مرام : صاحب شركة التصميم جاي عندنا ماصدق
نوف : حماااااس
كلهم ضحكوا على حماسهم
—————————————————-
استمتعوا توقعاتكم وش راح يصير في الاحداث الجاية
ابغى حماسكم وتفاعلكم اكتبوا اي شي
أنت تقرأ
جيتني صدفه يوم انا مثلك غريب مادريت ان اجمل ايامي معاك
Fantasiروايتي الاولى ✍🏻 البطل يلي فقد جميع عائلته صارت معه احداث قويه في حياته بصدفه تغير كل حياته لم يتعرف على اهل البطله من هنا تبدأ الاحداث الحلوه
