🖇️🖤مـــن أجـــل الانــتــقــام🖤🖇️

🩶🩷الفصل الرابع 🩷🩶

  ______عنــد ريم & أمير _________

ريم : اوووف ..بركا متهبلني سامط ..وزيد بركا متكدب أنا مقتلكش نحبك

أمير : ايه مقلتيش ..مي لوكان نروح دكا للهيها ونعيط نقوللهم قلتلي شكون حيامنوا انا ولا نتي

هه ..اكيد مراحش تقوليلي يامنوك كي تقوليلهم مقلتش سوغتوا مع التلعثم تاعك هدا هه ..وزيد سور واحد مراح يجي في بالوا انو واحد بعقلوا يكدب في حجة هكا

ريم : يعني تستعرف انو نتا مهبول ..واعلابيها حدير هكا !!

أمير : ميهمنيش احسبيني واش تحبي .. أنا المهم ننتاقم .. وعتابري هدا شي جزء من الانتقام

ريم : جزء !! هه تما حتا كيديرها مراحش تحبس ..يعني يادرى وقتاش يخلاص الانتقام غع

أمير : بينا هدا مهوش انتقام هه ..هدا والي ابيبي
...جا رايح

شداتوا ريم زربا من يدوا وهو دار ليها

ريم : مراحش تروح ديرها صح ؟

أمير قعد يشوف في يدوا و في حالة ريم هه

أمير : معليش تتلقيني

ريم نتابهت ليدها حشمت ..

كي جات تتلقوا لقات انو الڨوغمات تعها (إسوارتها) حصلت مع حوايجوا

تخازروا ريم و أمير ..

أمير تنهد وقال : كملت ..

ريم وهي حشمااانة : اااه ياربي ..وجه التبهدايل أنا .هدا واش خصني

أمير : نتي صح مهبولة ..معامن اكي تهظري اطفلة!!

زادت شافت فيه مقلقة : مع روحي اووف ..واش دخلك

أمير : هه عمري مشفت وحدة كيفك تهدر مع روحها بصوت عالي ..

ريم : "راك شفت
عاودت هبطت وجها وهي تسيي تنحي الڨوغمات مي لكترة كانت ملبكة و مقلقة قريب قطعتها ..

أمير قعد غير يشوف فيها وسوغتوا كي تطابس شعرها يهبط وهي مسكينة متشوفش مليح هه

أمير بهدوء : أسناي ..راكي مقلقة هكاك حتقطعيها ..اصبري نسيي نحيها انا

ريم بحركة فجائية نحاتلوا يدوا من فوق يدها : بعدني ..

أمير : اصبري ..مديريش هكاك دك تقطعيها ..

ريم : مدخلكش ..

بدا يتبسم أمير لحالتها العصبية

أمير : صحا معليش ..خليني نعاونك

ريم بتقلاق : متعاونش ..اخطيني برك

أمير: هه كيفاه نخطيك وانا تني حاصل معاك

ريم : اووف

قعدت غير تسيي تبعد شعرها وفي نفس الوقت تسيي تفتح الڨوغمات