🖇️🖤مـــن أجـــل الانــتــقــام🖤🖇️

🩷🩶الفصل الثاني 🩶🩷

الكلمات القاسية لي غاودة فكرتها هي شكون ..وهو شكون ..ووين راهي ..و في أي وضع راهي واقفة ..

"...كتر من واش تسحقي.."

..العبارة القاسية لي قد تبدو بسيطة لإنسان وحداخر ..او عادية بنسبة لأمير ولاكنها تعنيلها الكثير ..خطرش تفكرها ببزاف عفايس وحدوخرين ..لي يفتحولها باب الموجعات ...

هنا ريم مقدرتش تزيد تشد .. وطرطقت بلبكى ..

بنسبة لميس  كي جات تجري مور صحبتها وهي شدت لحوايج لي كانو شدينهم  صونات  إندارات السرقة لي مخلصتهمش فإظطرت تولي للداخل وتخلص وفي زهرها الكارت محبتش تمشي وقعدت غير تسيي وتعاود  ..

وعلابيها مشافتش صحبتها كي كانت تبكي

ولا أمير  قعد مشوكي من ريم واش بيها ..وواش صرالها ..زعما كشما راه يوجعها ..ولا كشما غلط وقاللها ..مفهم والو ..حتى انو مفهمش واش بيه اصلا ..علاش راه خايف عليها ..علاش راه قلبوا يوجعوا عليها .. هو أصلا كان يحس بحجة بيزاغ خلاتو رغم عنوا يهدر معاها بلطف ..وسيا يقنع روحوا أنو ملامحها البريئة ولكيوت هوما السبب لي راه يخليه ينجدب ليها ..

بردة فعل سريعة قاللها بصوت خايف عليها وكأنوا : ريم ..!! راكي مليحة ,؟ كشما راه يوجعك ..!! تحبي نجيبلك الماء  قولي ؟!

ريم حست من طريقة كلاموا انو راه يشفق عليها ويسخر منها بدات تبكي وتعيط ..

ريم : بعد ..أخطيني ..اخطيني ..منسحق والو ..متهدرش معايا ..(كانت تهدر وتبكي وزيد  تخبط فيه وفي روحها وبدات تزيد حالتها وتدخل في حالة هستيرية ..)
غع نتو هكا ..غع هكا ..غع تكرهوني ..بعدني ..بردت ..فرحت ..شفتني نبكي اا..شفتني تحطمت ..(تخبط في روحها ).. انا مشي قوية ..*شهقة*

أمير  حس قلبو راح يطيح من حالتها ..يعني اي واحد في مكانوا يتخلع ..اكيد مشي بسبة حجة اخرى صح..(يقنع روحوا 🥲)

أمير بتلعثم : ريم ..ريم ..اصبري ..خلاص ..ريم ..
ملقى ميدير كيفاه يحبسها حتى لقا روحوا جبدها لعندوا باش تهدى ..وهو غير عنقها هكاك حس بواحد  لاماس ضربة فيه مفهم والو ..

ريم وكأنو هداك واش كانت تسحق ..شبكت فيه وقعدت تبكي وهي بروحها مهيش فهما واش بيها وقعدت تخمم ..وقتاش كانت أخر مرة عنقها فيها شخص وبهدا العناق الصادق

الحضن الحقيقي ..مشي مجاملات ..غير صحبتها لميس ..؟!

     ____عند لميس ____

خرجت ملحانوت وانا مقلقة لاكارت فجئة ولات متمشيش مفهمتش علاه ..تفكرت ريم وانو كانت راحت عند هداك السامط رحت نجري وانا نخمم في المشكل لجديد لي نكون درتوا .. وغير وصلت تشوكيت ..!!

لقيت ريم في حالة لا يرثى لهى ..من ملامحها وحالة شعرها تبان كانت تبكي وصدقوني لي شوكاني كتر أنو  هداك المتعجرف لي نسيت حتى أسموا ..المهم تفكرتوه ياخ هداك لحمار لي ضاربة معاه ريم المرة لي فاتت هداك لي حاسب روحوا مي** كان معاها ..لالا وزيد معنقها ..!