🖇️🖤مـــن أجـــل الانــتــقــام🖤🖇️

🩶🩷الفصل الأول 🩷🩶

أمير بتقلاق :اوووف كرهت

عصام بهدوء يسي يهدي فيه : خلاص اسكت علينا دك نفروها

أمير  بعياط :كيفاه هذا واحد كما هو جاي يتشوكر عليا ياو لوكان مشي انا متمشيلوش غع الخدمة ويهدر .. انا نسحق دراهمي

عصام ببرود :خلاص ياخو ..هيا خطيك منو ،، ايا نروحوا للقهوة نريحو شوية وتشرب قهوة تقعد راسك .. واش،  واش قلت فيها ..

أمير بتنهد وستياء :اوووف امشي ..

💥في جهة اخرى 💥

مرام بشمئزاز : اعلابالك تقلقت في بلاصتك ..نوضي تحركي شوية ..اخرجي يضربك لهوى حتتعفني هنايا

ريم بشغب : ايهييه واش نخرج ندير .. خليني هنا راني مليحة

مرام بنفاد صبر : كيفاه هذا  لبنات غع يخرجو يحوسو يشرو غير نتي مفهمتش علاش هكا قاعدا غير حاصلة في دار اخرجي نتي و لميس شوية سبحان الله اخرجي تضربك شوية شمس ..

ريم بإستياء : ايي ماما الناس كي يخرجوا علاه ..يخرجو باش يشرو ..باش يهدرو مع الانس والجن ..باش يقضو شغالاتهم ..وانا علااه

مرام بعياط ولهجة الأم الجزائرية المشهورة 😂 :

جن يضربك ان شاء الله.. قالو يخرجو يهدرو مع الانس والجن قال شوف انا كيفاش نهدر وهي واش تهدر طيري عليا طيري

ريم بضحك : ههه وعلاااه واش درت 😀

مرام وهي خارجة من بيت ريم : اصلا انا لغبية لي جبت طفلة كيفك صحاباتي غع عندهم بنات الله الله يرفعوا الراس ويضلوا يحكوا عليهم كي نتلموا وانا كلي مربية قط فدار ..القط خير منك (خبطت الباب وراحت وهي تكمل جملتها بعياط)

غير خرجت تغير وجه ريم الضاحك الى عابس وقالت بتنهد وعلى شكل تمتمة: اصلا اني نشوف كيفاش خممتي فيا ..كل همك هو صحاباتك ...

بعد مدة من الوقت كانت ريم قاعدت فوق الجعلولة المعلقة. في بيتها لي جيا  شكل الدائري و فيها فراش ملداخل .. قعدا فوقها و ربعت رجليها وحطت غطا خفيفة فوقها  ..

كانت لابسة سروال بيجامة بلون زرق بارد وتريكو تاعو  بلى يدين من جيهة فيها شغل بروتال ومن جيهة تبين نصف رقبتها  فبانوا علامات جمالها ولي هوما العضام البارزة و كان  من نفس  لون السروال وجاي كلاص يعني حجة. شبة وكانت تلقى شعرها وديرى برك خصلات منوا على شكل طوماطيشة فنص ..

كانت تجعلل في روحها وهي تتبسم كي لحمارة وحدها   مع تلفون ..لا والو بالاكوا تحسبوا صاحب "ولا هه ..هدي راهي برك تقرى واحد من روايات لي تحبهم وراهي عيشا دور هه"

قاطعها صوت التلفون كي صونا

ريم: واش تسحقي بقرة حبستني في واحد الللقطة حنقتلك البطل كان حيعترف للبطلة 🥲