هكذا هي الدنيا

البارت(٢)

بسم لله نبدأ:
نروح صوب بيت بطلنا بعد رجوعه من الشغل مُتعب ومُنهك دخل البيت : سلامُ عليكم ورحمة الله وبركاته وراح يبوس راس تميم
تميم : وعليكم السلام ورحمة الله وبركاته حبتك العافية
زيد بإبتسامة : الله يعافيك هاه يالغالي طمني عنك عساك بخير وعافية
تميم : وانا أبوك الحمدلله على كل حال مثل ماتحب
زيد : الله يعطيك الصحة والعافية بغيت شي قبل لا ادخل !
تميم بهدوء: امين يارب ماششش بس سلامتك لكن ي ولدي مثل ماتعرف مابقى من العمر كثر ما راح وحدك تعرف حالي ومالنا حد فالبيت غيرك شرايك وانا أبوك تكمل نص دينك
زيد : الله يطول بعمرك يارب يبوي أنا ما افكر في الزواج الحيين وافا عليك أنا ما مكفي ولا ايش
تميم :طيييب لا تحرمني أشوف عيالك قبل لا ربي ياخذ أمانتي ابد مكفي وموفي لكن البيت من دون حرمة ولا شي وانا أبوك
زيد : بتشوفهم ان شاء الله ولك طولة العمر يارب وبمزح شرايك تجيب لي ام
تميم : يا ولدي ويني وين الزواج أنا شايب ومستحيل اخذ من بعد الغاليه حد غيرها ربي يرحمها
زيد : امين يارب
تميم : عموما فكر بالموضوع عشاني وانا ابووووك
زيد واهو يبوس راسه : حاضر يالغالي تآمر على شي ثاني
تميم : سلامتك وانا أبوك الله يحفظك عموما صل استخارة وعطني رايك والله انها بنت محمد ماعليها كلام ماشاء الله أخلاق وكل شي
زيد بتسائل: منهي ذي بعد
تميم : بنت عمك محمد ميثاء وحيدة ام وأبوها
زيد : اهاا ماشاء الله يلا استأذن تعبان بروح ارتاح وان احتجت شي يالغالي نادي علييي قريب منك أنا
تميم : ان شاء الله
عند زيد بعد ما وصل غرفته بتسائل : ليييه بالذات ميثاء يالغالي يلا معليه استخير واشوف وين الخيرة لي من بعد ما توضا لصلاة فرشت السجادة وصلى ركعتين وبدأ بدعاء الاستخارة
"اللهم اني أستخيرك بعلمك واستقدرك بقدرتك واسألك من فضلك العظيم فإنك تقدر ولا اقدر وتعلم ولا اعلم وانت علام الغيوب اللهم ان كنت تعلم ان هذا الامر الزواج من فلانة خيرٌ لي في ديني ومعاشي وعاقبة امري فاقدره لي وإن كنت تعلم ان هذا الامر الزواج من فلانه شر لي في ديني ومعاشي وعاقبة امري فاصرفه عني واصرفني عنه وأقدر لي الخير حيث كان ثم رضني به"
وقرا ما تيسر من القران وحس براحة فضيعة وقرر اليوم الي بعده يفاتح أبوه بالموضوع
نروح فالشركة بالتحديد عند خلفان
خلفان : هلا بوي انتِ طمنيني عنك هذا وانا قلت بنتي حبيبتي بتفتقدني ولكن أشوف العكس
هند : اهلين يعيون بنتك الحمدلله يسرك الحال وانت يالغالي افا عليك  محشوم والله البيت بدونك ولا شييي ما حنيت ترجع ليي يعني!!
خلفان بضحكة: بخير دامك بخير والله مشتاق وكثيييير
بعد لكن الشغل وانا أبوك اشغلني عنك ولكن وعد بإذن لله تعالى اتفضى لك يوم كامل واسحب على الشغل بكبره اهم شي بنتي وعيوني وكل شي بالنسبة لي تكون مرتاحة ولا تشل في خاطرها على أبوها
هند بإبتسامة : اجل يالغالي تبدي الشغل على بنتك هاااه أنا زعلت لا تكلمني خلاص ياسلام يوووم كامل ل هند مع أبوها خلفان الله تحمست احسس
خلفان بقهقهة : يابنتي حشى والله محشومة لكن وحدك تعرفي افا  يهووون تزعلي من أبوك ايييه انتِ آمري بسسس تدللي يعيوووون خلفان
هند بسعادة لا توصف : ماتهوووون يالغالي مشكلتي مقدر عنك يوم بس فما بالك ازعل يوم كامل اموت مكاني الإ اقول يبوي شرايك توظفني عندك بالشركة جالسه هِنا بالبيت وحدي لا شغل ولا مشغلة حتى ميري ما ترضى اساعدهااا
خلفان : يابنتي شتبي بالمقاولات وعوار الراس خليك مرتاحة وبعدين مثل ما تعرفي شركتي اغلبهااا من الأهل شتبيهم يقولوا عنييي يشغل بنته عنده فالشركة وكانت رجال لا والله مارضى حد يتكلم عليك بالشينة
هند بزعل : ابوي معليك من كلام الناس يتكلموا اليوم ويسكتوا باكر أنا ما عليي منهم دام ابوي راضي علييي أنا سعيده جدا ودامه ما راضي ابدي رضاه مقابل سعادتي
خلفان وبنته كل يوم تكبر في عينه اكثر وأكثر : والله وانا ابوووك يشهد الله اني راضي ويلي فالشركة مثل عيالي وزود ومن جهتهم متطمن محد يقدر يأذيك وانا على هالدنيا حي ارزق
هند بحماس الدنيا كلههه: اجل يبوي من باكر وانا عندك فالشركة راضية حتى أصير سكرتيره لك
خلفان بقهقهة على حماس بنته : يابنتي ليييه مستعجله من الأسبوع الجاي تداومي نضبط لك مكتب يليق بمقامك هذا وانتِ بنت المقاول خلفان بن فلان الفلاني
هند : عادي يبوي لا تقتل حماسييي ونعم والله والله اني فخورة عندي اب مثلك يحظيييي بسسس
خلفان بروقان : الله كل هذا عشاني بوضفك عندي خلصتي علينا الكلام الحلووو
هند بنبره زعل : ابوووووووووي!!! على أساس انيييي يعني دايم مب ادلعك شراتتتت كذا !!
خلفان : امزح يبنتي وياك يلا بقفل  عنك تآمري على شييي
هند: ادري يالغالي ابد سلامتك بس وانتبه عع الطريق
خلفان : ان شاء الله في أمان الله
انتهى الخط....
نروح عند هند من الحماس يالسه تنتظر أبوها يجي قاطعها صوت الجرس وراحت ركض تفتح الباب
هند بدون تركيز : ابوي!
سالم : هلا والله ببنت العم
هند بصدمة : ايش تريد وشو جايبنك هِنا!!!
سالم : افا يابنت العم هذا استقبال لضيف خسارة تربية عمي خلفان فيك
هند: عندك مانع!! وبعدين ابوي رباني احسن تربية والحمدلله رباني ماادرعم بيوت الناس ورجال البيت مب موجود رباني اني احترم الي قدامي حتى ولو الي قدامي مايستاهل ذرة احترام
سالم : مقبوله منك بنت العم
هند : اوووف منكككك ممكن تتفضل برع ابوي مب موجود
سالم : طيب أنا ما جيت عشان عمي خلفان جيت عشانك انتِ
هند: سلامات مضيع ولا ايش ولييه ان شاء الله جيت عندي منو أنا أختك ولا أمك لا سمح الله !!!
سالم : ممكن زوجة المستقبل
هند : يخسي والله لو انك آخر حبه
سالم : نشووووف عموما أنا رايح وخبري عمي خلفان اني وصلت لين البيت وما حصلته
هند بإستهزاء : واضح جيت عشان ابوي اطلع دام النفس عليك طيبة
سالم : مع السلامة
هند : اوففففف منههه يخسيي والله والي يقهر انه واثق انه له
قاطع سرحانها دخول أبوها
خلفان : يا هلا بعيون أبوها
هند : سم يعيون بنتك
خلفان : مالك سرحانه ب شنو تفكري
هند بتوتر واضح : هاهه ولا شيييي يبوي لا تحاتي
خلفان : كأني لمحت سالم ولد اخوي هنا ولا أنا مخرف
هند : ايييي قبل شوي طلع جأ يدورك وما حصلك
خلفان بتسائل: هذا شنو جايبه
هند: مدري فيههه خله على صووووب الحييين وهاااه كيف الشغل وياك اليوم عسى بس ما تعبت وبعدين لا حق على سالم وامثاله الحين ما ابي شيييي يعكر جونا وبحماس تدري عاد ابوي انتظر ذي الجلسة من الصباح اشتقت لك
خلفان : طيب طيب الحمدلله صحيح انه تعب لكن يهوون عشانك انتِ ياحبيبتي والله بنتي وانا اشتقت لك كثيييير
هند بعناد: أنا اكثر
خلفان : لا تتحديني أنا قلت
هند بضحكة : خلاص ابوي هالمرة فزت عليي
خلفان بقهقهة: يووووه وليسطر التاريخ ولأول مرة تتنازل الآنسة هند عن هياطها
هند: افا يبوي ما اتفقنا كذا
خلفان : امزح وياك
هند: ادري اجل يبه مااطول عليك روح ارتاح ولاحق على لعياني وهياطي على قولك
خلفان : انتِ راحتي يبنتي يلا استودعك الله التي لا تضيع ودائعة
هند: احن عبارة ممكن تمر على الشخص
خلفان : شكلك حالفه ما تخليني انام
هند: الإ والله جد الحين روح بسكر بوزي لين توصل الغرفة
خلفان وهو يضحك على برائتها وفيها طفوليه من طبيعية
————-
نكمل بالبارت الياي
—————
تفاعلوا بالنجمة ⭐️
ولا تنسوا الكومنت
————