الخياله اجوان وخيالها 🐴✨

17

اجوان قربت صارت تضرب على ضهره بخوف : معاذ معاذ بسم الله خذ نفس
معاذ رفع راسها عشان ياخذ نفس
شويات وطالع فيها هي ماكانت منتبه خايفه عليه
كانتتت جميلهه بمعنى الكلمه لابسهه الفستان الاسود اللي اختاره لها شوشو فيها بشعرها البني والفستان اللي طالعهه تاخذذذ العقل فيه
اجوان انتبهت حست على نفسها وأنها مو لابسه عبايتها بعدت عنه وتبي تطلع مشت بسرعه
بس مسك يدها معاذ
انصدمت اجوان
معاذ بتوتر : اجوان مابي غيرك شريكت حياتي
اجوان توترت وتبي تهرب : ا  بتملك  بعد شوي كيف لو سمحت بعد بطلع
معاذ طالع فيها : بس انا مابي غيرك
اجوان تحاول تخبي دمعتها : بعد شوي
معاذ : اجوان بس بسألك سوأل لو اتقدم لك بتوافقين
اجوان خافت : هاه بعد بعد البنت تستناك
بعدت يدها وطلعت بسرعه
معاذ اخذ نفس وطلع للرجال جلس
أنا اجوان اللي نزلت دموعها على طول : ذا كيف يقول كذا وهو بيملك بس شوي
دخلت الحمام (تكرمون )
تعدل الميكب حقها

عند البنات اللي كانو يصورون ويستهبلون مع بعض
ملاك : بنات تكفون ابي وحده تجيب الإضاءة بسياره معاذ اخذها اخوي وخلها ويقول مافيه احد
العنود: طيب ليه ماتروحين انتي
ملاك : جدتي تبيني اسوي لها شي مادري تناديني
لين وقفت : تمام بجيبها أنا وميلاذ بالأساس كانا نبي نطلع نصور
ملاك ابتسمت : تمام ياروحيي يسلموو
لين ابتسمت لها
طلعو هي وميلاذ اللي كاننوو. جميلات مرهه وكشختهم تاخذ العقل
كانت لين لابسه فستان بينك لي نص الركبه  ومسويه شعرها ويفي وكانت تاخذ العقل
و ميلاذ لابسه فستان اصفر قصير ولاكن كانن طالع يجنن عليها مسويه تان وشعرها مسويته كيرلي
( اذا قدرت بحط اخر البارت اشكال البنات )
طلعو للسياره اللي كان موقفينها داخل
كانو يسولفون ويمشن وصلو للسياره وكانت الإضاءة قويه جنب السياره
لين بحماس: مميمي اشرايك نصور هنا الإضاءة قويه حلوهه مره
ميلاذ ابتسمت: ايوهه مره حلو تمم
بدو يصورون ويسوون حركات عشوائيه
ميلاذ: لولي تعالي هنا بصورك صوره
لين : تم جيت

كله تحت أنظارهم كانووو فعلا منصدمين

لين : خلاص اشرياك ناخذ اغراض ملاكي ونرجع
ميلاذ:  تم
قربو من السياره
فتحت الباب
انصدمت
من اللي كانوو مشوشين فيها
لين بعصابيه بعدت بسرعه : وجعع نزلل عيونك لا
تطالع
محمد ومشاري اللي كانو مشوشين ولا حسين بنفسهم
محمد: هاه وش
قربت لين : وجعع وضربه كف من الصدمه اللي فيها
ميلاذ: وجع ماتستحون تطالعون
وطلعو يركضون خافو كيف ذول طلعو قدامهم
وللا منصدمين مشاري ومحمد
محمد اللي حاط يده ماكن الكف : يمه ذول منين طلعو
مشاري طالع فيه وطاح يضحك
محمد عطاه نظره
مشاري اللي للان يضحك : بنت تضربك كف أجل تستاهل اخخخ بردتت حرتييي
محمد اللي كان مشوش ذي لين ماغيرها سبحان الله صصايره صاروخ جوييي افف والله ماخليهاا لأحد ثاني طلع ب مشاري : تدرين ذول مين
مشاري اللي كان نفس حالتة محمد
كانن طايحح على وجهه من بعد ماطاح في وجهها قبل سنتين وهو يعشقها : اتوقع بنات عماني
محمد: اي ادري بس تتذكر من كان يوم كانا اطفال كنت اقولك فيه وحده عاجبتنيي وان شاء الله اتزوجها شفتها اليوم وان شاء الله بكرا واكون عند ابوها
مشاري خاف أنه يكون نفس البنت اللي حابها حط يده على قلبه
: اي وحده
محمد ضحك : مع أن شفت احرمي المستقبليه بس ماقدر اخبي  عليك اللي لابسه وردي
فارس : الحمدلله ياربي
محمد : وش فيك وجع
فارس : لا بس خفت تطلع اللي احبها
محمد بغمزه : اوهه حب وحركات
فارس ضحك:  عساس انك طالع منها
محمد وهو يضحك : محد طالع منها بس قم قم لا يجي جدي يهبدنا انا وأنت

الكل جاء وأهل العروس
دخل المملك
والكل جالس سلم وجلس
الشيخ : اي وين معاذ و زياد 
اشر الجد عليهم
: هذولا هم
وقف معاذ بقوه طالع بالشيخ : إسف ولاكن بس زياد وانا ماني ملك ولا بتزوج
الكل أنصدم
الجد  بعصبيه : معااذ تعال برا بكلمك
طلع معه
الجد على كيفك تكنسل هو
معاذ: اسف ياجد ولاكن ماقدر مابيها مابيها ولا ابي اضلمها معي من الاخير بعطيك ايها وانا ابي وحده ثانيه
الجد بعصبيه : مين البنتت ذي
معاذ: اجوان بنت عمي خالد ابيها وميني صغير ابغاها

الجد ماقدر يقول شي لانه عاجبه دخل المجلس
: أعتذر منكم ولاكن ماني غاصب ولدي معاذ ولايبي يظلم بتنكم معه وهذا افضل حل اتمنى منكم ماتزعلون
ابو ساره : كيف يابو عبد الرحمن بنتي متجهزه وجالسه تستناكم
الجد : والله يا ابو ساره مابي نظلم البنت والولد يبي بنت عمه
طلع ابو ساره واخوانها واتصل. على ساره وامها
وركبو السياره وساره معصبه ومنقهره منتحلفه فيهم

الجد كلم خالد وقاله وطلع يقول ل خلود و اجوان ياخذ موافقتهم
وزياد و روح كتبو الكتاب ووقعو
ودخل زياد الغرفه وكانت روح جالسه منزله راسها قرب منها وباس راسها : مبروك لنا ماقدر اوصف فرحتي حبيبت طفولتي صارت زوجتي
خجللانه روح ولا ردت بس قالت : الله يبارك فيك
لبسها الدبله وطلع
والكل كان مصدوم من معاذ

الجد : اي ياخالد ترا البنت تبي تملك اليوم
خالد: والله مادري يبه تبي تفكر
الجد:  نادها لي بتكلم معها
راح خالد ونادها
جت : لبيه ياجد
هي كانت مصدومههه مرههه من اللي صاررر
ومعاذ كيف خطبهاا وبنفس الوقت خايفه من الزواج
الجد أبتسم لها   : لباك هاه يابنتي وش قلتي عن معاذ
اجوان والله مادري
الجد : توكلي على الله وصدقيني مراح تلقين نفس معاذ وضحك طلع الولد يحبك ويبيك
اجوان خجلت : والله مادري انت وش تقول
الجد : الرأي رايك ولاكن عني أنا أقول توافقين ومعاذ مافيها زيه
اجوان بخجل : الراي رايك
الجد أبتسم : نقدر نبارك
اجوان ابتسمت
معاذ لما قالو له حقيقييي طااررر من الفرحه حس ودههه يوقمم يرقص ولاكن مايقدر قدام جده
ملكو ولاكن رفضت الشوفه
بالأساس شافها وحست أنه احسن أنها ماتطلع
بعد مالك راح ورقصو واستانسوو والكل بدل وتفقو البنات أنهم يجلسون أمام المسبح و العنود توي لهمV60 ويكلون باقي الحلا اللي باقي من الملكه

جلسو يسولفون ويتهبلون ويلعبون جاكوو كلهم
كانت الساعه تقريبا 2:10
وقفت اجوان زعلت لأن غشو : دزو بروح اتمشى
لين غمزت : تتمشين ولا تشوفين الحب ؟
ضحكوو البنات
اجوان بزعل : ايوه وش عليكم
ضحكو عليها درو أنها زعلانه

طلعت وراحت تتمشى تتمشى بالحوش فجأه تشوف بنتين قدامها كانت مفكره من البنات
تقدموو لها
: على بالك بتزوجينه ؟
:لا يحماره هي خلاص هي ملكت بس على بالك بتعيشن
: اها استوعبت ماعليش ديما ههههههههههههههه
ديما: ماعليك عادي حبي ساره المفروض يكون زوجك بس يلا ماعليه مابنخليه يتهنى
قربت ساره وخنقت اجوان اللي كانت للان مصدومه موفاهم شي : هيه خير بعدي وجع
قربت منها ديما : اهخخ اخيرررراااا بنتقم منك مع اني بعدتك أن المدينه بكبرها وبعدتيني عن امي وحبيبي و بعد ذا اللي تبين تتزوجينه
سحبت السكين بلحظه طعنتها ببطنها
اجوان صرختتت بصوتت عالييي

_____________________________________
انتهى البارت أن شاءالله تعجبكم أسفه اذا يوجد أخطأ إملائية 🌷