احببتها بالصدفة

الفصل الاول

بسم الله

تشرق الشمس وتنير اراضى مصر الحبيبه نذهب الى غرفة هذه الفتاه التى تنام على هذا الفراش المحب لها(ومش هنقول بقا نائمه كلملاك وتفتح عيونها الزرقاء مثل السماء وذات الشعر الاشقر الناعم والبياض الناصع بطلتنا غير يابا)
تنام هذه الفتاة بوضعيه غريبه حيث تنام ساق على الارض وساق على السرير وشعرها المشعث 
فى هذا الوقت يصدح صوت المنبه الخاص بها ولاكن لا حياة لمن تنادى
تدخل الام التى تدعى هناء
هناء : قومى يابت كل ده ومش سامعة ام المنبه الى صحى البيت كولته اعمل ايه مانتى نايمه زى البقرة الحلوب قومى يابت
ولاكن هذه الفتاة لم تجب
هناء: ماشى انا هعرف اتصرف ازاى
ذهبت هناء الى المطبخ وخرجت بزجاجه من الماء
وتسكب الزجاجه فوق ابنتها
التى تدعى زينة
: بغرق بغرق الحقونى
هناء: انتى مش بتصحى والمنبه صحى الجيران وانتى لسه مصحتيش ياختى
هناء: مالك ياهنون متعصبه ليه كده بقا القمر ده يتعصب ولا فيه ام تصحى بتها فلزة كبدها كده والله عيب عليكى اهئ اهئ
هناء؛ هايل يافنانة ترانى قد تاثرت مشى يابت ال......ب من هنا
زينة: طب والله اقول للحج اه
هناء: مش لما تشوفى الساعه كام الساعه بقت ٨ وتلت ياختى
زينة: يا ختى يانهار ملوش ام ملامح المحاضره الساعه تسعه
زينة وهى بتجرى الحمام
هناء؛  صبرنى يارب على مبتلانى
خرجت هناء لتضع الطعام
خرجت زينة من الاوضة وهى ترتدى دريس اسود يوجد به نقوش كشمير وحجاب كشمير.
زينة : مسا مسا عليك ياحج يالى مشرفنا ورفع راسنا
الحج محمد والد زينة
محمد: عايزه يابت
زينة : اله قولى احلويت النهارده كدة ليه وشك ولا القمر
محمد : عايزه ايه من الاخر كده
زينة: احبك وانت فاهمنى كده
عايزة ٢٠٠جنيه اروح الكلية وهنزل انا وصحابى بعد الكليه نتمشى ونشبرق على نفسنا كده
محمد: ماتقولى من الصبح بدل الف والدوران خدى
زينة:  تشكر ياحجوج
محمد: استنى اخوكى يوصلك
زينة : لا سيبك منة دا عيل غتت ولسه متعركين. امبارح
احمد من ورها: بقا احمد محمد عز الدين بجلالة قدره يتقاله من حتت بت مقمله غتت
زينة: ولا انا مش طايقه خلقتك بتعكر مزاجى
احمد : بقا انا الى كنت جاى اصالحك وجيبلك علبت شوكولاته  يالله مش من نصيبك
زينة: حبيب هارتى وانا قول بحب اخويا كده ليه
احمد: ماديه حقيره
هناء من الطبخ: اتاخرتى يابت
زينة وهى بتبص فى الساعه :يالههوتى ياخرابى ياجزميتى ياشاربى
زينه: يا احمد ياحبيبى وصلنى ينوبك صواب 
احمد : يالله تعالى عالله يتمر
زينة: ربنا يرزقك ويطعمك ما يحرمك الهى تنستر
احمد بضحك: بتشحتى
وصلها احمد الى الكليه
باااااااااااس( اعرفكوا نفسى كده بالصلاتوا على النبى كده ومعاكم المعلمه زينة محمد عز الدين طالبه فى كلية تجارة انجلش فى سنه اولى اكمنى لسه صغيره وطعومه عندى ١٩ سنة عيونى واسعة ولونها بنى بشريتى برنزية مش بيضه ولاسمرة شعرى اسود وناعم وطويل ملامحى صغيره قوامى ممشوق مزة يعنى اصل انا مش بحب اتكلم عن نفسى كتير وآخيرا محجبه ومش رغايه خلاص تعرفوا عنى كده دا انا هاديه وكويت وبخاف من خيالى )" كدابة قوى البنت دى"
( احمد محمد عز الدين اخو زينة بيحب الهزار بس وقت الجد جد ظابط برتبة رائد طويل عنده عضلات عينه عسلى اسمر وشعره بنى ٣٠سنةبس قمر)
زينة : مع السلامه ياحوده بقولك ايه انت رايح فين
احمد: هتفسح ايه الغباء ده رايح المركز جتها داهيه الى عايزة خلف زيك
زينة: بقا كده  ماشى يااحمد الكلب غور
ذهب احمد وذهبت زينة  الى المدرج
ريم: لسه بدرى ياختى كنتى اتاخرى شويه
زينة: في اى يابت مالك انتى وهى
زينب: بقولك ايه احنا قاعدين بقلنا كتير مستنينك ياختى
زينة: الله يابت صلتح ملطح متتلمى يابت
ريم: يخربيت شطانك يالله ياختى انتى وهى المحاضرة ضاعت علينا تعالوا نقعد فى  كافيه
زينة : بلاها تعليم من لله قاسم امين الى طالب بتعليم المرءة
زينب: انا مش عرفه والله حد كان اشتكالوا
ذهبوا الى الكافيه
زينة : هتطلبوا ايه
ريم : مانجا
زينب: كباتشينوا
زينة: بصوا بقا انا طلبت انتوا تحاسبوا يبقا انا كدة الى عزماكوا
زينب: يا شيخه اتنيلى جتك القرف
وعندما كانوا يتحدثون جاء اليهم
رجل هذا الرجل هو آسر المنياوى
زينة' : وجه البومه جه
ريم: يخربيت سمجتك
آسر وهو يوجه كلامه لزينة: القمر منفضلى ليه
زينة: قمر اما يلهفك يابعيد عايز ايه يلا
آسر: عايزك تحنى عليا يا قمر
زينة: اتظبط يلا بدل موريك هعمل فيك ايه
آسر هتعملى ايه يابت انتى يعنى
زينة: زى الى قبلك يروح امك
نزلت فيه زينة ضرب لما عدمته العافيه وراحوا القسم
عند الظابط يامن الشافعى
باااااس( يامن الشافعى  ظابط مباحث برتبة رائد بشرتة برونزى عينة زتونى شعره بنى وعنده لحيه مهندمة بس من الآخر مز )
فى المركز الباب بيخبط
يامن : ادخل
العسكرى: فى ناس يافندم جايين فى عركة
يامن بنرفزة: دخلهم يابنى مش ناقصين
دخل ثلاث بنات وشاب( الواد مشوه حرفيا)
يامن: فى ايه
زينة  : متعرفش يا فندم عمل فيا ايه
يامن: فى ايه بقا انطقوا مش فاضينلكم اتكلم يابنى
آسر: انت مش شايف يافندم عملت فيا ايه انا عايز اعمل محضر
زينة بعصبيه: محضر اما يلهفك يابعيد 
يامن بعصبيه : اسكتوا انا الى اتكلم
زينة: طب بص بقا يابتاع انت
يامن بعصبيه: جرا ايه يا بت انتى احنا هنهزر ولا ايه
زينه بخوف مع دموع مزيفه:تمام يا باشا والله انا مظلومه
يامن بصوت عالى : انطقوا بقا انا مش فاضي للعب العيال ده
زينه :انا مش هتكلم غير لما اعمل تلفون ممكن لو سمحت
يامن : اخلصى
'زينه اخدت الموبايل وقامت بالاتصال باحمد ومازال مشغول'
زينه بعصبيه :رد يا متخلف  ابوس ايدك ' وتلك اللحظه رد احمد
احمد : الوووو
زينه : انت يابن الورمه بقالى تلت ساعات برن عليك ايه معندكش اخوات بنات
احمد: هو انتى ي مقمله  لو اعرف ان هو انتى مكنتش رديت عايزه ايه ورقم مين ده ي بت
زينه : انجز انت هترغى كتيير ي روح امك انا ف القسم
احمد :قسم ايه انتى بتهزرى قولى انتى فين بسرعه
زينه بسرعه:انا. فى قسم *****
تعالى بسرعه والنبي
احمد: حاضر حاضر  هى حصلتك الاقسام يا حيلتها

كل هذا يحدث تحت زهول الجميع من هذه الفتاة الغريبة كما اطلق عليها يامن وبعد نصف ساعة يصل احمد

العسكرى : اتفضل يا احمد بيه
احمد  بغضه عندما راي زينه تبكى : فى ايه مالك ياقلبى
زينة وهى بتحضنه: متعرفش  الى حصلى اختك اتسحلت يا احمد مرمطونى ولاد الجزمة
يامن: مين يا ختى
احمد بعملية: معاك الرائد احمد عز الدين اية الى حصل
يامن : نورت القسم، الانسة مش راضية تتكلم الا فى وجودك اتكلمى يالا
زينة : شوفت الى حصلى الراجل دا عاكسنى رحت ضرباه وشوف عملى ايه شوف ايدى
احمد بزهول :هو فين اللى ف ايدك قصدك الخربوشه دى
يامن باستهزاء منها :ياحراااام  واستحملتى كل ده
زينه : ايوا والله حتى زينب وريم
ريم وزينب:حصل يا باشا
احمد وهوينظر الى ذاك الشاب المشوه وجهه وتدعى زينه انه من ضربها
احمد : هو مين اللى مضروب بالظبط
زينه :انا يحوده انتا مش شايف اختك حبيبتك
احمد :حبيبتى ايه، اه ي مفتريه ي قادره
زينه : ..ً..........ُِ.يتبع

اتمنى ان الفصل يعجبكوا وعايزة تفاعل