الخَيال

Part(2)

مو نجف بيت اعزاز لازم نسميج
وين التريده الروح كلهم صفو بيج
.
.
.
.
.
نجمة ⭐️

رحيقاتي صوتوا للبارتات وتفاعلوا فدوة🤍🌸🌸
_____________________________________________________

كاعدين كُلنا و صوت البجي عالي كاعده بالزاويه وجهي مخرمش و عيوني مورمة من البجي صافنه على الحياه شلون تاخذ كُل العزيزين علينه بيبي ما تاكل شي صارلها يومين واليوم اليوم السابع من وفاه جدي اي جدي مات للن تاخرت من جبتله الدوة ذبيت الصوج كُله براسي لان من اندعمت بييي اجت علية وبقة وحدة اجتني حاله هستيرية وكمت اعيط وابحي

جُلنار:ليش ليش كُل الاحبهم يعوفوني

اجت مرت عمي الوسطاني تهدي بيه وذبت على وجهي مي ما حسيت الى واني مغما عليه من التعب والبجي

حالتي تخريبطت وضليت اضرب مغذيات و ابر من وره التعب بيبي حالتها انتكست وبهاي الفتره بيت عمي الوسط ماقصروا اجت مرته يمنه و بنتة وابنه هم ما ركزت على اي احد حتى نفسي نسيتها تعبت روحي ونفسيتي شكلي تغير كُلش واليوم صار اسبوعين على وفاة جدي و ايدي لازم افتح التجبير مالتها وداني ابن عمي دلهم و كعدت وره والطريق كُله بس يباوع الي من الجامة الاماميه

دلهم:تريدين اكل

جُلنار:لا شكرا

دلهم:اجيبلج عصير

جُلنار:ماريد اي شي بس اريد نوصل وزن ايدي كُلش ثگيل

دلهم:تدللين من عيوني

باوعت اله بطرف عيني و خليت راسي على الكشن وره ربع ساعه وصلنا للمضمد شال التجبير واحس بشعور مريحح لان جانت كُلش ثگيله

جُلنار:دلهم ممكن تاخذني للسوگ عدي كم حاجة اريدهم

دلهم:اكيد

وصلنا للسوك و رحت لمحل ملابس اشتريت ملابس سود و اجه اتصال الدلهم كال شوي واجي كعدت بمكان بي مصطبات وكمت انتظره بهاي الاثناء شفت هواي شرطة مدري ضباط صاروا مقابيلي يشترون عصير ف كُلش توترت وكمت اريد اروح انتظر دلهم بغير مكان اني وامشي نطخيت بواحد وريحته كفختني كفح مخلي عشرين نوع عطر و جان كُلش ضخم بسرعه وخرت منه

جُلنار:اسفة عمو بالخطاء

_انتبهي مره ثانية

باوعتلة وگلبت عيوني
جُلنار:اي مو كاتله نفسي حتى احجي ويا استاذ برادبيت كلتها بخفه بس انصدمت من صديقة كال

_ياردبيت منو هذا خَــيـال

عزاااا الفشله ما تتفسر انتظرت دلهم من اجه گبل دخلت للسياره فتحت التلفون لگيت هواي رسائل واتصالات من اساور مجان بيه حيل وجنت تعبانة فخليت التلفون جوة راسي اجت عليه بَلسم وكلعاده ضلت تنگ على راسي تريد تشوف ششتريت