الكاتبة:جمان عبدالله
رواية:الخَيال
لا تنسون النجمه يا نجوم ⭐️ +تعليق حلو مثلكم💕.
قراءة مُمتعة.
_________________________________
بَلسم
شفت واحد ملثم و لابس اسود ومعضل وطويل گاعد يخنگ بجلنار و نايمه على الگاع تحاول تدفعه اني شفت اگلاص على الميز ركضت اخذته و ضربته بأيدة قوي بحيث الگلاص انكسر وگمت أعيط حتى بيبي تجي تشوف شكو تخابر على احد
دفعني قوي و وگعت على حافة الميز مال مكياج تكسرت احس خصري طبت بي سچينه جلتار بسرعه كامت و هي تگح و وجهها احمر دم اخذت هاي التحفيات و رادت تخليها براسه بس انتبه الها ودفعها قوي
چان اكو طبله گزاز يم الچربايه مالتها و وگعت عليها من يم راسها يعني بگصتها فوگ قريب ع الشعر و انترست دم ردت اركض على هذا الرجال و طفر من الشباك مدري شلون ما تكسر
هو ماكو هواي مساحة بين البلكونه و الحديقة بس هم تخوف شفته نزل و اني ركضت جوه على جدة اني وابچي حتى يمكن ما فهمت مني شي
بَلسم:جدة جُلنار راسها ينزف بسرعه اتصلي على دلهم
زهور:يمه اسم الله ليش ولجج اسمعچن تعيطن بسرعه تلفوني ذاك جيبي
جبت الها تلفونها و هي تبچي اتصلت على دلهم بسرعه رد
زهور:دلهم جُلنار تنزف من راسها بسرعه تعال نوديها للمستشفى بسرعه
ركضت الها فوگ و خليت وصله على راسها وره خمس دقايق هيج اجة دلهم شالها وركض جوة لبست عبايه شلون ما جان ورحت وياه جدة رادت تجي ويانة بس دلهم ما قبل
ركبت وره وخليت راسها بحضني وعليه وصله لحد هسه ما انسه الموقف بحيث اني نترست دم و والوصله إذا تنعصر تصب دم وصلته ودلهم اخذها مني ركض لجوه المستشفى اني قفلت السياره لان انطاني السويچ و من دخلنا للطوارئ جان
عياط وصياح بسرعه اجو علينا الدكاتره والممرضين خلوها بسديه و ودوها لغرفه گعدنا ننتظرها بره واني ميته من البچي
دلهم:شصار احجيي ولج شصار
بَلسم:صعدت للغرفة مالتها و اني صعدت وراها شفت واحد مدري منين طب للبيت خانگها رحت علية اريد أدافعها و دفعني و هي راحت عليه ضربها وكعت على الطبلة الگزاز ورأسها مدري شصار بي
دلهم:انعل ابو لابو
راح مدري وين واني بس ابچي ما سكتت والنوب بطني وخصري راح يموتني لان وگعت عليهن وره ساعه هيج ما اكو اي اخبار على جلنار ولا دكتور طلع ولا ممرضة طلعت
اجة دلهم و ورا علي وأساور شفتهم بس ما الي طاقه اكوم جتي اساور تبچي
اساور:الحمدلله على سلامتها ماكو شي نشاءلله
علي:السلام عليكم لا تخافين هسه يجي خيال علمود هالسالفه يشوف منو هلحقير هذا
أنت تقرأ
الخَيال
Romanceرواية عن ابطالنا الذين غامروا في حياتهم وجدوا بعض صدفة او هل هذا القدر....... سنعلم ما يخفوه مع الايام.
