عند سلمان وأسماء بعد م رجعو من المستشفى سلمان : يلا يا اسماء تأخرنا اسماء وهي تحط ميكب : طيب شوفي وأخلص قرب من عندها وقال : يا روحي انتِ خلاص شكلك حلو م يحتاج ضحكت اسماء بخفة : سلمان شفيك بس احط الروج ونطلع روح شوف عيالك جهزو قال سلمان بضحك : ليان من امس عند عماتها و عمار طلع قبل شوي قالت اسماء : ليان مرا متعلقه بالبنات وحرفيا كل وقتها معهم قال سلمان وهو يجلس على السرير : اي والله تعجبني علاقتها معهم ابتسمت اسماء وقالت : اساساً في احد يقعد معهم وما يحبهم ماشاءالله عليهم وقامت تلبس عبايتها و طلعو هي وسلمان.
في بيت العايله جلسو كلهم في الصاله و كانو يسولفون و سالم م شال عينه من افنان افنان كانت ملاحظه نظراته و بتموت من الحياء لاحظت تسنيم نظرات سالم لـ افنان ضحكت و ضربت افنان بخفة وقالت بهمس لـ افنان : الله عصافير الحُب شرأيك نقوم ونخليكم لوحدكم ضربت افنان تسنيم وقالت بهمس : تسنيم اسكتِ عشان لا اقوم ادعسك هنا ضحكت تسنيم وقالت : طيب شوي شوي بعد دقايق دخلو سلمان و اسماء و سلمو عليهم و قعدو يسولفون
عند سمر كانت قاعده معهم وتهوجس قالت عاليه : شفيك سمر تعبانه؟ ابتسمت سمر وقالت : لا م فيني شي
قالت ام عايض : سمر نادر م تشاركنا بالسوالف قال ابو عايض : اي سمورة قليلة كلام قال عبدالعزيز : هي ونواف نفس الطباع واشر على نواف اللي كان قاعد على جواله جنب ناجي ناظر نواف سمر ببرود و بادلتها سمر نظرات البرود و شمقت له بعد مُدة قامت و قالت سُعاد : يلا قومو نجهز الغدا قال ابو عايض : لا خليه بعد م نرجع من الصلاة اومأت سُعاد و رجعت جلست قالت سمر لـ افنان وتسنيم : قومو نطلع فوق نسولف اومأو افنان وتسنيم و قامو و قامت سمر مسكت يد ليان وطلعتها معاهم و دخلو غرفة افنان قالت افنان : الله اشتقت لغرفتي صدق بس كأنكم مغيرين الاثاث قالت تسنيم بضحك : الاثاث له " ١١ " سنة اكيد بنغيره ولا بتقعدين بأثاث قديم؟ قالت افنان : اي والله صادقه طولنا و جلسو الاربعه على السرير وقعدو يسولفون عن حياتهم و تعرفت افنان على ليان اكثر وقالت افنان : والله شكلي بسحب عليكم و بصير اقعد مع لياني قالت تسنيم : والله م ظنتي تسحبي علينا عشان ليان استغربو سمر وليان من كلام تسنيم وقالت سمر : تسنيم م ترتاح إِلا لما تتكلم بالاغاز قالت تسنيم : يعني بتسحب علينا عشان شخص ثاني نفس لما كنا صغار ضحكت سمر من فهمت مقصدها وقالت : عشان سلومم وغمزت عقدت ليان حواجبها وقالت : سلومم؟؟ لا يكون تقصدين سالم اخوك هزت سمر رأسها وقالت : هو نفسه ضحكت ليان و تسنيم وقالت : من وحنا بزراين يحبون بعض الله يزوجكم استحت افنان من كلامهم وقالت : قلتيها لما كُنا بزراين الحين لا قالت سمر : الحين لا اجل ها!! خلاص ليش نعلق الولد فيك زيادة بروح اقول لاخويا ان محبوبتك للاسف م طلعت تحبك قالت افنان : لا.. يعني لا لسى م قررت اذا احبه او لا ضحكو عليها وكملو سوالف.
عند العايله تحت نطق ناجي : يا عيال قومو نجلس في المجلس قال سالم : اي يلا قومو وبالفعل قامو العيال ودخلو المجلس و قال سالم : شفيك يا نواف من جيت وانت متضايق قال نواف بـ ابتسامه : لا والله ماني متضايق احد يقابلكم ويتضايق و ضحك قال ناجي واخير سمعنا صوته وقعدو يسولفون و قعد نواف يسولف معهم عن حياته وكان في قمة سعادته وهو معهم قال سعد : يعيال م في احد فيكم يفكر يتزوج
ضحك سالم وقال : ليه تبي الفكه منا؟ قال سعد : لا بس كل اللي بعمركم متزوجين ضحك ناجي وقال : شوف مين يتكلم ليه محسسني انك متزوج وعندك عشر وراعين ضحكو كلهم وقال سعد : انا لو علي اتزوج بس لسى م لقيت بنت الحلال قال سلمان : طيب بنات عمك موجودين قال سعد بضحك : تقصد بنت عمك م فهمو كلام سعد و قال ناجي : وشلون يعني!! قال سعد : افنان متزوجه خلاص عقد نواف حواجبه وقال : اختي متزوج وانا مدري يعني؟ قال سالم بشبه عصبيه : متزوجه شلون؟ ومن؟ قال سعد بضحك : هدو هدو شفيكم كليتوني اقصد انو هي محجوزه محجوزه ضحك نواف وقال : محجوزه لمن ان شاءالله قال سعد : اللي خُبري خبركم وضحك بخفة فهم ناجي مقصده و فطس ضحك و تضايق سالم وما فهمهم تذكر نواف و فهم مقصدهم وقال : والله يحبها ما يحبها مو مهم البقاء للي بيلبسها الدبلة دق جوال سلمان وطلع وقال سالم : يعني وش بتخسرون لو فهمتوني قال ناجي : سعد يقصدك انت افهم ابتسم سالم ابتسامه عريض وقال بضحك : مبين علي؟ قال سعد : مكشوف من يومك بزر قال نواف : تحبها وندري بس عاد استعجل لا تروح من يدك قال سالم : قريب قريبب وكملو سوالفهم
عند البنات فوق قالت سمر شرأيكم بعد العصر نروح عند جواهر وافقو كلهم على الفكره وقالت افنان بحماس : الله عاد من زمان عن جواهر ضحكت تسنيم وقالت : من زمان عننا كلنا مو بس جواهر قالت افنان بعبوس : بس اقلها كنت اتواصل معكم بس جواهر لا اومأت سمر وقالت : اي صدق المهم اذن الظهر يلا نصلي وننزل نساعدهم بالغدا اومأو وقامو يصلون.
تحت في الصالة قال ابو عايض : يلا اذن الظهر قومو نلحق المسجد قامو و دخل عايض المجلس على العيال وقال : يلا صلاة يلا قامو كلهم وتوجهو للمسجد ، عند العيال وهم يتوضون قال سالم : يقطع ام الحر بغت تجيني ضربة شمس ضحكو و قال عمار : يلا هانت هانت قرب الشتا خلصو وضوء و راحو يصلون.
وقت الغدا الكل كان جالس على السفرة و قبل م يأكلون قال سلمان : عندي لكم بشارة ابتسمو و تأففت تسنيم وقالت : م يمديك تأجل بشارتك لبعد الغدا بموت جوع ضحكو و قال ناجي : لاحقه لاحقه على الاكل شمقت له تسنيم و ابو عايض : بشرنا بشرنا يا وليدي م عليك منهم و كلهم متحمسين وش بشارة سلمان قال سلمان بـ ابتسامه و ناظر اسماء اللي كانت مبتسمه وقال : اسماء اللي بتقول ابتسمت اسماء وقالت : آآه... انا حامل ابتسمو كلهم وفرحو لها و الكل كان يبارك لها وكان ابو عايض : اكتملت افراحي اليوم رجع ولدي بعد غياب و جايين مولود جديد وكان سالم يناظر افنان نظرات كلها حب و شوق وإِنبهار بجمالها وكان يقول في نفسه : يالله متى يجي اليوم اللي نجي ونبشر فيه العايله بحملك آه بس و ضرب ناجي سالم بخفة وقال بهمس : شفيك بـ وش تفكر؟ م رد سالم عليه كان سرحان فيها ضحك ناجي بخفة من شاف وش اللي شاغل سالم وقال بهمس : بس يالخفيف اكلتها بنظراتك شوي شوي اثقل ضحك سالم بخفة وقال بهمس : مالك دخل حلالي قال ناجي بهمس : عساك تحمست شوي لسى م صارت حلالك ضحك سالم وقال بهمس : قريب قريب......
نهاية الفصل الثالث.
