بنـــــت القبـــيلة 🏺
🕯️البارت الاول
✨ بقولها.. قالت ليه انا سلطانة عليك ياسيدي السلطان✨
....كان يا ما كان في قديم الزمان والمكان ، في واحد لبلاد جات بين البحور والجبال كانت بلدة "الساه" معروفة بالجمال والوقار.
كانو رجالها سياد بقوامهم ونسائها معروفين بجمالهم و حشمتهم
كان واحد الشيخ كبير في السن نبيه ولسانو مينطق غير بالحكمة والمعرفة وكانوا كاع ناس الدوار كايستاشروه في الأمور وشؤونهم كانت عندو بنت جمالها مالقاو ليه حروف يوصفوه و مزال حايرين فيه واش من الإنس ولا الجن
في دار الشيخ الرزين يلاه الشمس طالعة كانت عربية جاية من الحصاد هازة معها قفتها فيد و على رأسها رزمة تاع الفصة دخلات الدار لقات باها واقف يتسناها
محمد؛ على من لعبتي يا يما !!
عربية؛(حطات قفتها) هانتا اسيدي با (رفعات حاجب زعما تقلقات) كاتخرج العيب معايا عارفني نجيبها غير بالحلال تربية يديك هادي
محمد؛(صغر عينه هو يجرها من زيفها) يابنت العبد يجي يوم يشدوك ويدوك ليا ونتي تعرفي السلطان مايرحم مايشفق في حد
عربية؛(فلتات من باها) لساني ينجيني من لسعة الحنش علاش نخاف من عبد ربي
محمد؛(تنهد) الله يهديك يابنتي نوصيك وصية وديري بيها نهار تشوفي الحاكم جمعي وحدري الراس حتى يدوز ،نخاف ندفنك بلا راس
عربية نزلات باست راس باها وهي دخل الدار كانت دار كبيرة ..... من صغرها تربات بوحدها مع باها لي عطاها من علم الرحمان ومعرفتو دون غيرها من بنات القبيلة عاشت معززة مكرمة كتهضر وتعبر على رأيها عادي عمر باها سكتها ولا حبسها حتى شافها تكبر وتكبر معاها المعرفة والعلم كيف أي اب كايخاف عليها واخة عارفها غراب كيما ملقبينها ولكن كيما كيقولو العين حق ، ولي خاف نجى عارفها حارة وقادة عارفها تدفن وماتبكي وعارف لسانها مبري منها
دخلات لبيت الخزين حطات فيه القفة ديالها وبدات تقلب فيها حتى طاحت عينها على قلادة هزاتها مستغربة وجودها وسط قفة تاع الخضرة هزاتها كضورها بين يدها وتقلب فيها بحال شي ذهايبي يفهم في ذهب واللؤلؤ والمرجان جاها ثقيل و وازن بزاف ابتسمات وهي تقول
عربية؛(بفرح ) رزقك جاك يا عربية مممم
جمعاتو وسط رزمتها لي كاتهز دائما هيا تكمل شغلها كاتقطع في الخضرة
VOUS LISEZ
🏺بنت القبيلة 🏺
Боевикبنــــــت القبيلة ⏳ 💫قصة قصيرة تاريخية ندوزو بيها الويكاند وحنى مستمتعين مع ايما الغراب 💫 كان يا مكان في قديم الزمان و المكان كانت ايما الغراب حكيمة لسان ماتحݣر ماتظلم، تنصر الضعيف و تنقد الخايب ايما الغراب غير كاع لبنات رزينة لسا...
