🏺بنت القبيلة🏺
✨بقولها قالت ليه انا سلطانة عليك يا سيدي السلطان ✨
💫البارت السادس عشر
كانت جالسة في دار باها فوق زربية مخدومة باليد ومزوقة بالألوان....جالسة جامعة رجلها ويدها مدوراها عليه ومتكية راسها.
راسها لي كيألمها بقوة التفكير الزائد لي مزال ليها شوية وينفاجر . ايما الغراب لي كتبان هي القوية على كاع بنات القبيلة لي شافها دبا ميقولش هي
كل واحد فينا حامل واحد الضعف لداخل ضعف لي كيكسرنا كيحطمنا
كاين فينا لي كسرو فراق الوالدين، كاين الاخوة ...وكاين لي الحب كسر ليه جناحو .
هي مكسرهاش الحب بل كسرتها عيشتها بدون ذفئ وحنان الام محتاجة ماماها تبكي عليها تعنقها وتشكي عليها
دخل محمد مثقل بالتقدية لي هاز فيدو لقاها فديك الحالة لاح القفة ممشا عندها بخطوات صراع كيتفحصها
محمد؛بنتي،يما الغراب مالك هاكة اش طاري لك
عربية؛تخشات فحضنو)توحشت ماما بزااااف بغيتها فجنبي اباا سيدي علاش مشات وخلاتني محتاجاها
محمد؛حاط يدو فوق راسها بحنان وكيزيد يخشيها فيه باغي يحسسها بحبو باغي يخليها تحس بحتى نقص، من صغرها معوضها حب الام والاب )بنتي يما ربي بغاها داها عندو حنى معندنا منديرو خاصنا نصبرو ونتقبلو المكتاب
عربية؛عرفتي اباا سيدي اليوم سلطان جلال عادي يجي يخطبني اليوم تمنيت ماما تكون معايا
محمد ؛هزها من حضنو مستغرب من كلامها )مفهمتش ابنتي ياك غير قبيلة رفضتي تزوجي بيه بديك الطريقة اش تبدل دبا
عربية؛شافت فيه بعين دامعة ) هضرت معاه قبيلة وشرطت عليه هاد زواج يكون بتقاليدو وعاداتو وهو قبل
محمد؛خرج واحد تنهيدة من اعماق قلبو )ااااش عادي نقولك ابنتي الي نتي راضية بهاد زواج نزيدكم غير الخير انا جبت ليك شي حوايج عادي تحتاجيهم راهم في القفة
عربية؛شكرا اباا سيدي كون ما نتا فجنبي منعرفش اش ندير
VOUS LISEZ
🏺بنت القبيلة 🏺
Боевикبنــــــت القبيلة ⏳ 💫قصة قصيرة تاريخية ندوزو بيها الويكاند وحنى مستمتعين مع ايما الغراب 💫 كان يا مكان في قديم الزمان و المكان كانت ايما الغراب حكيمة لسان ماتحݣر ماتظلم، تنصر الضعيف و تنقد الخايب ايما الغراب غير كاع لبنات رزينة لسا...
