🏺بنت القبيلة 🏺

19

🏺بنت القبيلة 🏺

💫البارت التاسع عشر

✨بقولها قالت ليه انا سلطانة عليك يا سيدي السلطان

عند عربية كانت  في البيت جالسة كتختار في الاثواب والمجوهرات لي عادي تلبس في عقد قرانها الليلة   حتى سمعات شي تنقار ناضت ظن منها باها غير فتحات الباب هي تدفع بالجهد جات على راسها  كانو رجال كثار كل واحد اكبر من الثاني من ناحية الحجم  هي جات تنوض حتى لقات راسها مقيدة من طرف جوج رجال هنا بدات كاتفكر وتنطر منهم هوما  جروها بزز منها لبرات الدار كانت مجموعة من الخيول قدام الدار  هزات راسها  تشوف العالم لي دايرين بيها بزربة منها جبدات الخنجر ديالها ضربات واحد على وجهو وهيا تهرب بكل جهدها كان المنزل ديالهم بعيد على المدينة جاي قريب الغابة.

كاتجري حافية القدمين   حتى  تجرات بجهد من طرف واحد من دوك الرجال ضربها على راسها حتى فقدات الوعي

عند محمد لي كان خارج القبيلة يقدي شي شغال على حساب عرس بنتو الوحيدة،هو يرجع خطوات المنزل كل ما كيقرب  كيحس بقلبو غدي يوقف غير وصل الدار نتابه الخنجر  تاع عربية مرمي حدر هزو  هنا قلبو وقف ملي شاف فيه دم

رمى الاثواب واي شئ في يده هو يدخل الدار بدأ كايغوت عليها

محمد؛ عربية. بنتي عربيتي عربية فينك

كل بيت كايدخل ليه كايخرج  بدون جدوى. خرج برات الدار هو يفشل   تاع بصح ملي شاف الراية فوق شجرة الرمان  هزها بيين يده وعينيه عمرو بدموع

محمد؛ بنتي عربيييييييييييية

كانت الطريق طويلة بززاف بنسبة لعربية كانت مغمضة  ويدها مربوطين

عربية؛  بالامبالاة) علاش دابا خاطفيني مالنا وزير ما مرات سلطان ما سلطانة غير علاش غدي تديو ذنوب هكاك

ملقاتش جواب من حتى واحد وهيا تعاود تهضر

عربية؛ واش كاتسمعوني ولا يكما بصح نتوما  صمكين راني كنهضر معاكم ابنادم

.والو تقول واش جوبها شي واحد بدات كاتغني

عربية؛ واااسمعوني ياناس. القلب ماااايشاور يناس داك السلطان ياناس

.....: سكتها عليا  راسي كايضرني

عربية: يرحم بوك خليني نشوف دنيا كيف دايرة راه حق مولانا عمري خرجت من بلدة ساه

......؛ ونتي. ايما هبيلة ايما غالطين فيك هههه واش غاديا الموت وكاضحكي

عربية؛ موت وحدة غدي نموت لاش نبرزط  راسي  شكون قاليك  ماتموت نتا قبل مني

....؛ وا عارفة شكون كايهضر معاك

عربية؛  اش غدي تكون كاع

....: ضحك ) ههه معاك السلطان سليمان

عربية؛ بصدمة) اويلي اش كتقول واش منيتك ههه وااا الحماق هدا قالك سلطان

سليمان  ؛ وي منيتي معاك السلطان سليمان   ولايني خويا مدارش خدمتو تاع بصح

عربية: (بقات مستغربة) مفهمت والو انا دبا