سلاسل لؤلؤ مبعثره"

Part1

شتاء،فقد،غياب،اشتياق

دنيا بارده ثلج طابكه ايد بايد وافركهن حتى ادفه نسمات هوا بارده من السيارات تلفح بوجهي نوارس تركيا تحوم على المي اجت عيني على بنيه دتشرب جاي وتاكل كيكه تنهدت بطني مغصتني من الجوع نزلت راسي ودموعي صارت تتسابق قاطعني صوت شايب يسألني بالتركي
-شكد سعره
رفعت راسي انتبه عليه دابجي
دائماً رجال الاكبار بالعمر بتركيا يفوزون بالحنيه
(حوار بالتركي)
-شبيج بنتي
-مكو شي عمو هاي الؤلؤ الكاسه الصغيره ب ٥ليرات
-تمام انطيني اربع كاسات
كمت عدلت الكلاو وخليتله بالعلاقه اربع كاسات انطيته ياهن وانطاني الفلوس عرفت تعمد يشتري هواي بس هل شي كدر انو يفرحني لأن راح اكدر اكل واشتري ال روحي من الدنيا هم

لميت البسطه ورحت امشي والابتسامه على وجهي وصلت محل المعتاد ضحكت بوجه عمو احمد

-قبل لا تحجين كيك مقطع وچاي
-ايڤتتتت(نعم)
-ولج ولج
ضحكت بصوت عالي
خلالي ياهم وركضت للبيت فتحت الباب وفتت بخطوات هادئه حتى لا تعرف اجيت حجيت بصوت مناداة وفرح
-أشجان
اجتني من الغرفه ركض اخذت العلاقه من ايدي اختفت ابتسامتي وحجيت بدلع
-مصلحجيه
عافت البيدها واجت حضنتني تبوس بيه كالعاده تحجيلي شصار بيومها اضل استمع لحد ما تكمل واكوم اسوي العشا
فتحت الثلاجه مكو بس بطاطا خليت طاوه ودهنه سويت اكلتنه المعتاده بطاطا مهروسه واقليها بالزيت حضرت وصحت ال أشجان كعدنا ناكل طفت الكهرب تذكرت صار يومين يطالبوني مدافعه تكلفه عفت أشجان تاكل ورحت لل محفضه الفلوس قليله اذا اكلنا بيها لمده يومين زين

اجت بالي لازم اشتغل شفت ثاني بس شونن وأشجان رجعت لل طاوله دتباوع بالتلفون
-أشجان
حجت وهيا راسها بالتلفون-همم
-لازم اشتغل شفت ثاني
كبل رفعت راسها بعيون متوسله
-اعرف والله اعرف بس دتشوفين شون كهرب طافيه وبعد اربع ايام وتجي تكلفه الماي هم سانديني
-تمام
-ما تضوجين؟؟
-بالعكس ترا انتي كل الدا تسوينه علمودنه بس اني اخاف وعادي راح اقفل الباب لحد ما تجين
كرصت خدها وكملنا اكل هيا غسلت المواعين واني لبست القمصله والكفوف والكلاو لبست حذائي ودوختها واني احذرها متفتح الباب ال احد بستها وطلعت دنيا ليل كمية البرد مو طبيعيه
اباوع ناس متشرده تصل بيهم يدورن بالزبل على اكل مثل كل مره من اشوفهم هيج ابجي بقيت افتر والوقت اتأخر ادور على شغل اجت عيني على باب مال مطعم علي لافته محتاجين عامل ركضت فتت ورحت لكيت زلمه كبير بالعمر
-عفواً طالبين عامل
-نعم
-اني اشتغل بس شكد الاجره
اتفقنا على السعر حاولت ازيد وهوا من شافني هيج زيدلي شويه بس مجان اكو شي غير غسل المواعين اجا عامل دلاني على المطبخ باوعت صاير انقلاب رميت الكفوف والكلاو والقمصله سحبت الكتر من ايدي لميت شعري وبديت اشتغل كل شويه اباوع للساعه اريد ارجع من وقت

علما كملت حسيت ضهري طك والماي يلي اغسل بي بارد ايدي ما بعد احس بيهم بس كملت سريع لبست وطلعت جاي يعزلون ساعه ب 2بالليل اخذت الأجره وبقيت امشي مكو باصات واذا يجون متأخر لازم مشي