-فتحي الباببب لج ****
مِا صار عندي جرأه افتح الباب ابد وهيا نزلت عليه مسبه وغلط مِا خلت مِا فشرت عليه شكد حزت بخاطري اهلي ميتين وتغلط عليهم
اثناء مِا دا اتصل على أشهب صار صوت عياط عشر دقايق تقريباً وصار هدوء اتصلت أشجان رديت عليها
-هلا بالمعرسه
-سكتي منين دتتعلمين هل سوالف
-شعليج بس حلوه
-يي حلوه بس هسا لازم اروح
-وينن
-دنطلع انيَ وخوات أشهب
-يااا لطيفين
حاولت اقنعها قدر الامكان انيَ مرتاحه سديت الاتصال منها دا امشط نفتح الباب أشهب فات وجهه محتقن كبل طلعله ملابس وفات يسبح مسكت التلفون اتصفح طلع ينشف شعره
-ليش مِا تتصلين عليه
-على شِنۅ
-أيار لا تستغبين أي شي يصير بالبيت تحجيلي يا كلشييييي يصير تحجيلي ياا فهمتييي
-هاي شبيكك تعيط
مِا رد عليه اخذ صينيه الاكل ونزل سمعت صار مهامس يم الباب مكو ثواني وانفتح الباب بقوه فاتت نفس البنت السمره الحلوه ووياها وحده ردت انطق وكمزن عليه راجديات لو مهما كان هنه ثنين واني وحده عياطي صار ماله والي ملخني تملخ مِا حسيت بس انسحبت من بينهم من شفت أشهب صرت اطلع رجولاتي ولا اليكول هستوهن علسني علس
-باعيي لج لو بيج خير مو تجن ثنينجن عليه تعاي وحدج اكطعجججج
رافعه اصبعي بتهديد أشهب مسك السمره من طارف ملابسها وضربها جلاق برا الغرفه من عندي توجعت طبك الباب قوي واندار عليه
-لج بابا لسانج بس عليه شوفي شمسويات بحالج
-يمههه شني هاي
-ههههههه شوفي نفسج بالمرايه لو بس من اجي تطلعين رجولتج عليه اجي الكيهن نايمات فوكج ودك على راسج التكتلج شوفي شكو شي كدامج طابوكه مزهريه ونوميها براسها
هاذ البيت تاخذين حقج بيدج مَره ثانيه اذا كتلنج وما اخذتي حقج بيدج شايفه هاذ البيت اصعدج على السطح واذبج من فوك بحيث تتكسرين
-دخيلك يبو فاضللل
-حذرتج بس تشوفين شي كدامج حتى لو يكسرهن الزمي ودك دك دك
يحرك ايده شون من واحد يدك على شي رحت للمرايه اباوع لشكلي
-اسم الله الزهره
انداريت علي يضحك وجهه صاير احمر من الضحك
خزرته وهوا قلد عليه -يمهه خفت ديلا اجيت الكيهن ڪَݪ وحده بيها كتله من شعرج
-هاي شبيكك ترا ثنين عليه
-يي يي صح
خليت ايدي على راسي وفعلاً احس راسي يريد ينفجر
اخذت ملابس وفتت سبحت طلعت لكيت يمه صينيه مال اكل سفري صاحلي كعدت يمه شافني خجلانه كل شويه يسويلي لفه واني مِا امانع
-شوفي راح اعوف الباب مفتوح بعد مِا اقفله من تردين اكل او شي انزلي جوا وبس اذا تحتاجين شي تنزلين متعرفين بيا لحضه يچفتن عليج يكتلنج تعلمي شون تدافعين على نفسج اذا تضلين بهاي الفهاوه مِا تربحين شي وبالاخص انتِ بهيج بيت
-اخخ قلبي
-شبيج
-شون راح اتحملكم
سؤال يعني هسا انتَ تزوجتني ومتعرف عني شي شون يمكن ابوكك
-هوا شعندي حتى تبوكيني
بعدني مِا راده اندك الباب
فاتت بنيه ابتسمت بوجهنا
أشهب :-اجت حلوتنا
دردمت بيني وبين نفسي :- ﺎدري شِنۅ بلوتوث شو هم حمرا
ضحكت البنيه وضحك أشهب مدت ايدها عليه :-مرحبا اعرفج عني ليلاف اصير اخت أشهب
صافحتها معَ ابتسامه :-واني أيار
-عرفت تختار أشهب
-هههههه ذواق
اباوع عليها نفس أشهب بالضبط هم شعرها احمر ورموشها وحواجبها جمالهم مميز بس هيا عكس أشهب وجها بي برائه مو طبيعيه
YOU ARE READING
سلاسل لؤلؤ مبعثره"
Misterio / Suspenso-انتَ قتلتها -اصحي على نفسج -عوفني خبلتونيييي راح اموت كله من وراكم نحرمت منها ومنهمم -عقلج شغليييي وصلت بيج تشكين بيه اني -اكرهكم كلكم
