الباب مفتوح أشهب صاير جوا الغرفه وهيا بره لازم الباب بايده
أشهب:-اذا تتقربين من يم أيار احسبي الله مِا خلقج
اسيل:-اني زوجتك تحجي صدكك تذكر كلشي وراجع نفسك وحبك ليه
فتحت عيوني بتعب اندرايت على جهتهم وكمت من مكاني صارت انضارهم عليه
-متزوج؟؟؟
:-يي متزوجني ويحبني وانتِ مجرد طرف ثالث لا اكثر
أشهب سد الباب بوجهه وسمعت خطواتها راحت
-خلي افهمج
-ماريد تفهمني ولا شي وميهمني
-شونننن
-لا تنسى هاذ مجرد اتفاق بيناتنه راح يمر بلمحه بصر مالي دخل بيك عسى مِا تروح تتزوج عشره
-مِا ضجتي ؟
-حتى لو اضوج راح اضوج لأن مچان عندي علم بهل شي
عقد حواجبه طلع وركع الباب قوي بينت ممهتمه بس داخلي بركان مو غيره ابد بس ضجت ردت امشي باوعت على نفسي بالمرايه تعبانه كلش احس هل بيت مِا بي طمأنينه حرفياً حتى الغرفه مِا بيها قرآن ولا شي
طلعتلي ملابس وسبحت بلكت يطير شري
(تخف الصخونه)سشورت شعري وتلفلفت بالفراش الغرفه دافيه تذكرت من چنت اطفي السبلت بالشقه ونتغطى اني وأشجان ب اغطيه كثيره في سبيل مينحسب أجور الكهرب اجا بالي الناس يلي اشوفهم بشوارع تركيا يدورن بالزبل على شي يفيدهم حتى لو اكل هيج مرحله تصل بيهم
اكو كثير نعم وهبنه ياها رب العالمين بس احنه مِا نحس بيها في سبيل المثال الناس المشرده تتمنى بس فراش يدفيهم او يشبعون بطنهم او الاعمى وغيره وغيره
اني عن تجربه رغم هواي چنت اعاني من سالفة قلة الفلوس توصل بيه اجذب على اشجان بأنو اكلت بره لأنو الاكل ميكفي عادي عندي اني اضل جوعانه بس هيا تشبع شكد عانيت ويمكن برمشه عين ترجعلي هاي المعاناة كلها ڪِݪتِ لازم انتهز هاي الفرصه وادرس بيها چانت دائماً اشجان تتحسر لأنو اني مكمله ومقدمه على صيدله وانقبلت بس چان عايزني اداوم جامعه والاتراك الذكي عدهم يستفاد بهواي اشياء او المخلص دراسه
قطع صوت افكاري فتحة الباب بهدوء دخل أشهب رمى التيشرت مالته ضل بس بالڤالينه (الكيمونه)رمى نفسه على الچربايه
اردف بصوت تعبان -طفي الضوه
تسحبت طفيت الضوه ورجعت نضربت رجلي بالميز كتمت صوتي ورجعت لمكاني
-توجعتي ؟
-على شِنۅ
-غلسي
باوعت شرشف واحد وهوا متغطي بي واذا اكوم الضو قليل كلش بالكوه اشوف وكأنما قرء افكاري انطاني شويه من الشرشف
-ماريد
مِا جاوبني
سحب الشرشف اله
عود هسا وكت ثكلج أيار يعني خلي يكتلج البرد امدانييي صح الغرفه دافيه بس اني بدون شرشف ماكدر انام انداريت علي قلصت عيوني مبين نايم كمت بلكوه جبتلي شرشف مالتي تغطيت بي اريد انام مكو نوم بعيني
بقيت احسب باصابيعي الطريقه الوحيده يلي اتخليني انام حتى لو چنت هستوني كاعده من النوم. وفعلاً نمت كعدت أشهب مكو بالغرفه لميت شعري ونزلت جوا
يمامة:-صباح الخير
-صباح النور
-على اولها عمتج تحبج تعاي اتريكي
-ههههه
رحت كعدت يمها صبتلي جاي اجا بالي سؤال
-اكلج يمامة
حجت واللكه بحلكها:-كولي
-البيت مابي اي حركه ومن جيت لهسا وام أشهب مكو ولا ابو
YOU ARE READING
سلاسل لؤلؤ مبعثره"
غموض / إثارة-انتَ قتلتها -اصحي على نفسج -عوفني خبلتونيييي راح اموت كله من وراكم نحرمت منها ومنهمم -عقلج شغليييي وصلت بيج تشكين بيه اني -اكرهكم كلكم
