#الجزءالتاسع_والعشرون
#إنتقام_أنثي
أنجي ….
كلهم اتفقوا ع إنى اقول ل عبدالرحمن جزء من الحقيقية بس بشكل مختلف طلعت فوق وأول ما دخلت الأوضة لقيت عبدالرحمن بصلي ودور وشه قولت له انا عاوزة أتكلم معاك فى حاجه مهمة وارجوك اسمعني
بصراحه إحنا نعرف الشيخ اللى و'لع ده كنا روحنا له أول ما مروان رجع من السفر أنت عارف لمياء تعبت جامد اول ما عرفت أنه متجوز ده غير كمان انه كان متردد فى الجوازة وطبعا كانت هتبقي فضيحة" فى البلد وكانت العيلة هتتفكك وكلهم يزعلوا من بعض
ف أمي فكرت اننا نلجأ للشيخ يعمل عمل بالمحبة علشان هو لما يحبها غصب" عنه هيتجوزها
وأنت شوفت بنفسك هو كان عامل ازاى فى يوم الفرح وبصراحه بعد الفرح أمي راحت تانى علشان تبعد جيلان عن لمياء وبس ودلوقتي الراجل ما'ت وانت بتقول ممكن يتقبض' عليهم وبصراحة كلنا خا'يفين أحسن مروان يعرف او خالي او البو'ليس يقبض' عليهم
أنا خا'يفه عليهم يا عبدالرحمن أرجوك ساعدهم
عبدالرحمن. …
كنت بسمع ل أنجي وكلامها فعلا مقنع دلوقتي بس فهمت نظرتهم وخو'فهم لهم حق ده لو عمي عرف هتبقي فضيحة"
وفضلت تبكي خدتها فى حضني قولت لها انتوا عملتوا غلطة' كبيرة صحيح كانت نواياكم سليمه وانقاذ موقف بس عمر السحر ما كان وسيلة لحل المشا'كل
ع العموم طمني عمتي ولمياء أنا مش هفتح معاهم الموضوع قولى لهم حتى لو الموضوع أتعرف أنا اللى هقف للكل
لقيتها بعدها سكتت وقالت بس فى كا'رثه كلنا واقعين فيها
قولتلها ايه تاني لقيتها قالت
أنجي…
قولت له من بعد وفاة' أحمد بكام يوم اتفاجأت ب منشور ع الفيس بصورة أحمد وان الناس لقيتها مد'فونه فى قبر' وكان مكتوب عليها مو'ت بصراحه أنا شكيت ان امى ولمياء اللى عملوا كدا لان لمياء كانت مضا'يقه من وجوده ووقتها اتخنقت' مع امى وقولت لها بتقtلوا القتل' وتمشوا فى جنا'ته وهى مكنتش فاهمه أنا قصدى أيه بس لما عرفتهم حلفوا أنهم مرحوش ولا عملوا حاجه
والمصيبة' ان الصورة دى أنا اللي مصورها وع موبيلي ومعرفشي مين اللى خدها بس أنا خمنت ان حد من زمايلي فى الجامعه اخدها لما كانوا بيتفرجوا ع صور فرحنا فى الموبيل وبعد المدة دى كلها
فى حد دلوقتي باعت الصورة واتس ل لمياء وبيهد'دها وطالب مليون جنيه ومش عارفين نعمل ايه وطبعا اى حد هيعرف أننا روحنا للشيخ درويش هيصدق ان إحنا اللى عملنا السحر للولد واننا السبب انه يمو'ت ومش عارفين نتصرف ازاى والمبلغ المفروض يبقي جاهز فى خلال أسبوع
أنا فكرت اقولك انت عارف إحنا ملناش غيرك يا حبيبي
كنت بحكي وأنا واثقه ان هو اللى عامل المقلب ده فينا لكن انصد'مت من كلامه
عبدالرحمن. …
كلامك ده معناه ان اللى اخد الصورة من موبايلك عارف كل حاجه عننا وعارف كمان رقم موبيل لمياء وعارف مامتك وعارف إنكم رحتوا للشيخ
اللى عمل كدا حد من البيت هنا وبيلعب اللعبة دى علشان يستفاد بالفلوس بس ياتري مين ممكن يعمل كدا
