#الجزءالواحد_والثلاثون
#إنتقام_أنثي
جيلان …..
اكلت وفتحت شنطتي ورجعت ع كل الحاجات اللى معايا وشيلت سن الإبرة' من هدومى وحطيتها فى مكانها مع باقي الإبر يا تري يا إحسان عاملة ايه دلوقتي بعد ما شكيتك. ب سم" العقرب📍
وفضلت صاحية ومنتظرة ان حد يكتشف أنها تعبانه ويجيب لها دكتور وطبعا أقرب واحد فى الوقت ده مروان وأكيد التشخيص بتاعه هيكون أنها واخده برد فى المعدة او اكلت حاجه مش نضيفه وجالها فير'وس ويكتب لها ع علاج
أحلي حاجه فى سم' العقرب أنه بيتفاعل مع الادويه وتأثيره بيزيد يعني بدل تدخل فى تشنجات وشلل بعض أعضائها خلال تلات أيام الادويه هتزود من الأعراض ومافيش حاجه تقدر تكشف سم' العقرب إلا تحليل الدم والنوع ده بيحتاج معامل مخصصه مش اى معمل يقدر يكتشفه شويه وابتديت اسمع حركه وخطوات كتير عرفت ان الأعراض ظهرت عليها أهو دلوقتي بس أقدر أنام
عبدالرحمن. ….
عمتي اخدت أنجي وراحت البيت وأنا فضلت سهران شويه أفكر فى موضوع الرسائل ده
طب لو جيلان اللى بتهد'د لمياء هى عرفت منين أنهم من الأساس راحو للدجا'ل ده واشمعني وليه معملتش كدا من الأول ليه انتظرت بعد ما اتحر'ق وبعدين فى الحيرة دى
هقوم اروح اطمن ع أنجي الحمل تعبها. أوى
وأول ما دخلت البيت سمعت حركه وكحه جامدة جايه من أوضة عمتى خبطت. ع الباب سمعت صوتها دخلت لقيتها واقعه ع الأرض وقالتلي الحقني. مش عارفه مالى عماله ارجع وحاسه برعشه فى جسمي سندتها لحد السرير وسيبتها ومكنش فى قدامى غير مروان مع انى شا'كك أنه دكتور أصلا بس مضطر' الوقت متأخر
لمياء….
كنت ابتديت أنام ما صدقت آدم نام بيسهرني طول الليل ولسه بغمض عيني سمعت خبطت. ع الباب فتحت لقيت
عبدالرحمن بيقولى صحي مروان عمتك تعبانه أوى قولت له ما نوديها المستشفي اضمن قالي أول ما النهار يطلع هاخدها ع المستشفي خليه بس يفهمنا هى فيها إيه. …..
صحيت مروان وغيرت هدومى وروحت معاه اطمن عليها لقيت حالتها صعبه وبتترعش. وجسمها سخن. نار
استغربت أوى ده لسه من ساعتين كانت زى الفل قولت لها فى حد شربك حاجه قالتلي لا أنا من وقت ما اكلت معاكم مافيش اى حاجه شربتها او كلتها تانى
ولقيت مروان قال اهم حاجه دلوقتي ان درجة حرارتها تنزل وكتب لها ع تلات حقن وقال دول هينزلوا الحرارة بسرعه
وعبدالرحمن خلي الغفير راح يجيب الحقن
ومروان أداها الحقن وبعد ساعة لقينا حرارتها نزلت عن الأول وابتدت تنام سبناها وقولنا ننام شويه والصبح نشوفها لو لسه تعبانه نروح للمستشفي
عبدالرحمن. …
طلعت أنام ومردتش اعمل اى صوت علشان انجي تفضل نايمه ومرة واحدة جه فى بالي كلمه أنجي ان الصورة ظهرت ع الفيس بعد وفاة. احمد بكام يوم يعني من حوالى سنه وطول السنه دى جيلان فى القاهرة يعني عمرها ما كانت هتعرف توصل للدجا'ل وحتى لو وصلت له أكيد كان زمانها عرفت ان لمياء ملهاش دعوة باللي حصل مع أحمد وان السحر المعمول كان عمل بالمحبة يعني لو هتهد'دها مكنتش باعتت لها الصورة أصلا
