آلـــردع

البــارت الثـانــي

#آلـــردع

༺بقلمي بــنِيـنِ مـجـيَد༻

قيل ان هذا الحب مر عليه سنين واعوام
بلا مرور؟
فأصبحت احلامهم في
الهواء هباء منثور!
علاقة جافة تعيشها الا هو يتكلم بكل
حب مقرور

     .....................................  

{سِـــمـآ}

_دخلت على الانستا شفت شي خلاني مصدومة فتحت عيوني على وسعهن واني اشوف حسن ناشر فيديو هوة وبنية ضليت اعيد بالفيديو
صاحت ريم بخوف
_ شبيج سِـــمـآ؟
_سِـــمـآ نحجي وياج شبيج؟؟
_ها لا هيج هيج مبية شي
_ متاكدة؟
_ اي مبية شي
رجعن يسولفن واني بالي كلة يم الفيديو
رجعت لزمت التلفون اريد اكذب عيوني بأي طريقة بس الي صدمني اكثر خال بالبايو حرفM ما كدرت اسيطر على روحي اكثر كمت لبست بسرعة
كامت وراية ريم ووشهد
شهد: شبيجج سِـــمـآ وين رايحة
ريم: ياا سِـــمـآ وين رايحة ضوجناج بشي
اباوع عليهن احضنهن اريد احجي الاحد
عن الي اني بيه اريد ابجي وافضفض بس ما اكدر
كلت الهم ماكو شي بس اريد ارجع للبيت
ريم: ليش شبيج يمعودة؟
والله مبية شي بس هيج اريد ارجع غير مرة اجي وابات
شهد: تمام يروحي براحتج هسة انزل اكول العلي يوصلج
سِـــمـآ: تمام

كمت اخذت تلفوني و كتبي واني حابسة دموعي بالكوة
والنار بكلبي احس كامت تطلع حرارة من وجهي من كد القهر اريام واكفة يمي تريد تحجي بس ما تكدر التفتت الهة وحضنتهة
اسفة بس شوية اريد اضل وحدي
ريم: لا عادي يروحي براحتج اهم شي راحتج
باوعت عليهة بعيون مليانة دموع ابتسمت ونزلت جوة لكيت علي موجود منتضرني

_ يلاسِـــمـآ
_اجيت
رحت وياه نتمشة البيتنة حجة بخفوت
_ ليش حاولتي تنتحرين ذاك اليوم؟
حجيت بصدمة وكأن احد ضربني على وجهي هااا؟

_حجيي واضح ليش حاولتي تنتحرين ذاك اليوم سِـــمـآ احجي؟
_ هيج ما ادري
_ يجي يوم اعرف شنو وراج
_ هاي شبيك شنو وراي يعني
_ شمدريني اسألي روحج شنو الي وصلج تنتحرين وانتي اهلج يحبونج وما مقصرين وياج وصديقاتج حبابات والكل يحبج بعد ليش الا اذا...
_ وصلنة الباب البيت وحجيت بوجع وكسرة و الشهكة مبينة بصوتي
_ادري من راح تدري انتة اول شخص راح يوكف وياية علي مرات الشخص ينجبر
يترك هذي الحياة بسبب قسوتهة واني اختاريت اتركهة مو بسبب اهلي ولا بسبب صديقاتي بسبب شي اخاف اخسرة
حجيت هيج وما انتضرتة يحجي