#آلـــردع
༺بقلمي بــنين مـجـيد༻
ايام بحواف زجاجية
_مشاعر جميلة تجتاح قلبي
فراشات تلعب علي قلبي ايام وكأنها
احلام وردية كانت يوم ما مستحيل
ان تتحقق محاولات جديدة واحلام
جديدة بدأت بالتحقق مع شخص
لم افكر به من قبل
..................................
{سِـــمـآ}
_كعدت الصبح احس كلبي راح يطلع من السعادة باوعت بالغرفة البنات ماكو
اكيد نزلن
غسلت ونزلت جوة سمعت صوت علي الدر جوة عدت ادراجي لكن استوقفني صوت بابا وهوة ينادي علية
حيدر: تعالي بابا ايڤن ليش صعدتي تعالي تريكي
هاا اي اي جاية
نزلت جوة واحس التوتر والارتباك اكلني رفعت عيوني وعلي يباوع علية و حابستة الضحكة
علي: تعالي تعالي اتريكي
رحت كعدت بديت اكل
اكلت شوية وكمت غسلت جاي اريد ارجع واجة علي باوع خاف اكو احد واجة جرني ابتسم وكال
علي: ههه تريديني مو ؟
احمم علي وخر اريد اروح
علي : ههه خجلتي مني فصعونتي
دفعتة ورحت صاح على ريم يريد يسمعني
علي : اريام حضرن روحجن اخذجن تشترن ملابس لعرس امنة(بت عمي)
باوعت عليه وابتسمت
دخلت جوة نسولف ونشتغل احنة والبنات
شهد: يلة بنات هم يلة نروح نشتري ملابس
زمرد: اي يلة اروح ابدل اني قبل لا علي يتعصب
ويبقى يتافف
راحن البنات يبدلن و اني شوية وصعدت لغرفتي فتحت الكنتور وبديت انسق ملابس لبست فستان بنفسجي
وشال ابيض ورشيت عطري وطلعت البنات مكملات ومنتضراتني
سرى: يلا سِـــمـآوي تاخرنة
يلا اجيت
رحنة ركبنة بالسيارة والطريق كلة علي الدر يباوع علية اندارت علية شهد وغمزتلي
اردفت بخفوت
شهد: راح ياكلج هه
سِـــمـآ: درت وجهي منهة باوعت على الشارع شوية ووصلنة افترينة بالمحلات وكل شوي اباوع و اصفن على علي
انتبهلي و ابتسم رديت الابتسامة
خلصنة واشترينة ورجعنة للبيت
راحن البنات لبيتهم
بدينة نحضر للعرس ونسوي خلطات
ونجهز الملابس مر اسبوع واني مشايفة علي الدر احس راح اموت ردت بأي طريقة اشوفة بس ما كان عندي وقت ابد اجة يوم العرس كعدنا من الصبح والبيت نخبص و صوت زمرد خبصنا اكثر
ام سِـــمـآ: اي كولي هيج تريدين تصورين خل اختج تكمل وبعدين تسويلج
كعدت سارة زعلانة و تتأفف
رحت سويت شعري وطلعت الفستان اباوع عليه بفرحة
_اكيد راح يطلع حلو
بديت اسوي المكياج وخليت شي حلو لا كلش قوي ولا خفيف كلش يعني برز ملامحي كمت لبست الفستان وبديت اسوي شعري خلصت وباوعت على نفسي بالمراية
باوعت برضا تام طلعت كولش حلوة
طلعت من الغرفة ورحت على غرفة البنات جانن شبه مخلصات
أنت تقرأ
آلـــردع
Mystery / Thrillerحياةٌ اعِيشها بِحِلوها ومُرها... مع ذلكِ الشخص الذي اخرجني من قاع ضننتُ انة بحر الحُب... نضراتة تحاوطني.. اعيُن هائمة، عاشِقة، مستغربة ما ترى امامِها؟ حيثّ كانت حياتي تسودُها المشاكل التقيتْ بتلكَ الروح التي مقامها ثمين... أتسر عيناي واتخذني ا...
