آلـــردع

البــارت الخـامـس

#آلـــردع
༺ بــنين مـجـيد༻
مَحتاج نكعد سوةّ
وأحِجيلك شكد خفت من راحتْ عِيونك
ومن تكَلي خلِ نلتقي
صدكني...؟
مرني القلق
أَبديلكَ بيا بَجي؟؟
من تسأل شُلونك؟......

                    ...............................

{سِـــمـآ}

_واكفة واحس الدنية تفتر بية وعيوني غوشت اقرة بالرسالة وعدتها اكثر من مرة احاول استوعب اريد اجذب عيوني لا مو معقولة هوة رجع؟

حسن: سِـــمـآ اسمعيني فدوة لا تروحين باعي والله اني احبج باعي اسمعيني...
ضليت مصدومة احس كل ذكرة بشعة تذكرتهة احس اختنكت طفيت التلفون بسرعة وطلعت من الحمام رحت كعدت يم البنات احاول اخلي نفسي طبيعية كانو مصاير شي بس بالي كلة يم حسن

_يش رجع؟؟ معقولة بعد الي صار بية يرجع يأذيني اكثر؟ لا اني احب علي ولان عوضي هوة الاختيار الصح.

اجني البنات يريدن نركص بس احس تعبانة حيل

ريم: يااا شبيج لعد مو تكولين الة اكسر القاعة من الركص وينج؟ شو كاعدة وساكتة
شهد: خاف جوعانة؟
سِـــمـآ: لا والله مبية شي بس راسي يأذيني
روحن لا تضلن يمي روحن تونسن مبية شي
شهد: اكيد؟
سِـــمـآ: اي والله
سارة : اذا ردتي شي تعالي
تمام يروحي انتِ روحي
راحن البنات واشوف علي باتجاهي اختنكت حيل احس بعد ما اكدر احبس دموعي اجة يمي واني انفحرت بالبجي احس اختنكت

علي: شبيج احجي منو وياججججج؟

ما جاوبتة ضليت لازمة ايدة ومدنكة عيوني احس مالي جرئة اباوع بعيونة وبس ارجف وابجي واناشغ حسيت نفسي راح يغمى علية من كثر البجي
علي: تحجين لووو شلون؟
سِـــمـآ: رفعت عيوني بعيونة وحجيت بصوت خافت

«علي»

رفعت عيونهة بعيوني نضراتهة كانها تتوسلني اطمنهة تريد تحس بالامان ضميتها لصدري بقوة ومخلي ادية بخصلات شعرها سِـــمـآوي يروحي نطلع برة هزت راسها
اي

_اخذتهة وطلعت للحديقة مال القاعة
كعدتهة وحجيت وياهة بصوت يطمن
_وياج ما اعوفج لو يكولولي تنكتل اذا تضل
وياها احجي شبيج لا تخافين مني علي
وياج بس كولي

حجيت بغصة والشهكة مبينة بصوتي
_ح.. حسن
حجيتهة وانفجرت ابجي احس كلبي مكسور
احس غصة بكلبي
باوعت عليهة ضغطت على ايدهة لزمت وجهة بثنين ادية ودرتهة علية

_لا تسكتين احجي
سِـــمـآ: راسلني
علي : اممم انطيني تلفونج
اخذت االتلفون وجنت متعصب وفاير اريد اعرف منو
هذا حسن وشنو سالفتة فتحت تلفون
و طبيت على الانستا لكيت هواي رسائل من حسن