دكتور ياسين :نواف شنو اسوي هنا
نواف: اااا ابويي ...وحضنه
دكتور ياسين: دوخر وين جنت بالاسر شنو اسوي هنا شبيك
نواف: نباك كلبي بويهه
دكتور ياسين: ما منك فايده
راحوا متجهين للغرفه
كاعد وصافن وافكر بيه اشلون هيه نفسه الي بالحلم شفته يمي وشجماله و انقطع سرحاني ع صوت ابوي
ياسين: تفضني وتحجي شبيك
نواف : أصبت بسهم
ياسين: اي مو جنت بمعركه بالجاهليه بهاي كلبيتك فضحتني اشوكت اضل اعلم بيك من تجيني ترتب نفسك وتعدله انت ابني افهم اني رجال مرتب محترم وانت مخزبك مبهذل شبيك بابا
نواف: ااا هسه اني مو حلو يعني
ياسين: وينك وين جروخك
نواف : مو اني طالع عليك
ياسين: اطم روحي احسن طالع ع عمك العار
نواف: (وهو يضرب الميز بايده وبصياح ) والنعم والف ملاين انعام
ياسين: نصي صوتك عار فضحتني هسه شنو يكولون علي من يسمعوك
نواف: المهم بويه لا تشغلني بسوالفك
ياسين: اني اشغلك اني لو انتَ جايني بهذا لبسك وشكلك الي يخزي
نواف: وهو يعدل نفسه .. احم يعني شكلي مو حلو
ياسين: يلعب النفس
نواف: لا بويه جرحت مشاعري الرقيقه المهم عندي موضوع مهم .... ورفع كلبيته يتحزم بيه
ياسين: فضني احجي شتريد
نواف: اريد فلوس
ياسين: هو عندك غير هاي الشغله فلوس فلوس روح آلامك تنطيك
نواف: بس امي ما تكدر تنطيني
ياسين: ليش شكد تريد حضرتك
نواف : ما اعرف والله
ياسين: ميه
نواف: لا اكيد
ياسين: لعد ميتين من ارجع انطيك
نواف: شوف بويه الصراحه الصراحه غير
ياسين: اي اكيد
نواف: شفت بنيه بالمصعد وجانت محتاجه فلوس مالت خروج فا اني اريد ادفعهن لان البنيه جانت حلوه
ياسين: يعني لان البنيه حلوه لو مو حلوه ما تدفع حضرتك
نواف : لا ادفع
ياسين : منين
نواف : منك
ما احس الزلمه كام جنه هرقل انقض عليه
أنت تقرأ
ليالي الفرات
Mystery / Thrillerالمَاضي شَبح والمُستقبل حَلم وكُل مَا نملكه هَو حَاضِرُنا المَؤلم روايـه بقلمـي: ميامين حسين
