ليالي الفرات
الكاتب : ميامين حسين
ـــــــــ
اتجه عليه مسرع وكل ما تحمل الكره الارضيه من عصبيه صارت بي
صح الولد ناعم مو ضخم وجهه لطيف بس صار بهاذي الثانيه شخص غير حتى ابو ما كدر يلزمه
نواف: اني مو كلتلج روحي منا
براء: اي اي هسه ( وركضت بسرعه وما اعرف من يا جه رحت )
نواف: منا منا وين رايحه
ركضت بكل سرعتي للبوابه وأشوف امي والبنات منتضراتني يم السياره
نبأ : وين صرتي ولج
براء: بعدين احجيلج
ابتسام: ها يمه وين رحتي خفت عليج
براء: اجيت يمه اجيت
ميس: شنو هاي الهوسه براء
براء: ما اعرف امشن يله تعالي ماما اصعدج ساعدت امي تركب السياره وركبنه احنه البنات واني كلي ارجف والبنات انتبهن علي شفنه سياره محمد طلعوت انطانه نضره خاطفه وكمل طريقه كانو ما شايفنه
ــــــــ
نواف
واكف وأشوف فرحته من كالت اله الممرضه اندفع الاجر واني حسيت ملكت الدنيا بهاذي الحظه بس مباشره نزلت للأرض باسوء سرعه من سمعته تكول دكتور محمد يا محمد هذا يعني صار هذا العمل كله لشخص ثاني ما دخله وما يدري صح ضجت وكلش بس اهم شي فرحته وسلامه أمه اهم شي هسه
رحت وراه وانتظرته من طلعت هيه وامه من الغرفه وخواته وراحن رحت وراهن شفته رجعت
رجعت وراه اشوفه وين تروح وما احس اله من يغلط عليه الولد هنا ما كدرت اشوف دموعه الي بعينه واسكت
طلعت كل حركت كلبي بي ما خلت بس عظم صاحي وهوه ما قصر صار يذب فوكاي نفط ويزيد ناري
والي زيده أكثر وكفته بين هوسه الزلم اي واكفه مفهيه بوجهي شنو سنما
بعد ما حاجيه وراحت استوقفني ابوي ما خلاني الحكه وأشوف وين بيتهم
ياسين: اوكف اوكف تسودنت كلي وين رايح
نواف: عوفني بويه بس خليني اروح
ياسين: وين تروح شنو هيته
نواف: بويه بس عوفني هسه مجلب بيه صدك جذب
ياسين: اي أجلب بيك ما اهدك اله تكلي منو هاي الي حجيت وياه هسه
هيه الي دفعت اله الفلوس
نواف: لا مو هيه
ياسين: احجي الصدك ولك هيه لو مو هييه بسرعه
نواف: بويه مو هيه مو هيه ورحت كعدت
ياسين: جا ليش استوك تعاركت ويه الولد علموده يعني تعرفه
أنت تقرأ
ليالي الفرات
Mystery / Thrillerالمَاضي شَبح والمُستقبل حَلم وكُل مَا نملكه هَو حَاضِرُنا المَؤلم روايـه بقلمـي: ميامين حسين
