ليالي الفرات

Bart 8

ليالي الفرات

الكاتبه: ميامين حسين

قال الامام علي ابن ابي طالب (ع)

فأن غدرت بك الايام فأصبر

ــــــــــــــــ

التفتت وجان اشوفلك ثنين ولد بس مو ولد كول كراط حجار كل عضله شكبره

نواف: ها هلو

::: هلو ولك اليوم اشلون تتحرش باختي

ولزمني من ياختي اني ما انطي روحي هم لزمته جا يمردغني

نواف: يا المتحرش بختك ها

::: انت مو صار ساعه لاحكه

نواف: لا لاحكه ولا اعرفه ولا تعرفني رجال طلعت واريد ارجع للبيت لا اذب بلأك ع الناس احنه ولد عالم ونعرف الأصول

::: لا شكله البابا ما علمك التربيه وهسه اني راح اربيك من جده وجديد
انطاني ذاك البوكسي عكس وجهي وعاد الثاني استلم مجد ما سمعت صوته بوكسي منه بوكسي مني بس دفرني بضهري خلاني ما تنفست اجت الشرطه والناس فرغتنه لو باقي شوي جان طلعونه للنجف

طلعنه من الشارع نسحل رواحتنه سحلول

نواف: عمي تسمعني
لازم بطنه وساكت ويمشي

صعدنه بالسياره كعدنه ناخذ نفس

نواف: عمي شبيك احجي تسمعني لا راح الولد انخرس ولك مجد احجي احجي

ذبيت علي ماي يله شوي صحه

مجد: فتت مرارتي ابن الحلو

نواف: شوف شسوو بحالنه هجمو علينه كول كفره من بني قريضه

مجد: الله لا يطيك يا نواف ابن سعاد بهاي الساعه الله لا يوفقك اوكف خلي افتح زيجي علمود توصل اسرع

نواف: ههههه شتفتح دا شوف جيبك اشلون مشكوك ولك غطي روحك شهرتنه

مجد: يا جيب ولك دهداشتي استوني فتحته و لبسستهة

نوف: ههههه شوف وجوهنه شصار بيهن دمونه الهتليه

محد: ولك انت اكبر هتلي شحسبالك من تلحك بنيه يسكتولك عار اذا ما اكل الابوك وحتى ماجد راح اخابره اذا ما اخلي صيتك بكل السان اطلع معتب

نواف: ولك والله ما ادري بيه شبهت عليه شمعرفني يطلعون اله هيج ناس الله يستر عليهم

مجد: ولك همه ناس ذولي وحوش

نواف: وانت شمالك ما حجيت ما دافعت علي

مجد: شدافع هو اني اول ما درت وجهي لاكتني عضله خلتني صافن كلت هذا يفصخني ما يخلي بيه عضم

نواف: وخلو بيك عضم لا

مجد: ما جاي احس بجسمي شبعونه طك

نواف: يله تكبر وتنسى