تم حذف الجزء وإعادة كتابته لان موجود فيه خطا
في جزء محذوف وهو اهم جزء نعتذر منكم ❤️
_____________________________
نوره مسكت بهاج : خيررر ي الطيب كسرت العادات والتقاليد!
بهاج : من زين العادات وتقاليدنا !
نوره: بهاج انت انثبر (اجلس) هنا أنا بروح واشوفها مانبي مشاكل
بهاج : انتي من وين تفهمين قلت لك بروح غصب عنك بشوفها انثبري انتي هنا وغطي علي لاحد يحس بغيابي
نوره تكتفت ونطقت ببرود:ماراح أغطي على احد وراح اقول لجدي بعد!
بهاج : مايهم ، مشى وقال ، يلااا باي
فقدت نوره الامل من بهاج ودخلت للصاله وشافت هيام وصيته مسوين معركه !!
هيام :خيرررر ياعممم تظلم حفيدتك صيوت!
صيته انت ساكته وعلامات الخيبه في وجهها
نوره بلوتوث شبكت مع هيام ونطقت بعصبيه وابتسامة خبيثه:هههههههههه متوقعه ان اخوي حبيبي بيخطب بنتك تضحكين
هيام انقهرت من نوره : مو شغلك أنا اقول لكم من الاخر صيوت بنتي حبيبتي لبهاج
الجد كان ساكت من بداية الجلسه ولانطق بحرف ينتظر المعركه متى تخلص علشان يعطيهم الصدمه الثانيه!!
نوره ضحكت:ههههههههههههه بتتعبين وانتي تنتظرين بهاج لان بهاج من زمان كان يحب نودي بس نودي ماكانت تعطيه وجهه
الكل انصدم
نطق الجد :وش عرفك ان بهاج يحب العنود ؟
نوره لفت للجده ونطقت بصوت عالي علشان الكل يسمع:بهاج قبل سنتين اعترف لي انه يحبها ولكن العنود ماكانت تحب بهاج لانه كان يعصب عليها بس ماكان يعصب كان يغار احد يشوفها وقال لي قيسي نبض العنود ولكن مع كامل الاسف عنود ماكانت تحب بهاج !
الكل لمر بصدمة كبيرة كانوا يتوقعون بهاج يحب صيته وتزوج العنود غصب عنه
الجد : يعني بهاج يحب عنود من زمان ؟
نوره بكذب : ايههه يموت فيها بس ماكان يوضح لاحد
(معلومه بسيطه، نورره قررت تكذب علشان تقهر هيام وبنتها وبهاج ماكان يحب صيته يعني الأفلام الي كانت من نوره كذب )
الجد بفرحه :معليه بتحبه مع الوقت
هيام وصيته انقهروا وماقدرو يتكلمون
نجي عند بهاج والعنود>>
كان بهاج يسمع شهقات العنود لان ماكان في السطح صدى لما تبكي العنود كان يطلع صوت
دخل بهاج السطح وشاف بنت كميه في الجمال فستانها الابيض الي موضح خصرها وشعرها كان على وجهها ماكان قادر يشوف ملامحها زين !
جلس جنبها ،،حست العنود فيه احد جالس جانبها توقعته نوره لان مااحد يعرف مكانها يغيرها !
نطقت العنود بدموع البكاء ومارفعت رأسها :نوني ممكن تخليني لحالي ؟
استغربت العنود مافيه رد ! لان تعرف نوره بترد واول ماتدخل السطح بتتكلم وتغزل فيها لكن ذا الكائن الي جانبها مو نوره !
بهاج نطق بهدوء:المره هذي مو نوني الي جاتك هذي المره أنا
فزت العنود ونطقت :ايش تبي ؟ خيرر ليش جاي
بهاج بهدوء:شفيك طمرتي
العنود تراجعت للخلف ونطقت :انت ايش جابك ؟
بهاج ابتسم :جابني الله ههههههه
العنود :قول والله ! ، رفعت العنود شعرها عن وجها وشافها بهاج وقاعد يتأملها ثلاث ثواني وكانّها ثلاث ساعات على العنود
العنود خافت من سرحان بهاج : نعم ؟ اخلص شتبي
صحصح بهاج من سرحانه في الملاك الي قدامها
بهاج : شفيك خايفه مني ؟
العنود ضحكت ونطقت : صرصور انت ؟ ماخاف غير من الي خلقني
ضحك بهاج :وين الي كانت بتموت خوف في البر
ابتسمت العنود وطلعت غمازتها وهنا بهاج اعلى ذوبان
رجع يتأمله وقطع تكفير العنود
نطقت :خيرر ي الطيب
بهاج ابتسم :الخير والله انتي
سكتت العنود وجت بتقوم لكن استوقفها بهاج
:في مشاكل لا تنزلين
العنود : وش فيه ؟
بهاج : ابد والله هيام وبنته مسوين حفله هههههه
العنود نطقت بستغرب :حفلة وش ؟
بهاج بطفش : ما تحسين أسئلتك واجد
العنود رفعت حاجبها ونطقت :الحين انت جاي عندي ويوم جيت انزل وقفتني وتقول فيه مشاكل طيب بعرف وش المشاكل
بهاج تكى على الجدار ونطق :وقلت لك هيام وبنتها مسوين حفله
العنود :اجل بروح اشوف حفلتهم
بهاج :اقول انطقي
ركضت العنود وفتحت باب السطح ونزلت بهاج من الصدمه ماقدر يتحرك وبعد ثلاث ثواني استوعب بتصير مشكله كبيره إذا نزلت العنود !
ولحقها وكان بهاج اسرع من العنود وقربت العنود من الصاله تبي تشوف وش صاير لكن مسكها بهاج ودخلها المطبخ ونطق
:الحين وش قايل لك أنا ؟
العنود ببرود :نسيت عيد وش قلت
تنهد بهاج بعصبيه خفيفه يحاول يخفيها من برودها! ونطق بحده
:تعرفين أنا إذا قلت كلمة ماتراجع عنها! وسرعان ما عصبيتي تطلع
العنود ببرود علشان تقهره :شسوي لك دز بس
بهاج اجن من كلامته (دز) ومسكها من معصمها ونطق الحين وش قلت لك !!!!
العنود تتألم من مسكة يده ونطقت بألم تحاول تخفيه :كلامك ما يمشي علي تذكر حنّا زواجنا على ورق اعيش بعذاب نوير ولا اجي عندك
بهاج كان ساكت لان لو تكلم فرش فيها ب الارض وشد على يدها بالم ونطق بحده
:تتحديني الحين انتي
العنود تحاول تخفي دموعها وألم يدها ونطقت بخوف:اتحداك با ايش ؟
بهاج بحده وقرب العنود لمه ونطق :ما اخلي زواجنا على ورق !
(الكاتبه خارج النص هذا 🤣)
العنود انصدمت ونست الالم وبعدت عنه ونطقت وهي تمر ب ازمه الصدمة
:ايش! جدي قال مستحيل يصير بينا شي !!وانت مثل اخوي
ضحك بهاج ونسى نفسه : مثل اخوك ههههههههههه تعرفين كيف الاخوه ؟ أنا زوجك ب الحرف الواحد
(وقسم ان بهاج غبي مايعرف يحسب للكلمة الف حساب !)
العنود بصدمه تخالط الدموع :صح اني ماجربت الاخوه على قولتك لكن عندي اخت وصديقه وتكفي عن الغيب وعندي اخ بعد تدري وانا اصلاً مااشوفك لا اخوي ولا زوجي ولا شي اشوفك حمار القيله
بهاج ادرك مدى كلامه ان الكلمات الي قالها كبيره جداً على العنود ويمكن فتحت جرح !
بهاج بهدوء واحترام :ماكان قصدي اني أجرحك أنا انسان إذا عصبت افقد السيطره على كلامي معليش لكن كلامك مستفز!
العنود نطقت بحده :فك يدي
بهاج بهدوء وماسك يدها لكن خفيف :والله اسف ماكان قصدي أجرحك
العنود بتكبر وهي مو انجرحت هي انكسرت !:اذلف عن وجهي كلها سنه بتصبر واكسب الاجر بعدها أطلقك
بهاج ابتسم : شوفي انتي قولي وش الشي الي ما تحبينه وانا اقول الشي الي ما احبه وكل واحد يحترم الثاني
قدرت العنود تفك يد بهاج وطلعت من المطبخ لكن سمعت صوت الجد العنود ماتتطلق من بهاج إلا على موتي فهمين !
هيام بعصبيه :لا والله عن.....
قطع كلامها الجد بعصبيه وانفعال: سدي حلقك كل واحد ياخذ حرمته ويطلع عرفتوا المفاجأه توقعت بيحن قلبكم على العنود لكن كل شي صار عكسه !
صيته لمحت العنود وقررت تتكلم :اهااا عرفنا قول من البدايه انك مزوج العنود للبهاج علشانها شفقه وضعيفه وما عندها احد
الجد عصب ومسك صيته مع شعرها سدي حلقك ! بهاج يحب العنود وانا زوجته علشانه يحبها
رفع يده وناظرهم ونطق بصوت عالي كل واحد يذلف لبيته راشددد
راشد:سم
الجد :تعال ودني لبيتي
كانت العنود تسمع كل شي واقفه ولا قدرت تتحرك وبهاج واقف ولا قادر يسوي شي غير انه يسحب العنود علشان ما احد يشوفها
وطلع فيها فوق وكانت العنود ساكته ودموعها الحاره على خدها الوردي ودخلها غرفة نوره
YOU ARE READING
عوضتني عن باقي سنيني انت العوض الجميل
Spiritualأن تُحب امرأة كاتبة يُشبه أن تمتلك الدنيا بين يديك . كاتبه لاول روايه اتمنى تنال إعجابكم 🤍 ((اللهم لاتجعل روايتي تلهي عبادك عن طاعتك)) لا استبيح النقل مامثلك بلد🇸🇦
