للحاج زاير رحمه الله
جينه ننشد كربله امضيعينها
بيها زينب كالوا اميسرينها
يسروها أو لالها واحد فزع
شال حادي اضعونها. ابساع أو. كطع
جينه ننشد وين . أبو فاضل وكع
ما تدلونه الشريعه وينها
بس أشوفه والعتب مني يزود
وادري أبو فاضل على النخوه يجود
عذره حكه ايكول مكطوع الزنود
أو حال ملك الموت بينه أو بينها
جينه ننشد كربله اعليها انعتب
أنكول هاي ارجال. واتدور . الغلب
حرمه زينب بيش مطلوبه . ابذنب
فوك كتل احسين وميسرينها
أرد انشدج كربله عن النزيل
اشلون ضعن الحرم شال إبلا دليل
انجان كلتيلي يعاونها العليل
بالمرض مشدوه. وينه أو وينها
أرد انشدج خيمكة عن النزل
بالله خبريني كولج ما . يزل
زينب اتركب اليتامه على. الهزل
يو علي السجاد كام ايعينها
جينه ننشد عالعليل أمن. انوله
فوك ضعف المرض هالبلوى. ابتله
ليش ما غاضت بهلها كربله
من كطع بالسيف رأس احسينها
جينه ننشد كربله أو زين . العباد
الروس شالوها أو بكت بس الاجساد
اشلون جسمك سيدي امن المرض باد
ما حصل وأحد حظه ابتجفينها
جينه ننشد كربله عن . العيال
اشلون. كلي إبلا ولي هالضعن شال
خلوا السبعين من غير . الاطفال
امذبحه ويلي ولا مسجينها
جينه ننشد كربله والدمع زاد
بيها اميه كضت بحسين المراد
كربله اعليها . بجت سبع الشداد
وين شيعتها اشسبب . ناسينها
أرد انشدج هم صدك بالشام عيد
أو حطوا ابطشت الذهب رأس الشهيد
أو من نشد . زينب ابديوانه يزيد
جاعده يو واجفه امخلينها
*. *. *. *. *.
لبيك يا حسين
